adverise with khmeread 1

Arsenal បន្ត​ក្តី​សុបិន​ប្រជែង​ពាន PL ម្តងទៀត​បន្ទាប់ពី​បំបាក់​ក្រុម​ខ្លាំង Everton ២-០

​    ​កីឡាករ Danny Welbeck និង Alex Iwobi បាន​ជួយ​ក្រុម​កាំភ្លើង​ធំ Arsenal បន្ត​ការ​ប្រជែង​ពាន Premier League ពី​ក្រុម​កំពូល​តារាង Leicester បន្ទាប់ពី​បំបាក់​ក្រុម Everton នៅ​ទឹកដី Goodison Park ក្នុង​លទ្ធផល ២-០​។​

​    ​Arsenal ចំណាយ​ត្រឹមតែ​ប្រាំពីរ​នាទី​ប៉ុណ្ណោះ​ដើម្បី​ទម្លាយ​សំណាញ់ Everton ជាមួយ​ខ្សែប្រយុទ្ធ​មុត​ស្រួច Welbeck កាច់ចង្កេះ​អ្នកចាំទី Robles និង​ស៊ុត​បញ្ចូល​ទី​តែម្តង​។​

​    ​ខ្សែបម្រើ​ឆ្នើម Iwobi ក៏បាន​រក​គ្រាប់​បាល់​ទី​ពីរ​ឱ្យ Arsenal នៅ​ចុង​តង់​ទី​ពីរ​បន្ទាប់ពី​ខ្សែការពារ Hector Bellerin បាន​បំ​ផ្លោង​បាល់​ពីក្រោម​មកឱ្យ​រូបគេ​។​

​    ​លទ្ធផល​នេះ​បាន​រក្សា​រហូតដល់​បញ្ច​ប់​ការប្រកួត​ប៉ុន្តែ Arsenal ហាក់ដូចជា​បាត់បង់​ខ្សែបម្រើ​អន្តរជាតិ Ozil បន្ទាប់ពី​ខ្សែការពារ Everton គឺ​កីឡាករ Stones បាន​ជាន់​កែងជើង​គាត់​នៅ​នាទី​ទី ៧៣​។ ទោះជា​យ៉ាងនេះ​ក្តី មិនទាន់មាន​ព័ត៌មាន​ច្បាស់ការ​ណាមួយ​បញ្ជាក់ថា របួស​នោះ​ធ្ងន់ធ្ងរ​ដល់​កម្រិតណា​ទេ​។​

​    ​គួរ​បញ្ជាក់ថា នៅ​ការប្រកួត​ក្រោយ Arsenal នឹង​ប្រកួត​សងសឹក​ក្រុម Watford នៅ​កីឡដ្ឋាន Emirates នៅ​ថ្ងៃ​សៅរ៍ ទី ២ ខែក្រោយ​ខណៈ Everton នឹងធ្វើ​ដំណើរ​ទៅកាន់​ទឹកដី​បិសាច​ក​ក្រហម Manchester United នៅ​ថ្ងៃទី ០៣ ខែមេសា ខាងមុខ​៕

 

adverise with khmeread

មតិយោបល់