adverise with khmeread 74f6444e bd97 4787 9cc3 0451c58b0012

ចោរ​២​នាក់​បាញ់​១​គ្រាប់​ប្លន់​យក​ម៉ូតូ​ពី​បុរស​ម្នាក់​បានសម្រេច​

       ភ្នំពេញ ៖ បុរស​ជា​កម្មករ​រោងចក្រ​ម្នាក់​ទើប​ទិញ​ម៉ូតូ​ថ្មីៗ​ជិះ​មិនទាន់​អី​ផង ក៏ត្រូវ​ជនសង្ស័យ​មាន​គ្នា​២​នាក់ ដើរមក​សួរនាំ​រួចមក​វាយ និង​បាញ់​១​គ្រាប់ ប្លន់​យក​ម៉ូតូ​ហុងដា​សេ​១២៥ ស៊េរី ២០១៦ មួយគ្រឿង​បានសម្រេច ហើយ​ជិះ​ចេញទៅ​បាត់​។​

       អំពើ​ប្លន់​នេះ​បង្ក​ការភ្ញាក់ផ្អើល​កាលពី​វេលា​ម៉ោង ៨ ​និង​៣០​នាទី​យប់​ថ្ងៃទី ២០ មិនា ២០១៦​នៅ​ចំណុច​ដី​វាល ខាងលិច​របង​រោងចក្រ​កាណាឌីយ៉ា ស្ថិត​ក្នុងភូមិ​ត្រពាំង​ថ្លឹង សង្កាត់​ចោមចៅ ខណ្ឌ​ពោធិ៍​សែន​ជ័យ។​

       ជនរងគ្រោះ​ជា​ម្ចាស់​ម៉ូតូ​ខាងលើ​ឈ្មោះ ងិន សុភា អាយុ ២៥​ឆ្នាំ មុខរបរ​កម្មករ​រោងចក្រ សា្ន​ក់នៅ​ភូមិ​ព្រៃ​ល្វា សង្កាត់​ចោមចៅ ខណ្ឌ​ពោធិ​សែន​ជ័យ។ ចំណែកឯ​ម៉ូតូ​ដែល​ជនសង្ស័យ​ប្លន់​យក​ម៉ាក​ហុងដា​ឌ្រី​ម​សេ​១២៥ ស៊េរី ២០១៦ ពណ៍​ខ្មៅ​ពាក់​ស្លាក​លេខ​ភ្នំពេញ 1FT-1040 រីឯ​ជនសង្ស័យ​មាន​គ្នា​២​នាក់​ថ្មើរជើង។​

       ប្រភពពី​ជនរងគ្រោះ​បាន​ឲ្យ​ដឹងថា មុនពេល​កើតហេតុ រូបគាត់​បាន​ជិះ​សេ​១២៥ ស៊េរី​២០១៦ មក​ឈប់​នៅ​ចំណុច​ទីតាំង​ដី​វាល​ខាងលិច​រោងចក្រ​កាណាឌីយ៉ា​ហើយ​បាន​ចុះ​បត់ជើងតូច ដោយ​ពុំបាន​ដក​សោ​ម៉ូតូ​នោះទេ។​

       ក្រោយមក​ក៏មាន​ជនសង្ស័យ​២​នាក់​ដើរមក​សួរនាំ​ថា ម៉ោង ប៉ុន្មាន​ហើយ ភ្លាមនោះ​គ្នា​របស់​ជនសង្ស័យ​ម្នាក់​បាន​យក​វត្ថុ​រឹង​មក​វាយ ចំ​ថ្គាម​ខាងឆ្វេង​ជនរងគ្រោះ បណ្តាល​ឲ្យ​ហូរឈាម ជនរងគ្រោះ​ងងឹតមុខ​ដើរ​ចេញពី​ម៉ូតូ​ប្រហែល​៥​ម៉ែត្រ ស្រាប់តែ​ជនសង្ស័យ​ទាំង​២​នាក់​នោះ​ឡើង​ជិះ​យក​ម៉ូតូ​របស់គេ ចេញទៅ​ហើយ​បាន​បាញ់​ចំនួន​១​គ្រាប់​គំរាម​ទៀតផង។​

      ក្រោយពី​ជនសង្ស័យ​ធ្វើ​សកម្មភាព ប្លន់​បានសម្រេច​មក ជនរងគ្រោះ បាន​ទូរស័ព្ទ​ប្រាប់​បងប្រុស ពី​ហេតុការណ៍ និង​បាន​ជូនទៅ​ដេរ​របួស​នៅ​មន្ទីរពេទ្យ រួចមក​ទើប​ទៅ​ដាក់​ពាក្យបណ្តឹង​នៅ​ប៉ុស្តិ៍​ចោមចៅ ដើម្បី​កំណត់​មុខសញ្ញា សមត្ថកិច្ច​បាន​នាំ​ជនរងគ្រោះ ដើម្បី​ចង្អុលបង្ហាញ​ទីតាំង​ធ្វើ​សកម្មភាព និង​រកឃើញ​សំបក​គ្រាប់កាំភ្លើងរ​បស់ជនស​ង្ស័​យ​១​គ្រាប់​ម៉ាក វាន់​ឌឺ​ឡុង៕

adverise with khmeread

អ្នកនឹងចូលចិត្ត

មតិយោបល់