adverise with khmeread Ronaldo boy 1703getty 750

អូន​តូច​ប៉ា​ឡេ​ស្ទី​ន​ដែល​ត្រូវ​គ្រាប់ផ្លោង​អត់​ស្លាប់​បាន​ជួប​រ៉ូ​ណា​ល់​ដូ​ដល់​កីឡដ្ឋាន Santiago Bernabeu

​    ​ក្មេងប្រុស​ប៉ា​ឡេ​ស្ទី​ន ដែល​រួចផុតជីវិត​ពី​ការ​បំផ្ទុះ​គ្រាប់បែក​ដោយ​ជន​ជ្រុលនិយម​ជ្វី​ហ្វ ដែល​សម្លាប់​ឪពុកម្តាយ និង​ប្អូនប្រុស​របស់ខ្លួន ត្រូវបាន​ស្វាគមន៍​រាក់ទាក់​ដោយ​តារា​របស់​ក្លឹប​បាល់ទាត់ Real Madrid ក្នុងនោះ​មាន គ្រី​ស្ទា​ណូ រ៉ូ​ណា​ល់​ដូ និង​ហ្គា​រ៉េត ប៊ែ​ល​ផងដែរ កាលពី​ថ្ងៃ​ព្រហស្បតិ៍​។ នេះបើតាមវេបសាយអេស៊ាវ័នចេញផ្សាយថ្ងៃសុក្រនេះ។ 

​    ​ក្មេងប្រុស​ឈ្មោះ អា​មេ​ត ដា​វ៉ាប​សេ (Ahmed Dawabsheh) បានជា​សះស្បើយ​ពីរ​បួស​របស់ខ្លួន​វិញ​ក្នុង​រយៈពេល ៨ ខែ​កន្លងមកនេះ​។ 

​    ​ដោយ​រំភើបចិត្ត​ចំពោះ​រូបភាព​ក្មេងប្រុស​រុំបង់​របួស​ពេញ​ខ្លួន​ពាក់អាវ Real Madrid ប្រជាជន​ប៉ា​ឡេ​ស្ទី​ន​បានធ្វើ​យុទ្ធនាការ​រាប់​ខែ​នៅលើ​បណ្តាញ​សង្គម​ដើម្បី​បញ្ចុះបញ្ចូល​ក្រុម​នេះ​ឱ្យ​មកជួប​អា​មេ​ត​។ 

​    ​សុបិន​របស់គាត់​បាន​ក្លាយជា​ការពិត ខណៈដែល​ក្មេងប្រុស​ម្នាក់នេះ​បាន​ថតរូប និង​ទទួលបាន​អាវ Real ដែលមាន​ប៉ាក់​ឈ្មោះ​ក្មេង​នេះ​និង​មាន​ចុះហត្ថលេខា​ដោយ​ក្រុម​តារា​ល្បី​របស់ Real ក្នុងនោះ​មាន​ទាំង​កីឡាករ​ឆ្នើម ៣ សម័យកាល​របស់​ពិភពលោក រ៉ូ​ណា​ល់​ដូ និង​ប៊ែ​ល​ផងដែរ​។ 

​    ​Real Madrid បាន​និយាយ​ក្នុង​សេចក្តីថ្លែងការណ៍​មួយ​ថា "​ក្រុម Real Madrid បាន​ជួប​គាត់ និង​ថតរូប​ជាមួយ​គាត់ ហើយ​បានប្រគល់​អាវ​ដល់​គាត់ និង​បាល់​មួយ​ដែល​ចុះហត្ថលេខា​ដោយ​ក្រុម​ទាំងមូល​។ ដោយ​មើលឃើញ​ក្តីរំភើប​យ៉ាងច្បាស់​នឹង​ភ្នែក ក្មេងប្រុស​នេះ​បាន​រត់​ជុំវិញ​អគារ​ក្លឹប មុនពេល​ទៅ​មើល​និមិត្តរូប​របស់ខ្លួន​ធ្វើការ​ហ្វឹកហាត់​"​។​

​    ​បន្ទាប់ពី​បាន​ជួប​និមិត្តរូប​របស់ខ្លួន​ហើយ​នោះ អា​មេ​ត​ត្រូវបាន​នាំទៅ​មើល​កីឡដ្ឋាន Santiago Bernabeu មួយ​ឆ្អែត​ផងដែរ​៕

adverise with khmeread
ប្រភព៖ អេស៊ាវ័ន

មតិយោបល់