adverise with khmeread 5866d622 1ddb 469e 9762 64ced4a6af20

បុរស​ម្នាក់ ដក​កាំភ្លើង​បាញ់​មេឃ​មួយ​គ្រាប់ ត្រូវ​អាវុធហត្ថ​២​ខណ្ឌ​ឃាត់ខ្លួន​

      ភ្នំពេញ ៖ បុរស​ម្នាក់​ដែល​គេ​ដឹងថា​គេ អាវុធហត្ថ​ខណ្ឌមានជ័យ បាន​ផឹកស៊ី​ស្រវឹង ហើយ​ជិះ​ម៉ូតូ ដក​កាំភ្លើង​បាញ់​មេឃ​មួយ​គ្រាប់​យ៉ាង​រំភើយ ធ្វើ​ឲ្យ​មានការ​ភ្ញាក់ផ្អើល​ដល់​អាវុធហត្ថ​ខណ្ឌ​ពោធិ​សែន​ជ័យ​និង​ខណ្ឌមានជ័យ​ស្ទាក់​ឃាត់​បាន​ភ្លាម​កាលពី​វេលា​ម៉ោង ១២​និង​២០​នាទី​រំលង​អា​ធ្រា​ត​ឈានចូល​ថ្ងៃទី ២១ មិនា ២០១៦ នៅតាម​បណ្តោយ​ផ្លូវ​ ២០០៤ ស្ថិត​ក្នុងភូមិ​ត្រពាំង​ល្វា សង្កាត់​កកាប ខណ្ឌ​ពោធិ​សែន​ជ័យ។​

      ជន​បាញ់បោះ​សេរី​ខាងលើ​មិនត្រូវ​គេ​បាន​ស្គាល់​ពី​អត្តសញ្ញាណ​នោះទេ តែមាន​អាវុធហត្ថ​ម្នាក់ បាន​បង្ហើប​ប្រាប់ថា​ជន​នោះ​ជាម​ន្ត្រី​អាវុធហត្ថ​ខណ្ឌមានជ័យ។​

     ប្រភព​ពត៍​មានបាន​ប្រាប់​ឲ្យ​ដឹងថា នៅ​មុនពេល​កើតហេតុ គេ​ឃើញ​ជន​ខាងលើនេះ​ជិះ​ម៉ូតូ​មួយគ្រឿង​ម៉ាកវ៉េវ ១១០ ​ពណ៍​ក្រហម ពាក់​ស្លាក​លេខ ​1FE-6269 ទើប​ចេញពី​ហាង​ផឹកស៊ី​នៅតាម​ផ្លូវ​២០០៤ ទិសដៅ​ពី​ជើង​ទៅ​ត្បូង។​

     ខណៈ​មកដល់​មុខ​ហាង យីហោ​សែន​រីករាយ ជន​នោះ​ក៏បាន​ដក​កាំភ្លើង​ពី​ចង្កេះ​បាញ់​ឡើងលើ​១​គ្រាប់ បង្ក​ឲ្យ​មានការ​ភ្ញាក់ផ្អើល​ដល់​អាវុធហត្ថ​ខណ្ឌ​ពោធិ៍​សែន​ជ័យ​ដែល​យាម​តាម​ហាង​នៅ​ផ្លូវ​២០០៤ ចេញ​ដេញតាម និង​រាយការណ៍​តាម​វិទ្យុទាក់ទង​ឲ្យ​គ្រប់​គោលដៅ​ចេញ​ជួយ​ស្ទាក់ ហើយ​ជន​បាញ់បោះ​សេរី​នោះបាន​ជិះ​ម៉ូតូ​គេ រត់តាម​ផ្លូវ​ណត​ប្រ៊ី​ត រត់​មក​ផ្លូវ​វេ​ង​ស្រេង រួច​បត់​មក​រោងចក្រ​អគ្គីសនី​ទួល​ពង្រ ហើយ​ជិះ​បត់​ទៅ​ខាងកើត​ប្រហែលជា​១០០​ម៉ែត្រ​ក្រោយ​បុរី លឹម ឈាង​ហាក់ ក៏ត្រូវ​អាវុធហត្ថ​ខណ្ឌមានជ័យ​ចេញ​ឃាត់​បានតែ​ម្តង៕

adverise with khmeread

អ្នកនឹងចូលចិត្ត

មតិយោបល់