adverise with khmeread 1

Spurs និង Man Utd ខ្ចាយ​ពី Europa League

​    ​ការប្រកួត​ក្នុង​ក្របខ័ណ្ឌ Europa League វគ្គ ១/៨ បានបញ្ចប់​កាលពី​យប់មិញ ដោយ​ក្រុម​បិសាច​ក្រហម Manchester United ធ្វើបាន​ត្រឹម​មួយ​ស្មើ​ជាមួយ Liverpool ស្របពេល​ក្រុម​មាន់​ខ្នាយ​មាស Spurs បរាជ័យ​ទាំង​ពីរលើក​ក្រោម​ថ្វី​ជើង​ក្រុម​ខ្លាំង Dortmund ដោយ​លទ្ធផល ២ ទល់នឹង ១​។​

​    ​ខ្សែប្រយុទ្ធ​កំពុង​ឡើង​ជើង Aubameyang រកបាន​ពីរ​គ្រាប់​តែឯង​ឱ្យ​ក្រុម Dortmund មុននឹង​កីឡាករ Son Heung-Min របស់ Tottenham តាម​បាន​មួយ​គ្រាប់​វិញ​ក្នុង​នាទី​ទី ៧៤ ប៉ុន្តែ​លទ្ធផល​នេះ​បាន​រក្សា​រហូតដល់​ចប់​ការប្រកួត ដែល​ធ្វើឱ្យ​ការប្រកួត​ទាំងពីរ​ជើង​រវាង​ក្រុម​ទាំងពីរ​បានបញ្ចប់​ក្នុង​លទ្ធផល Dortmund យកឈ្នះ Spurs ដល់​ទៅ ៥ ទល់នឹង ១​។​

​    ​រីឯ​ក្រុម​បិសាច​ក្រហម​វិញ ពួកគេ​ខំប្រឹង​ខ្លាំង​ណាស់ដែរ​ប៉ុន្តែ​នៅតែ​មិនអាច​បំបាក់​គូសត្រូវ Liverpool បាន​។ ខ្សែប្រយុទ្ធ Man Utd គឺ​កីឡាករ Martial បាន​ជួយ​ឱ្យ​ក្រុម​មានសង្ឃឹម​បន្តិច​ក្នុង​តង់​ទីមួយ​ក្នុង​នាទី​ទី ៣២ ដោយ​ការទា​ត់បាល់​ពិន័យ ១១ ម៉ែត្រ ប៉ុន្តែ​វា​បាន​រលាយបាត់​វិញ​បន្ទាប់ពី​ខ្សែបម្រើ​ហង្ស​ក្រហម​គឺ​កីឡាករ Coutinho បាន​តាម​ស្មើ​នៅ​ចុង​តង់​ទីមួយ ធ្វើឱ្យ​លទ្ធផល ១-១ នេះ​បាន​រក្សា​រហូតដល់​ចប់​ការប្រកួត​។ នេះ​មានន័យថា ក្រុម Liverpool បាន​យកឈ្នះ Man Utd ទាំងពីរ​ជើង​ក្នុង​លទ្ធផល ៣ ទល់នឹង ១​។​

​    ​ក្រុម​ផ្សេងទៀត​ក៏បាន​ឡើងទៅ​វគ្គ​បន្ទាប់​ផងដែរ ដោយ​ក្នុងនោះ​មាន Villarreal, Sparta Prague, Bilbao, Shakhtar, Braga និង Sevilla​។​

​    ​គួរបញ្ជាក់​ផងដែរ​ថា ការចាប់​គូ​សម្រាប់​វគ្គ ៨ ក្រុម​ចុងក្រោយ​នឹង​ប្រព្រឹត្តិការណ៍​ក្នុងថ្ងៃនេះ​ក្នុង​ទីក្រុង Nyon ប្រទេស​ស្វ៊ី​ស ហើយ​ការប្រកួត​ជើង​ទីមួយ​នឹងធ្វើ​ឡើង​នៅ​ថ្ងៃទី ៧ ខែមេសា និង​ជើង​ទី​ពីរ​នៅ​ថ្ងៃទី ១៤ ខែមេសា​ដដែល​៕

adverise with khmeread

មតិយោបល់