adverise with khmeread 55ddaf23 48f5 42bb a65c f49169e14762

ត្រី​ឆ្តោ​ស៊ី​កូនស្រី​បង្កើត អាយុ​៩​ឆ្នាំ បានសម្រេច​៣​ដង​ជាប់​ខ្នោះ​

    ភ្នំពេញ ៖ កម្លាំង​ប៉ូលិស​ការិយាល័យ ព្រហ្មទណ្ឌ​កម្រិតធ្ងន់​រាជធានី​ភ្នំពេញ សហការ​ជាមួយ​ប៉ូលិស​ខណ្ឌឫស្សីកែវ ចាប់ខ្លួន ឪពុក​តិ​រិ​ច្ឆា​ន​ម្នាក់ នៅ​ម៉ោង​៦​ល្ងាច​ថ្ងៃទី​១៨ ខែមីនា ឆ្នាំ​២០១៦​បន្ទាប់ពី​បាន​ចាប់រំលោភ​កូនស្រី​បង្កើត អាយុ​ទើបតែ​៩​ឆ្នាំ​រហូត​ពី​២​ទៅ​៣​ដង ថែមទាំង​គំរាម​សម្លាប់ចោល​ទៀតផង។​

    មន្ត្រីប៉ូលិស​មូលដ្ឋាន​បាន​ឲ្យ​ដឹងថា ជនសង្ស័យ​ជា​ឪពុក​ឈ្មោះ ហ៊ិ​ន សំអាត អាយុ​៣៤​ឆ្នាំ មុខរបរ​គ្មាន​ ស្នាក់នៅ ផ្ទះ​លេខ​៤៧៦១H ផ្លូវ​៥៩៨ ក្រុមទី​៣ ភូមិ​បឹង​ឈូក សង្កាត់​គីឡូម៉ែត្រ​លេខ​៦ ខណ្ឌឫស្សីកែវ ហើយ​ត្រូវបាន​ឃាត់ខ្លួន នៅ​ចំណុច​បូរី​អង្គរ​ភ្នំពេញ​ផ្លូវ​បេតុង ក្រុម​១៣ ភូមិ​ទួលគោក សង្កាត់​ទួល​សង្កែ ខណ្ឌឫស្សីកែវ​។​

    ចំណេ​ក ក្មេងស្រី​រងគ្រោះ​មានឈ្មោះ ស​.​អ​.​ណ អាយុ​៩​ឆ្នាំ ត្រូវបាន​ឪពុក​បង្កើត​ចាប់រំលោភ កាលពី​វេលា​ម៉ោង​៧​យប់​ថ្ងៃទី​១៧ ខែមីនា ឆ្នាំ​២០១៦​នៅក្នុង​ផ្ទះ​តែម្តង​ខណៈពេល​ម្តាយ​មិន​នៅផ្ទះ។ ការចាប់ខ្លួន​បុរស​ខាងលើ​គឺ​យោងតាម​ពាក្យ​ប​ណ្តឺ​ង​ឈ្មោះ​សារុន​សៀង​ហេង​ភេទ​ស្រី​អាយុ​31​ឆ្នាំ​ត្រូវជា​ម្តាយ។​

    ក្មេងស្រី​រងគ្រោះ បាន​ប្រាប់​សមត្ថកិច្ច​ថា ឪពុក​របស់​នាង​បាន​ចាប់រំលោភ​២​ទៅ​៣​ដង​រួចហើយ​ព្រមទាំង​គំរាម​សម្លាប់​ទៀតផង​។ បច្ចុប្បន្ន​ជនសង្ស័យ​ត្រូវប្រគល់​ឲ្យ​ការិយាល័យ ព្រហ្មទណ្ឌ​កម្រិតធ្ងន់​រាជធានី​ភ្នំពេញ​ចាត់ការ​តាមច្បាប់​៕​

adverise with khmeread

អ្នកនឹងចូលចិត្ត

មតិយោបល់