adverise with khmeread 1

បុរស​ម្នាក់​ត្រូវបាន​ភ្លើង​ឆេះ​រោល​ពេញ​ខ្លួន​បន្ទាប់​ផ្ទុះ​ទូរស័ព្ទ​ក្នុង​ហោប៉ៅ​

​    ​នេះ​គឺជា​សកម្មភាព​ដ៏​រន្ធត់​មួយ​បន្ទាប់ពី​ទូរស័ព្ទ​របស់​បុរស​ម្នាក់​នេះ​បាន​ផ្ទុះ​នៅក្នុង​ហៅ​ប៉ៅ​របស់គាត់​និង​បានធ្វើឱ្យ​ខ្លួន​គាត់​ត្រូវបាន​ភ្លើង​ឆេះ​រោល​ខ្លួនប្រាណ​សឹង​ទាំងស្រុង​។ ឧប្បត្តិ​ហេតុនេះ ត្រូវបាន​ថត​ដោយ​សាក្សី​ម្នាក់ និង​ត្រូវបាន​គេ​ជឿថា បាន​កើតឡើង​នៅក្នុង​ប្រទេស​ប៉ា​គី​ស្ថាន​។​

​    ​នៅ​ដើម​ឃ្លី​ប​នេះ បុរស​ម្នាក់​ត្រូវបាន​ប្រទះឃើញ​ដើរចេញ​ពី​ឡានក្រុង​ដោយ​មិនបាន​ដឹងថា ហៅ​ប៉ៅ​របស់គាត់​កំពុងតែ​ឆេះ​នោះទេ​។ រំពេច​នោះ ភ្លើង​ចាប់ផ្តើម​ឆាបឆេះ​អាវ​របស់គាត់ និង​ធ្វើឱ្យ​ខ្លួន​ទាំងមូល​ត្រូវ​ឆេះ​តែម្តង​។​

​    ​បុរស​ម្នាក់​នោះបាន​រត់​ចុះឡើង និង​បាន​ស្រែក​ទាំង​ក្តី​ឈឺចាប់​ខណៈ​សាក្សី​បាន​ព្យាយាម​ពន្លត់ភ្លើង​ពី​ខ្លួន​របស់គាត់​។ អ្នកដំណើរ​នៅ​ជិត​នោះបាន​ជួយ​គាត់​ដោយ​យក​ក្រណាត់​វ៉ៃ​គាត់ មុននឹង​បុគ្គលិក​ផ្សារ​ម្នា​ក់បាន​យក​ធុង​ទឹក​ជះ​ដាក់​គាត់​។​

​    ​ភ្លើង​នោះ​បន្ត​ឆេះ​តិចៗ​រហូតដល់​បុរស​ទី​ពីរបាន​យក​ធុង​ទឹក​ជះ​ដាក់​គាត់​ជា​លើក​ទី​ពីរ​ទើប​វារ​លត់​បាត់ទៅ​៕ នៅ​ចុងបញ្ចប់​វីដេអូ បុរសរងគ្រោះ​នោះបាន​ជំពប់ជើង​ដួល​និង​ស្ថិតក្នុង​ស្ថានភាព "​ស្ហុ​ក​" បន្ទាប់​ហេតុការណ៍​នេះ​បាន​កើតឡើង​។ គេ​នៅតែមាន់​ច្បាស់​នៅឡើយ​ថា​គាត់​រងរបួស​ធ្ងន់​ឬ​ស្រាល​៕

 

adverise with khmeread
ប្រភព៖ Metro

មតិយោបល់