adverise with khmeread Wsum 2031669b

អតីត​សមាជិក​ក្រុម Westlife អន់ចិត្ត​ដែល​អតីត​មិត្ត​រួម​ក្រុម Brian McFadden បង្កើត​ក្រុម​ចម្រៀង​ថ្មី​

​    ​កំហឹង​បាន​ផ្ទុះ​ឡើងលើ​អតីត​សមាជិក​ក្រុម Westlife រវាង Kian Egan និង McFadden​។​

​    ​Kian បាន​រង​ការ​ថ្នាំងថ្នាក់​ចិត្ត​ជុំវិញ​ការបង្កើត​ក្រុម​ថ្មី​ឈ្មោះថា Boyzlife របស់លោក McFadden រួមដៃគ្នា​ជាមួយ​អតីត​សមា​ជិ​ក្រុម Boyzone គឺ​តារាចម្រៀង Keith Duffy​។​

​    ​សិល្បករ​រូបនេះ​បាន​ប្រាប់​ទៅកាន់​វិទ្យុ 98FM ថា​គាត់​មានការ​ទើសទាល់​ចិត្ត​តាំងពី​បុរស​ទាំងពីរ​នាក់​នេះ​បានគ្រោង​រួបរួមគ្នា​សម្រាប់​ដំណើរ​ប្រគុំ​តន្ត្រី​ក្នុងពេល​អនាគត​។​

​    ​លោក Kian បាន​និយាយថា "​វា​ពិតជា​មិន​យុត្តិធម៌​ទេ​ចំពោះ​អ្នកគាំទ្រ ពេលដែល​រឿងនេះ​បានកើត​ឡើង​។ អ្នក​បានដឹងហើយថា​ក្រុម Westlife និង​Boyzone ធ្លាប់​បានធ្វើ​ប្រគុំ​តន្ត្រី​រួមគ្នា​"​។​

​    ​"​ជួយ​គិត​មើល​មនុស្ស​ដែល​បាន​ចំណាយពេល​១៥​ឆ្នាំ​ជាមួយ​ក្រុម Westlife បែរជា​មក​ធ្វើ​រឿង​បែបនេះ វា​ពិតជា​គួរឱ្យ​ខឹង​ណាស់​"​។​

​    ​គណៈកម្មការ The Voice Of Ireland រូបនេះ​ហាក់បីដូចជា​ភ្ញាក់ផ្អើល​ចំពោះ​ផែនការ​របស់ Brian នៅក្នុង​ការបង្កើត​ក្រុម​នេះ ដោយ​គាត់​បាន​បន្ដថា "​វា​ជា​រឿង​ឆ្គាំឆ្គង​ណាស់ ដែល​សមាជិក​ក្រុម Westlife មួយរូប​ចាកចេញ​ពី​ក្រុម បន្ទាប់ពី​រយៈពេល​បួន​ឆ្នាំ ហើយ​បែរជា​មក​សម្រេចចិត្ត​ប្រើ​ឈ្មោះ​ពាក់កណ្តាល​របស់​ក្រុម​ទាំងពីរ​ប​ញ្ជូ​ល​គ្នា​សម្រាប់​អ្វីដែល​ពួកគេ​កំពុង​ធ្វើ​នេះ​"​។

​    ​លោក Brian អាយុ​៣៥​បាន​វាយបក​វិញ​ភ្លាមៗ​ថា "​ខ្ញុំ​ពិតជា​បាន​នៅក្នុង​ក្រុម Westlife ច្រើនជាង​បួន​ឆ្នាំ ប៉ុន្ដែ Kian និយាយ​ដូចជា​ហួសហេតុ​ពេក​ហើយ​"​។​

​    ​Kian ឆ្លើយតប​វិញ​ថា "​បើសិនជា​ក្រុម Westlife នឹង​បាន​រួមគ្នា​ម្ដងទៀត វា​នឹង​នៅតែ​ជា​ក្រុម Westlife ដដែល​។ វា​នឹង​មិនមែនជា Westlife + Boyzone ឯណា ហើយ​វា​ក៏​មិនមែន Westlife និង​នរណាម្នាក់​នោះដែរ​"៕

adverise with khmeread

អ្នកនឹងចូលចិត្ត

មតិយោបល់