adverise with khmeread Fb4a6cb1 197e 42b1 8c26 4f60d5178b3d

បញ្ជូន​ចោរឆក់​ទូរស័ព្ទ​ទៅ​តុ​លា​ការ​ថ្ងៃនេះ​

      ភ្នំពេញ ៖ ជនសង្ស័យ​២​នាក់​ត្រូវបាន​ប៉ូលិស​ខណ្ឌ​៧​មករា​បញ្ជូនទៅ​តុលាការ​នា​រសៀល​ថ្ងៃទី​១៨​មីនា​នេះ បន្ទាប់ពី​ចាប់ខ្លួន​នៅ​ថ្ងៃទី ១៧​មីនា​២០១៦ ម៉ោង ០៣​ទៀបភ្លឺ​ក្នុងករណី ឆក់ ទូរ​សព្ទ័​ដៃ​នៅ​ចំណុច មុខ​សណ្ឋាគារ អេ​ស៊ាន​ផា​លេស ផ្ទះ​លេខ ១៩៩ ផ្លូវ ៩៣ ភូមិ ៥ សង្កាត់ អូរឫស្សី ៤ ខណ្ឌ ៧ មករា។​

     ប៉ូលិស​និយាយថា  ជនរងគ្រោះ​ឈ្មោះ នា​ប វណ្ណៈ ភេទ ប្រុស អាយុ ៣៥ ឆ្នាំ មុខរបរ នៅផ្ទះ ទីលំនៅ​ផ្ទះ​លេខ ២២៥​អឺ​២ ផ្លូវ ៩៣ ភូមិ ៥ សង្កាត់ អូរឫស្សី​៤ ខណ្ឌ ៧ មករា ។​

     ចំណែក​ជនសង្ស័យ​មាន​១-​ឈ្មោះ គឹម ឆាយ​ហួត ភេទ ប្រុស អាយុ ១៧ ឆ្នាំ មុខរបរ នៅផ្ទះ ទីលំនៅ​ផ្ទះ​លេខ ២១៩២ ផ្លូវ ដេ​៧២ សង្កាត់ ស្រះចក ខណ្ឌ ដូនពេញ​និង​២-​ឈ្មោះ ប៉ុល ផាន់​ណា​រ័ត្ន ភេទ ១៦ ឆ្នាំ មុខរបរ សិស្ស វត្ត​កោះ ស្នាក់នៅ​ផ្ទះជួល សង្កាត់ បឹង​កេងកង ៣ ខណ្ឌ ចំការមន។​

       វត្ថុតាង​ដកហូត ៖ ម៉ូតូ ០១ គ្រឿង ម៉ាក ហ្វី​រ៉ាណូ ពណ៌ ស ស្លាក​លេខ 1CY-6142 ភ្នំពេញ , ទូរ​សព្ទ័ ០១ គ្រឿង ម៉ាក​អាយ​ហ្វូ​ន ៥ លេខ ០៨៦ ៤១៥ ៧០៩។​

​​​       ​បច្ចុប្បន្ន ទូរស័ព្ទដៃ​ប្រគល់ជូន​ម្ចាស់​វិញ ហើយ​ជនសង្ស័យ​កំពុង​ឃាត់ខ្លួន​នៅ​អធិការដ្ឋាន​ដើម្បី​កសាង សំណុំរឿង​ទៅ​តុលាការ​រសៀល​នេះ​៕​

adverise with khmeread

អ្នកនឹងចូលចិត្ត

មតិយោបល់