1

ពាក្យ​ចចាមអារ៉ាម​៖ លោក Mourinho បាន​ចុះ​កុងត្រា​ជាមួយ Man Utd ហើយ​

​    ​សារព័ត៌មាន​ពី​ប្រទេស​អេ​ស្ប៉ា​ញ​បាន​រាយការណ៍​ថា លោក Jose Mourinho បាន​ចុះ​កិច្ច​ព្រម​ព្រៀម​បឋម​ជាមួយ​ក្លឹប​បិសាច​ក្រហម Manchester United រួចជាស្រេច​បាត់ទៅហើយ​។​

​    ​គ្រូបង្វឹក​សញ្ជាតិ​ព័រ​ទុយ​ហ្គា​ល់​រូបនេះ​នឹង​ទទួលបាន​សំណង​ខូចខាត ១៥ លាន​ផោន​ពី​កិច្ចសន្យា​នេះ ប្រសិនបើ​គាត់​មិនបាន​តែងតាំង​នៅមុន​ថ្ងៃទី ១ ខែមិថុនា​។​

​    ​បើ​យោងតាម​ប្រភពពី​ភ្នាក់ងារ​លោក Mourinho គឺ​លោក Jorge Mendes បាន​បញ្ជាក់ថា បុរស​វ័យ ៥៣ ឆ្នាំ​រូបនេះ បាន​យល់ព្រម​ចុះកិច្ចសន្យា​ដើម្បី​ផ្លាស់​ទៅ​ទឹកដី Old Trafford ហើយ​។​

​    ​ទោះជា​យ៉ាងនេះ​ក្តី បិសាច​ក្រហម​អាច​លុបចោល​កិច្ចសន្យា​នៅពេលណា​ក៏បាន​។ ប៉ុន្តែ​ប្រសិនបើ Man Utd មិនបាន​ចុះ​កុងត្រា​ផ្លូវការ​ជាមួយ​លោក Mourinho ឱ្យបាន​មុន​ថ្ងៃទី ១ ខែឧសភា​ទេនោះ ពួកគេ​ត្រូវតែ​សង ៥ លាន​ផោន​ទៅឱ្យ​គាត់​។

    ​ហើយ​លោក Mourinho នឹង​បាន ១០ លាន​ផោន​បន្ថែមទៀត​ប្រសិនបើ​កុងត្រា​នេះ​មិន​បញ្ចប់​ឱ្យ​រួចរាល់​នៅ​ថ្ងៃទី ១ ខែមិថុនា​។​

​    ​លក្ខខណ្ឌ​នេះ​ត្រូវបាន​រួមបញ្ចូល​ព្រោះ​មន្ត្រីជាន់ខ្ពស់​នៅ​ក្លឹប​បិសាច​ក្រហម​មិន​គិតថា លោក Mourinho សក្តិសម​នឹង​ជំនួស​លោក Louis van Gaal ទេ​។​

​    ​ប្រសិនបើ Mourinho មិនត្រូវ​បានតែងតាំង​នោះ ក្លឹប Real Madrid នឹង​ចាប់យក​ឱកាស​នេះ បើទោះបីជា​គាត់​ចង់​ដឹកនាំ​តែ​នៅ​ប្រទេស​អង់គ្លេស​ក៏ដោយ​៕

ប្រភព៖ Metro

មតិយោបល់