adverise with khmeread 7

​មើល​ហើយ​ទើប​ដឹងថា ១០០ លាន​យ៉ូ​រ៉ូ​សម្រាប់​កីឡាករ Paul Pogba គឺ​សក្តិសម​ណាស់​

​    ​កាលពី​ម្សិលមិញ​ក្នុង​ក្របខ័ណ្ឌ Serie A របស់​អ៊ីតាលី ក្រុម​សេះបង្កង់ Juventus បានធ្វើ​ដំណើរ​ទៅកាន់​ទឹកដី​ក្រុម​ជិតខាង Torino និង​បាន​យកឈ្នះ​ក្រុម​នេះ​ក្នុង​លទ្ធផល ៤ ទល់នឹង ២ ហើយ​ខ្សែបម្រើ​ឆ្នើម Paul Pogba គឺជា​តួឯក​ក្នុងការ​ប្រកួត​នោះ​។​

​    ​កីឡាករ Alvaro Morata រកបាន​ពីរ​គ្រាប់​ក្នុង​តង់​ទី​ពីរ​បន្ទាប់ពី​ប្តូរ​ចូលក្នុង​តង់​ទីមួយ ដើម្បី​ជួយ​ក្រុម​សេះបង្កង់​លុត​គូសត្រូវ​ចាស់ Torino ក្នុង​ទីក្រុង​តួ​រី​ន ហើយពីរ​គ្រាប់​នេះ​គឺជា​កា​រប​ញ្ចូ​ន​ដោយ​កីឡាករ Pogba ទាំងអស់​។​


​    ​អ្នកចាំទី Gianluigi Buffon ក៏បាន​បំបែក​កំណត់ត្រា​អ្នកចាំទី Sebastiano Rossi របស់ AC Milan ក្នុងការ​រក្សា​មិន​ឱ្យគេ​ស៊ុត​ចូលដល់​ទៅ ៩២៩ នាទី ដែល​កំណត់ត្រា​នេះ​មិនទាន់មាន​អ្នក​បំបែក​បានទេ​គិត​ចាប់តាំងពី​រដូវ​កាល ១៩៩៣/៩៤​។ នៅក្នុង​នាទី​ទី​បួន​ក្នុង​តង់​ទី​ពីរ ទីបំផុត Buffon បាន​ធ្លាយ​គ្រាប់​បាល់ ដោយ​ការទា​ត់បាល់​ពិន័យ ១១ ម៉ែត្រ​ពី​សំណាក់​កីឡាករ Belotti របស់ Torino​។​

​    ​ក្រឡេកមើល​ក្នុង​តង់​ទីមួយ​វិញ Juventus បាន​នាំមុខ ២-០ ទៅលើ​ក្រុម Torino ទៅហើយ ដោយ​ការទា​ត់បាល់ Free Kick ពី​សំណាក់​ខ្សែបម្រើ​ឆ្នើម Paul Pogba​។ កីឡាករ Sami Khedira ក៏បាន​បន្ថែម​មួយគ្រា​ប់​ទៀត​មុន​ការប្រកួត​តង់​ទីមួយ​បានបញ្ចប់​។ ប៉ុន្តែ Khedira ទទួលបាន​កាត​ក្រហម​នៅ​ចុង​តង់​ទី​ពីរ​ដោយសារ​ខ្វែងគំនិត​ជាមួយ​អាជ្ញាកណ្តាល​៕

 
Torino vs Juventus Goals and Highlights

Torino vs Juventus Goals and Highlights Super Highlights Pinnacle Highlights

Posted by Super Highlights on Sunday, March 20, 2016

 

adverise with khmeread

មតិយោបល់