adverise with khmeread 48f836bc 34f7 4d66 beca 32f41e9b26ef

បើកបរ​រថយន្ត​ជ្រុល​ទៅបុក​បង្គោល​ផ្លាកសញ្ញា​ចរាចរណ៍​ដួល​រាប​ដល់​ដី​

     ភ្នំពេញ ៖ បុរស​ម្នាក់​ដែល​ទំនងជា​ស្រវឹង បាន​បើកបរ​រថយន្ត​ក្នុង​ល្បឿន​លឿន​ជ្រុល​ទៅបុក​និង​បង្គោល​ផ្លាកសញ្ញា​ចរាចរណ៍​បណ្តា​ល​ឲ្យ​ដួល​រាប​ដល់​ដី​ដែល​ហេតុការណ៍​គ្រោះថ្នាក់​ចរាចរណ៍​នេះ​បាន​កើតឡើង​កាលពី​វេលា​ម៉ោង​១០​និង​២០​នាទី​យប់​ថ្ងៃទី​២០ ខែ​មិនា ឆ្នាំ​២០១៦ ស្ថិត​តាម​បណ្តោយ​ផ្លូវ​សហ​ពន្ធ​រុស្សី នៅក្នុង​សង្កាត់​ផ្សារ​ដេប៉ូ​៣ ខណ្ឌទួលគោក រាជធានី​ភ្នំពេញ​។​

     ប្រភព​ពត៌មាន​ពី​កន្លែងកើតហេតុ​បាន​ឲ្យ​ដឹងថា នៅ​មុនពេល​កើតហេតុ​គេ​ឃើញ​រថយន្ត​មួយគ្រឿង​ម៉ាក​តុស​(​ឆ្នាំង​អុ​៊​ត​)​ពណ៌​ខ្មៅ​ពាក់​ស្លាក​លេខ​ភ្នំពេញ​2Q 2810​បើកបរ​ដោយ​បុរស​ម្នាក់​យ៉ាង​លឿន​ក្នុងទិសដៅ​ពី​លិចទៅ​កើត​តាម​បណ្តោយ​ផ្លូវ​សហព័ន្ធរុស្ស៊ី​។​

     លុះ​មកដល់​ចំណុច​ទល់មុខ​កា​រាស់​សាំង​tpp​ដែលជា​ចំណុចកើតហេតុ​ក៏​ជ្រុល​ចង្កូត​ទៅបុក​បង្គោល​ផ្លាកសញ្ញា​ចរាចរណ៍​ពុះ​ចែក​ទ្រូងផ្លូវ​បណ្តាល​ឲ្យ​បាក់​ដួល​រាប​ដល់​ដី រីឯ​រថយន្ត​បើក​រត់គេច​រហូតដល់​មុខ​ទីស្តីការគណៈរដ្ឋមន្ត្រី ក៏​រថយន្ត​បាន​បែក​ធុង​ទឹក​បើក​ទៅមុខ​លែងរួច​។​

     ក្រោយពេល​កើតហេតុ សមត្ថកិច្ច​បាន​ចុះ​ដល់​កន្លែងកើតហេតុ​ភ្លាមៗ​និង​ឃាត់ខ្លួន​ម្ចាស់​រួមទាំង​រថយន្ត​បង្ក​ស្ទូច​យកទៅ​រក្សាទុក​នៅ​ការ​យា​ល័យ​ចរាចរណ៍​ជើងគោក​នៃ​ស្នងការដ្ឋាន​នគរបាល​រាជធានី​ភ្នំពេញ​ដើម្បី​ដោះស្រាយ​តាមផ្លូវ​ច្បាប់​៕​

adverise with khmeread

អ្នកនឹងចូលចិត្ត

មតិយោបល់