adverise with khmeread 8eccc3ed 6b70 4781 809f 6b3f2939de03

ម្ចាស់​ផ្ទះជួល​ក្រ​បើក​ទ្វារផ្ទះ​ឱ្យ​យុវជន​ម្នាក់​ត្រូវ​ចោរ​៣​នាក់​វាយ​ប្លន់​យក​ម៉ូតូ​

     ភ្នំពេញ ៖ យុវជន​ម្នាក់​ជា​និស្សិត​ពេទ្យ​ឆ្នាំ​ទី​៦ របស់​សាលា ​IU បាន​រងរបួស​ធ្ងន់ធ្ង​រ​សន្លប់​ស្តូកស្តឹង ហើយ​ត្រូវបាន​មិត្ត​ភក្ត្រ​ដឹក​យកទៅ​សង្គ្រោះ​នៅ​មន្ទីរពេទ្យ ដោយសារតែ​រូបគាត់​ត្រឡប់​មកពី​ហូប​បង្អែម នៅពេល​មកដល់​មុខផ្ទះ​ជួល​គោះទ្វារ​តែ​ម្ចាស់ផ្ទះ​ក្រ​បើក​ពេក ក៏មាន​ជនសង្ស័យ​មួយក្រុម​វាយ​ប្លន់​យក​ម៉ូតូ​ស្មាស​វី​ទៅ​បាត់​តែម្តង។​

     អំពើ​ប្លន់​នេះ​បាន​កើតឡើង​កាលពី​វេលា​ម៉ោង​១​និង​១៥​នាទី​រំលង​អា​ធ្រា​ត្រ​ឈានចូល​ថ្ងៃទី​២០ ខែមីនា ឆ្នាំ​២០១៦ តាម​បណ្តោយ​ផ្លូវ​លេខ​១៩៨៤ ស្ថិតក្នុង​សង្កាត់​ភ្នំពេញ​ថ្មី ខណ្ឌ​សែន​សុខ។​

      ប្រភពព័ត៌មាន​ពី​សមត្ថកិច្ច​បានឱ្យដឹង​ថា នៅ​មុនពេល​កើតហេតុ​ជនរងគ្រោះ​បាន​ជិះ​ម៉ូតូ ស្មាស​វី ពណ៍​ខ្មៅ ពាក់​ស្លាក​លេខ កណ្តាល 1H-3808 ជិះ​ចេញពី​ហូប​បង្អែម​នៅ​ម្តុំ​សាលា ​IU ហើយ​បំណង​ត្រឡប់ទៅផ្ទះ​ជួល​វិញ។​

      ពេលមកដល់​ចំណុច​មុខផ្ទះ​ជួល​ក៏បាន​ឈប់​ម៉ូតូ​មុខផ្ទះ និង​ស្រែកហៅ​ឱ្យ​ម្ចាស់ផ្ទះ​បើកទ្វារ តែដោយសារ​យប់​ជ្រៅ​ពេក​ទំនងជា​ម្ចាស់ផ្ទះ​មិនឮ​និង​ក្រ​បើក​ទ្វារផ្ទះ​ផង​នោះ ក៏​ស្រាប់​តែមាន​ជនសង្ស័យ​មួយក្រុម​មាន​គ្នា​៣​នាក់ ជិះ​ម៉ូតូ​ម៉ាក​អាយ​ខុន ពណ៍​លឿង ជិះ​មក​ឈប់​ដោយ​យក​ដុំឥដ្ឋ និង​មួកសុវត្ថិភាព​វាយ​មកលើ​ជនរងគ្រោះ បណ្តាលឱ្យ​ដួលសន្លប់​ស្តូកស្តឹង​រងរបួស​ធ្ងន់។​

      ពេលនោះ​ម្ចាស់ផ្ទះ​ឮសូរ​សម្លេង​វាយ​គ្នា ក៏​ប្រញាប់ប្រញាល់​ចេញមក​បើកទ្វារ ប៉ុន្តែ​ពេលចេញ​មក​ក៏​បានឃើញ​ជនរងគ្រោះ​ដេក​ដួល​នៅខាងមុខ​ផ្ទះ ហើយ​ក្រុម​ជនសង្ស័យ​បាន​ជិះ​ម៉ូតូ​ទៅ​ឆ្ងាយ​បាត់ទៅហើយ។​

      ភ្លាមៗ​នោះបាន​បង្ក​ការភ្ញាក់ផ្អើល​ឡើង ហើយ​ជនរងគ្រោះ​ត្រូវបាន​មិត្ត​ភក្ត្រ​ដឹកយក​ទៅ​សង្គ្រោះ​នៅ​មន្ទីរពេទ្យ​សែន​សុខ រួច​ទើប​ទំនាក់ទំនង​ទៅ​សមត្ថកិច្ច​មូលដ្ឋាន ។​

      ក្រោយ​កើតហេតុ​ជាង​កន្លះ​ម៉ោង​ទើប​សមត្ថកិច្ច​មូលដ្ឋាន​មកដល់​កន្លែងកើតហេតុ សួរនាំ​ដំណើររឿង និង​ជនរងគ្រោះ​នៅ​មន្ទីរពេទ្យ ។ ប៉ុន្តែ​ដោយសារតែ​ជនរងគ្រោះ​មាន​សភាព​ធ្ងន់ធ្ងរ​ពេក ទើប​គ្រូពេទ្យ​ឱ្យ​សមត្ថកិច្ច​រង់ចាំ​សិន ទើប​ចាំ​ទៅ​ដាក់​ពាក្យបណ្តឹង​នៅពេល​ក្រោយ​ទើប​ពុំទាន់​មានឈ្មោះ ៕

adverise with khmeread

អ្នកនឹងចូលចិត្ត

មតិយោបល់