adverise with khmeread 1

​លី​តៅ​ហួ​ទទួលរង​ការរិះគន់​ក្រោយ​ប្រគល់​វិមាន​តម្លៃ ២០០​លាន​ដុល្លារ​ហុងកុង​មួយ​ខ្នង​ឱ្យ​កូនស្រី​អាយុ​បួន​ឆ្នាំ​

ដើម្បី​ការពារ​សិទ្ធិ​ឯកជន​របស់​កូនស្រី​របស់គាត់ Andy Lau (​លី​តៅ​ហួ​) ហាក់​កំពុង​នឹង​បាន​ខ្នះខ្នែង​ហួស​ដែន​កំណត់​ដើម្បី​ការពារ​កូនស្រី​អាយ​បួន​ឆ្នាំ​របស់គាត់​ឈ្មោះ Hanna ពីការ​លេច​មុខមាត់​ជា​សាធារណៈ​។​

​យោងតាម​គេហទំព័រ Jayne Stars បានឱ្យដឹងថា គ្រប់ពេលវេលា​ដែល​ក្រុមគ្រួសារ​នេះ​បានសម្រេច​ធ្វើដំណើរ​ក្រៅប្រទេស​រួមគ្នា ពួកគេ​តែងតែ​ទទួលបាន​ការការពារ​ដោយ​អង្គរក្ស​ផ្ទាល់ខ្លួន និង​តែងតែ​ចាកចេញ​តាមផ្លូវ​លំដាប់ VIP ជានិច្ច​។​

​ដោយ​ទទួលបាន​ព័ត៌មាន​ពី​ពាក្យ​ចចាមអារ៉ាម​មួយចំនួន​បាន​អះអាងថា សូម្បីតែ​នៅ​សាលារៀន​របស់​កូនស្រី​លោក Andy ក៏បាន​ស្នើសុំ​អ្នកគ្រប់គ្រង​សាលា​ឱ្យ Hanna ទទួលបាន​ការចាកចេញ​ពី​ម៉ោង​សិក្សា​របស់ខ្លួន​មុន​កំណត់​ចំនួន ១៥ នាទី​ជា​រៀងរាល់ថ្ងៃ​ផងដែរ ដើម្បីឱ្យ​នាង​គេច​ផុតពី​ការ​ប្រមាញ់​រូបថត​។​

​ប៉ុន្តែ​នោះ​មិនមែន​អ្វីដែល​គួរឱ្យភ្ញាក់ផ្អើល​ទាំងស្រុង​នោះទេ យោងទៅលើ​ប្រភពព័ត៌មាន​ប្រទេស​ចិន​កាលពី​ថ្មីៗ​នេះ​បានឱ្យដឹងថា Andy បាន​ចំណាយ​ទឹកប្រាក់​ដ៏​សម្បើម​ចំនួន ២០០​លាន​ដុល្លារ​ហុងកុង (២៥,៨​លាន​ដុល្លារ​អាមេរិក​) ទៅលើ​វិមាន​ដ៏​ស្កឹមស្កៃ​នៅលើ​ភ្នំ Kadoorie ក្នុង​ទីក្រុង​ហុងកុង ដើម្បី​ធ្វើជា​កាដូ​ជូន​កូនស្រី​របស់គាត់​។​

​អ្វីដែល​កាន់តែ​ពិសេស​ពីលើផ្ទះ​ថ្មី​ដ៏​ប្រណិត​មួយ​នេះ​គឺថា Andy ក៏បាន​ចំណាយ​ទឹកប្រាក់​ចំនួន ២០០​លាន​ដុល្លារ​ហុងកុង បន្ថែមទៀត​ផងដែរ​ស​ម្រា​ប់​ទិញ​យន្តហោះ​ឯកជន​ផ្ទាល់ខ្លួន​មួយគ្រឿង ដើម្បី​ជួយ​សម្រួលការ​ធ្វើដំណើរ​របស់គាត់​និង​ក្រុមគ្រួសារ​របស់គាត់​ផងដែរ​។​

​ទោះជា​យ៉ាងណា វិធានការ​ចាយប្រាក់​យ៉ាង​គគ្រឹកគគ្រេង​របស់ Andy ដើម្បី​សុវត្ថិភាព​ឯកជន​របស់​កូនស្រី​របស់គាត់​មួយ​នេះ​មិនអាច​ទៅមុខ​យ៉ាង​រលូន​ដោយ​គ្មាន​ការរិះគន់​នោះឡើយ​។​

​អ្នក​និយម​លេង​ប្រព័ន្ធ​អ៊ីនធឺណិត​មួយចំនួន​បានបង្ហាញ​ពី​អារម្មណ៍​របស់ខ្លួន​ថា Andy បាន​នឹង​កំពុង​ធ្វើ​រឿង​ហួសហេតុ​ពេក​ហើយ និង​បាន​ទាញយក​ផលប្រយោជន៍​ពី​ស្ថានភាព​ល្បីល្បាញ​របស់ខ្លួន ដើម្បី​កេងចំណេញ​ផលប្រយោជន៍​ផ្ទាល់ខ្លួន​។​

​ទោះជា​យ៉ាងណា ក៏មាន​បណ្តា​អ្នកគាំទ្រ​ដទៃទៀត​បាន​និយាយថា​ពួកគេ​យល់​ពី​គោលបំណង​របស់ Andy ។ ក្នុងនាម​ជា​បុគ្គល​សាធារណៈ ពួកគេ​គួរតែមាន​សិទ្ធិ​ឯកជន​អ៊ីចឹង​ហើយ​៕

adverise with khmeread
ប្រភព៖ Lollipop

មតិយោបល់