adverise with khmeread 1

ពិបាកចិត្ត​រឿង​ចិញ្ចើម​ស្តើង​? ប្រេងដូង​អាចជួយ​ធ្វើឱ្យ​ចិញ្ចើម​ដុះ​ក្រាស់​ឡើងវិញ​បាន​

​    ​ស្ត្រី​បច្ចុប្បន្ននិយម​ចង់បាន​ចិញ្ចើម​ក្រាស់ ដោយហេតុថា​វា​នឹង​ជួយ​លើក​សម្រស់​ពួកគេ​កាន់តែ​ស្អាត​មួយកម្រិត​ទៀត​។ ស្ត្រី​មួយចំនួន​បានធ្វើឱ្យ​ចិញ្ចើម​ខ្លួនឯង​ប្រែជា​ស្តើង​ដោយ​ប្រការ​មួយចំនួន ដូចជា ដក​រោមចិញ្ចើម​ដើម្បី​តម្រឹម​ឱ្យ​ស្អាត ឬ​កោរ​។ ជួនកាល​រោមចិញ្ចើម​ស្តើង​កើតឡើង​ដោយសារតែ​វ័យ​កាន់តែច្រើន កង្វះ​សារធាតុចិញ្ចឹម លាប​គ្រឿងសម្អាង​ខុស​របៀប ឬ​បញ្ហា​សុខភាព​ផ្សេងទៀត​ដូចជា​ជំងឺ​ស្បែក និង​ជំងឺ​ទំពែក​ជាដើម​។

​     ប្រសិនបើ​លោកអ្នក​មាន​ចិញ្ចើម​ស្តើង លោកអ្នក​នឹង​លែង​បារម្ភ​តទៅទៀត​ជាមួយនឹង​វិធី​ធម្មជាតិ​ខាងក្រោម​នេះ​។​

​    ​* ប្រេងដូង​
​    ​ដើម្បី​ទទួលបាន​ចិញ្ចើម​ក្រាស់​មកវិញ លោកអ្នក​អាច​ប្រើ​ប្រេងដូង​។ ប្រេងដូង​សម្បូរ​សារធាតុ​ប្រូតេអ៊ីន​ច្រើន និង​សារធាតុចិញ្ចឹម​សំខាន់ៗ​ដូចជា វីតាមីន E និង​ជាតិ​ដែក​ជាដើម ដែល​វា​ល្អ​សម្រាប់​ជំរុញ​សុខភាព​រោមភ្នែក និង​ជួយ​រោមភ្នែក​ឱ្យ​ដុះ​ក្រាស់​ល្អ​។ ហើយ​វា​ថែមទាំង​ជួយ​ឱ្យ​រោមចិញ្ចើម​ខ្មៅ​ក្រិ​ប​ទៀតផង​។

​    ​១. ដាក់​ប្រេងដូង​រំងាស់​ហើយ​ក្តៅ​ឧណ្ហៗ​បី​បួន​ដំណក់​លើ​ម្រាមដៃ ហើយ​យកទៅ​លាប​ពីលើ​រោមចិញ្ចើម​។​
​    ​២. ម៉ាស្សា​វា​ថ្នមៗ​រយៈពេល​បី​បួន​នាទី​ដើម្បី​ជំរុញ​លំហូរ​ឈាម​នៅ​តំបន់​ចិញ្ចើម​។
​    ​៣. ទុក​វា​ចោល​មួយ​យប់​។​
​    ​៤. ក្រោក​ព្រឹក​ឡើង លាង​វា​ជាមួយ​ទឹក​ក្តៅ​ឧណ្ហៗ​។​
​    ​៥. ធ្វើបែបនេះ​រាល់ថ្ងៃ ក្នុង​រយៈពេល ១ ខែ ទៅ ២​ខែ នោះ​លោក​អ្នកនឹង​សម្គាល់​ឃើញ​រោមចិញ្ចើម​ដុះ​ឡើងវិញ​យ៉ាង​ក្រាស់ និង​ខ្មៅ​រលោង​ស្អាត​ជាក់​ជាមិនខាន​៕ 

adverise with khmeread
ប្រភព៖ Health Report

អ្នកនឹងចូលចិត្ត

មតិយោបល់