adverise with khmeread You have dry and cracked heels. try baking soda

ប្រេះ​កែងជើង​? សាក​វិធី​ប្រើ​ម្សៅ​មេនំ​ប៉័ង

​    ​កែងជើង​ប្រេះ និង​ស្ងួត​គឺជា​បញ្ហា​ធ្វើឱ្យ​ឈឺចាប់​មួយ ព្រោះ​ស្បែក​មាន​លក្ខណៈ​ស្ងួត​ខ្លាំង និង​មាន​ស្នាម​ក្រិន​ពណ៌​ត្នោត​និង​លឿង​នៅតាម​កែងជើង​។ ជាងនេះទៅទៀត អាកា​រៈ​ប្រេះ​កែងជើង​ក៏បង្ក​ឱ្យ​ក្រហាយ រមាស់ និង​របកស្បែក​ផងដែរ​។ 

​    ​កង្វះ​ជាតិ​ទឹក ខ្យល់​ស្ងួត របប​អាហារ​ខ្សោយ ការ​ថែ​ជើង​មិន​បានល្អ ប្រឹង​ដើរ​សង្កត់​កែងជើង​ខ្លាំងពេក ការ​ឈរ​យូរៗ និង​ការពាក់​ស្បែកជើង​តឹងៗ​គឺ​សុទ្ធតែជា​មូលហេតុ​ធ្វើឱ្យ​ប្រេះ​កែងជើង​។ ក៏មាន​មូលហេតុ​ផ្សេងទៀត​ដែរ​ដែល​ធ្វើឱ្យ​កែងជើង​ប្រេះ​ក្នុងនោះ​មានដូចជា ជំងឺ​ស្បែក ជំងឺ​ក្រិន​ស្បែក ជំងឺ​ទឹកនោមផ្អែម និង​ជំងឺ​ក្រ​ពេញទី​រ៉ូ​អ៊ី​ត​។ 

​    ​* របៀប​ព្យាបាល​ដោយ​ប្រើ​ម្សៅ​មេនំ​ប៉័ង​
​    ​គ្រឿងផ្សំ​
​    ​- ម្សៅ​មេនំ​ប៉័ង ២ ស្លាបព្រា​បាយ​
​    ​- ទឹក​ក្តៅ ៤ ទៅ ៥ លីត្រ​
​    ​- ផលិតផល​រក្សា​សំណើម​ស្បែក ឬ​ប្រេងដូង ឬ វ៉ា​សឺ​លីន​
​    ​- ប៉ុង​ទន់ៗ​
​    ​- ប្រេង​ឡា​វេន​ឌ័​រ (Lavender) (​មិនចាំបាច់​ប្រើ​ក៏បាន​)

​    ​ដាក់​ម្សៅ​មេនំ​ប៉័ង​ចូល​ទឹក​ក្តៅ​រួច​កូរ​ឱ្យ​វារ​លាយ​។ ប្រសិនបើ​លោកអ្នក​ចូលចិត្ត លោកអ្នក​អាច​បន្ថែម​ប្រេង​ឡា​វេន​ឌ័​រ​ដើម្បី​បន្ថែម​ក្លិនក្រអូប​។ ត្រាំ​ជើង​ក្នុង​ទឹក​នោះ​ប្រហែល ១៥ ទៅ ២០ នាទី រួច​យក​ប៉ុង​ទន់ៗ​មក​ដុស​លើ​កន្លែង​ប្រេះ​។ ចុងបញ្ចប់​ត្រូវយក​ផលិតផល​រក្សា​សំណើម​ស្បែក​ដែលមាន​ជាតិ​គ្លី​សេរី​ន​ខ្ពស់ (High-Glycerin) ឬ​ប្រេងដូង ឬ វ៉ា​សឺ​លីន​មក​លាប​ពីលើ​កែងជើង​ប្រេះ រួច​យក​ថង់​រុំ​ផ្លែឈើ ឬ​ស្រោមជើង​ពាក់​ពីលើ​ដើម្បី​ខ្ទប់​ជាតិ​សំណើម​កុំឱ្យ​ភាយ​ចេញ​ក្រៅ​។​

​    ​ធ្វើបែបនេះ​ពីរដង​ក្នុង​មួយ​សប្តាហ៍ ហើយ​នៅពេល​ស្ថានភាព​កែងជើង​បាន​ធូរស្បើយ​ហើយ​នោះ លោកអ្នក​អាចធ្វើ​បែបនេះ ២ ដង​ក្នុង​មួយខែ​ក្នុង​រយៈពេល​សរុប ៦ ខែ​។ លោកអ្នក​អាចធ្វើ​វា​នៅមុន​គេង និង​ត្រូវ​ពាក់​ស្រោមជើង​ផង​៕​

adverise with khmeread
ប្រភព៖ ម៉ាយឡាយស្តាយ

អ្នកនឹងចូលចិត្ត

មតិយោបល់