adverise with khmeread Huk hogan

តុលាការបង្គាប់ឲ្យក្រុមហ៊ុន Gawker Media សងជំងឺចិត្ត១១៥លានដុល្លារដល់លោក Hulk Hogan

            ចៅក្រម​នៅរដ្ឋហ្វ័រីដា​បានធ្វើ​ការពិចារណា​ទៅលើ​អង្គហេតុ​រយៈ​ពេល​ប្រាំ​មួយ​ម៉ោង​ មុននឹង​សម្រេច​បង្គាប់ឲ្យក្រុមហ៊ុន Gawker Media បង់សំណងជំងឺ​ចិត្ត​រហូត​ដល់​១១៥​លាន​ដុល្លារ​។

            ចៅក្រម​បានជម្រះក្តីលើ​បណ្តឹង​ពាក់ព័ន្ធនឹងឃ្លីបវីដេអូសិច​របស់អតីត​កីឡា​កាស​ជើង​ចាស់ Hulk Hogan ហើយ​បានរកឃើញ​ថា គេហទំព័រ Gawker Media បានរំលោភលើ​សិទ្ធិឯក​ជន​របស់​កីឡាកាស​រូបនេះ នៅពេលគេហទំព័​រនេះ​បាន​ចុះផ្សាយ​ឃ្លីបវីដេអូដែលលោករួមសិច​ជាមួយនឹង​ភរិយាមិត្តភក្តិជិតស្និទ្ធរបស់​លោក។

            លោក Hogan ឱកក្បាល​ចុះបន្តិច ហើយ​ទំនងជា​ស្រក់ទឹកភ្នែក​នៅពេល​តុលា​ការប្រកាសសាលក្រម។

            ចៅក្រម​បាន​បង្គាប់ឲ្យ​ផ្តល់សំណងដល់លោក Hogan ៥៥​លាន​ដុល្លារ​សម្រាប់​ផលប៉ះពាល់ផ្នែកសេដ្ឋកិច្ច​និង​៦០លាន​ដុល្លារទៀត​ចំពោះ​ផលប៉ះពាល់​ផ្លូវចិត្ត។

            ក្រុម​ការងា​រ​របស់​លោក Hogan បាននិយាយថា បណ្តឹងទារសំណង១០០​លាន​ដុល្លារពី​ Gawker ផ្តោត​លើ​សិទ្ធិឯកជន​ដែល​មនុស្សគ្រប់គ្នា​គួរទទួល​បាន​នៅពេល​និយាយដល់​ទំនាក់ទំនងផ្លូវភេទ​ក្នុងបន្ទប់ជា​លក្ខណៈ​ឯកជន​ មិន​ថា បុគ្គលនោះជាតារាល្បីឬយ៉ាងណានោះទេ៕

adverise with khmeread

អ្នកនឹងចូលចិត្ត

មតិយោបល់