លោក Rodrigo Duterte សារភាពថាគាត់មានជំងឺសាច់ដុំ ទើបបណ្តាលឱ្យធ្លាក់ត្របកភ្នែក

លោក Rodrigo Duterte បាននិយាយថា គាត់មានជំងឺសរសៃខួរក្បាលហៅថា Myasthenia Gravis ដែលកាត់បន្ថយសមត្ថភាពក្នុងការគ្រប់គ្រងចលនាភ្នែករបស់គាត់។

ប្រធានាធិបតីហ្វីលីពីនវ័យ ៧៤ឆ្នាំរូបនេះបានប្រាប់សហគមន៍ហ្វីលីពីនក្នុងប្រទេសរុស្ស៊ីកាលពីថ្ងៃសៅរ៍ ទី៥ តុលាថា "វាគឺជាបញ្ហាសរសៃប្រសាទ។ ខ្ញុំទទួលរងជំងឺតំណពូជពីឪពុករបស់ខ្ញុំ។ ដូច្នេះខ្ញុំជឿថា វាគឺជាជំងឺតពូជ"។

ជំងឺ Myasthenia Gravis បង្កដោយសារខូចសរសៃរវាងសរសៃប្រសាទ និងសាច់ដុំ វាធ្វើឱ្យខ្សោយ និងសាច់ដុំអស់កម្លាំងល្ហិតល្ហៃ។ នេះជាហេតុធ្វើឱ្យធ្លាក់ត្របកភ្នែកម្ខាងឬទាំងសងខាង។

ស្ថានភាពរបស់លោក Duterte ជារឿយៗក្លាយជាប្រធានបទដែលទាក់ទាញ នៅពេលគាត់មិនបង្ហាញមុខជាសារធារណៈមួយរយៈពេល ហើយអ្នកនាំពាក្យរបស់គាត់ គឺលោក Salvador Panelo ក៏បានទទួចដែរថា វាមិនជាអ្វីដែលគួរឱ្យព្រួយបារម្ភនោះទេ៕

adverise with khmeread