adverise with khmeread 1

Spanish League? ក្រុម​មកពី​ប្រទេស​អេ​ស្ប៉ា​ញ​ចំនួន ៦ បន្ត​ក្នុង​ក្របខ័ណ្ឌ Champions និង Europa League

​    ​ក្រុម Sevilla ធ្វើបាន​យ៉ាង​ល្អ​នៅ​ទឹកដី Sánchez-Pizjuán របស់ខ្លួន ដែល​បាន​ធានា​ការបង្ហាញ​ខ្លួន​របស់​ក្រុម​មកពី​អេ​ស្ប៉ា​ញ​ដ៏​ច្រើន​នៅ​វគ្គ ៨ ក្រុម​ចុងក្រោយ​ក្នុង​តំបន់​អឺរ៉ុប​បើ​ប្រៀប​ទៅនឹង​រដូវ​កាល ២០០០/០១​។ នៅពេល​នោះគេ​ឃើញ​ក្រុម Valencia និង Alavés ឡើងទៅ​វគ្គ​ផ្តាច់ព្រ័ត្រ​ដើម្បី​ប្រកួត​ជាមួយ​ក្រុម Bayern និង Liverpool​។​

​    ​កាលពី​រដូវ​កាលនោះ មាន​ក្រុម​អេ​ស្ប៉ា​ញ​ចំនួន​ប្រាំពីរ ដោយ​ក្នុងនោះ​មាន Valencia, Deportivo និង Real Madrid ក្នុង​ក្របខ័ណ្ឌ Champions League និង Barcelona, Celta, Alavés និង Rayo ក្នុង​ក្របខ័ណ្ឌ UEFA Cup​។ ប៉ុន្តែ​លើក​នេះ​មាន​ក្រុម​មកពី​ប្រទេស​អេ​ស្ប៉ា​ញ​ចំនួន​ប្រាំមួយ​គឺ Barça, Atlético និង Real Madrid ក្នុង​ក្របខ័ណ្ឌ Champions League និង Athletic, Villarreal និង Sevilla ក្នុង​ក្របខ័ណ្ឌ Europa League​។​

​    ​ក្រុម​ស្ថិតនៅ​កំពូល​ទាំង​ប្រាំមួយ​ក្នុង​ក្របខ័ណ្ឌ La Liga ស្ថិតក្នុង​ការប្រកួតប្រជែង​តំបន់​អឺរ៉ុប​ទាំងអស់​។ ប្រទេស​ដែលមាន​ក្រុម​ចូលរួម​ច្រើន​បន្ទាប់ពី​អេ​ស្ប៉ា​ញ​គឺ​អាល្លឺម៉ង់ ដោយ​ក្នុងនោះ​មាន Bayern, Wolfsburg និង Borussia Dortmund​។​

​    ​រីឯ​អង់គ្លេស​វិញ​មានតែ Manchester City និង Liverpool ប៉ុណ្ណោះ ខណៈ​ប្រទេស​ព័រ​ទុយ​ហ្គា​ល់​មាន​ក្រុម Benfica និង Braga​។ ប្រទេស​ផ្សេងទៀត​នៅសល់​តែមួយ​ក្លឹប​ប៉ុណ្ណោះ ដូចជា PSG របស់​បារាំង​, Sparta Prague របស់​ឆេ​ក និង Shakhtar Donetsk របស់​អ៊ុយ​ក្រែ​ន​៕

adverise with khmeread
ប្រភព៖ Marca

មតិយោបល់