adverise with khmeread Shu qi 1803s 620 404 100

ស៊ូ ឈិ​ឈ្នះ​ពាន​តួ​ស្រី​ល្អ​ដាច់​គេ​សម្រាប់​ភាពយន្ត The Assassin ដែល​ប្រើពេល​ថត​២​ឆ្នាំ​

​    ​ភាពយន្ត​មួយ​និយាយ​អំពី​ឃាតករ​ស្រី​ដ៏​ស្ទាត់ជំនាញ​មួយរូប​បាន​ប្រមូលយក​ពានរង្វាន់​នៅក្នុង​កម្មវិធី​ប្រគល់​ពានរង្វាន់​អាស៊ី ហៅថា Asian Film Awards ក្នុង​ទីក្រុង​ម៉ា​កាវ​កាលពី​ថ្ងៃ​ព្រហស្បតិ៍ ដោយបាន​ដណ្តើមយក​ពានរង្វាន់​ភា​ព​យន្ត​ល្អ​ដាច់​គេ​, ពាន​តារា​សម្តែង​ស្រី​ល្អ​ដាច់​គេ និង ពាន​អ្នកដឹកនាំ​រឿង​ល្អ​ដាច់​គេ​នៅ​ពិធី​ដ៏​អធិកអធម​នេះ​។ នេះ​បើតាម​វេ​ប​សាយ​ឆា​នែ​ល​ញូ​វ​ស៍​អេ​ស៊ា​ចេញផ្សាយ​ថ្ងៃទី ១៨ មីនា​នេះ​។ 

​    ​ភាពយន្ត​នេះ​បាន​កើប​យក​ពានរង្វាន់​ចំនួន​ពាក់កណ្តាល​នៅ​រាត្រី​ថ្ងៃ​ព្រហស្បតិ៍​ទៅផ្ទះ​វិញ ដោយ​ដណ្តើមបាន ៨ ពាន​ក្នុងចំណោម ១៥ ពាន នៅ​កម្មវិធី​ប្រគល់​ពានរង្វាន់​ភាពយន្ត​ឈានមុខ​គេ​មួយ​នេះ​របស់​អាស៊ី ដែល​រៀបចំ​នៅ​ទីក្រុង​កាស៊ីណូ​ដ៏​អស្ចារ្យ ម៉ា​កាវ ស្ថិតនៅ​ចិន​ភាគខាងត្បូង​។ 

​    ​ដោយ​ឈុត​ឆាក​ធ្វើឡើង​ក្នុង​រជ្ជកាល​ថា​ង​ប្រទេស​ចិន រឿង "The Assassin" គឺជា​ភាពយន្ត​ទាក់ទង​នយោបាយ ដោយ​កំពូល​តារា​សម្តែង​ស្រី​តៃវ៉ាន់ នាង ស៊ូ ឈិ (Shu Qi) ដើរតួ​ជា​ឃាតករ​ស្រី​ដ៏​ស្ទាត់ជំនាញ ដែល​គេ​បញ្ជូនទៅ​ខេត្ត​កំណើត​របស់​នាង​វិញ​ដើម្បី​សម្លាប់​អភិបាលខេត្ត ដែលជា​បុរស​ដែល​នាង​ស្រឡាញ់​។ 

​    ​ក្នុង​ឈុត​ទឹកប្រាក់​ដ៏​ភ្លឺ​ចែងចាំង នាង​ស៊ូ ឈិ​បាន​ប្រាប់​អ្នកយក​បន្ទាប់ពី​ទទួល​ពានរង្វាន់​ថា "​ខ្ញុំ​ពិតជា​សំណាង​ណាស់​ឆ្នាំនេះ​។ ខ្ញុំ​មិនអាច​ធ្វើ​វា​បានទេ​ឆ្លងកាត់​រយៈពេល ២ ឆ្នាំ​នៃ​ការផលិត​ភាពយន្ត The Assassin បើ​គ្មាន​ការជួយ​ពី​បង់​រុំ និង​ថ្នាំពេទ្យ​"​។ តារា​សម្តែង​អាយុ ៣៩ ឆ្នាំ​រូបនេះ​និយាយ​បែបនេះ​គឺ​សំដៅលើ​ឈុត​ឆាក​ដែល​ទាមទារ​ប្រើ​ដៃជើង​ខ្លាំងៗ​សម្រាប់​ឈុត​វាយតប់​។ 

​     តួ​ចិន​នាង ចូ​វ យុន (Zhou Yun) ទទួលបាន​ពានរង្វាន់​តួ​ស្រី​រង​ល្អ​ដាច់​គេ​សម្រាប់​ការសម្តែង​ក្នុង​ភាពយន្ត​នេះ ដែល​នាង​និយាយថា វា​ជា​រឿង "​គួរឱ្យភ្ញាក់ផ្អើល​ណាស់​" សម្រាប់​នាង​ដែល​ឈ្នះ​ពាន​នេះ​។​

​    ​បុរស​តៃវ៉ាន់ លោក​ហ៊ូ សៀវ សៀន (Hou Hsiao-hsien) បានឈ្នះ​ពានរង្វាន់​អ្នកដឹកនាំ​រឿង​ល្អ​ដាច់​គេ​។ លោក​ក៏មាន​កេរ្តិ៍ឈ្មោះ​ល្បីល្បាញ​ដោយសារ​ភាពយន្ត​កំពូលៗ​ដូចជា រឿង "Millennium Mambo" និង រឿង "The Puppetmaster"៕ 

adverise with khmeread
ប្រភព៖ ឆានែលញូវស៍អេស៊ា

មតិយោបល់