adverise with khmeread 312e537d 0b89 4242 989e 713399f2c2d8

ផ្ទុះ​កង់​រថយន្ត​ស្លាប់​ម្នាក់​របួសធ្ងន់​យោធា​២​នាក់​នៅក្នុង​ឃ្លាំង​កងវិស្វកម្ម​ឫស្សីកែវ​(​មាន​វីដេអូ​)

     ភ្នំពេញ ៖ បុរស​ម្នាក់​បាន​ស្លាប់​ភ្លាមៗ​នៅនឹងកន្លែង​កើតហេតុ និង​បុរស​២​នាក់ ទៀត​បាន​រងរបួស​ធ្ងន់ នៅក្នុង​ហេតុការណ៍​ផ្សា​យ៉ាន់​កង់​រថយន្ត​ហើយ​ផ្ទុះ​បែក​កង់​កាលពី​វេលា​ម៉ោង​៩ និង​១៥​នាទី ព្រឹក​ថ្ងៃទី ២១ ខែមីនា ឆ្នាំ​២០១៦​នេះ​នៅ​ចំណុចឃ្លាំង​កងវិស្វកម្ម​ក្រសួងការពារជាតិ ស្ថិតក្នុង ភូមិ​លូ សង្កាត់​ស្វាយប៉ាក ខណ្ឌ​ឬ​ស្សី​កែវ រាជធានី​ភ្នំពេញ។​

     ប្រភព​បាន​ឲ្យ​ដឹងថា  បុរស​ដែល​ស្លាប់​ក្នុង​ហេតុការណ៍​នោះ​ឈ្មោះ លី ប៊ុន​ហ៊ាង អាយុ​៤១​ឆ្នាំ មានមុខ របរ​ជា​អ្នកបើកបរ​រថយន្ត មាន​ស្រុកកំណើត​នៅ​ភូមិ​ព្រែ​កតា​ប៉ឹម ឃុំ​ទឹក​វិល ស្រុក​ស្អាង ខេត្ត កណ្តាល។ 

     រីឯ​អ្នករងរបួស​ធ្ងន់ ទី​១-​ឈ្មោះ ភឹម សូ អាយុ​៤០​ឆ្នាំ ជា​មន្ត្រី​យោធា​កងវិស្វកម្ម និង​ទី​២-​ឈ្មោះ សេក ឌី​ណា អាយុ​៤៣​ឆ្នាំ ជា​មន្ត្រី​យោធា​កងវិស្វកម្ម ។ អ្នក​ទាំង​២​បាន​រងរបួស​ធ្ងន់ កំពុង​សង្គ្រោះបន្ទាន់​នៅ​មន្ទីរពេទ្យ​ព្រះ​កេតុមាលា។ 

     ប្រភពព័ត៌មាន​បន្តថា នៅ​មុនពេល​កើតហេតុ​ឈ្មោះ លី ប៊ុន​ហ៊ាង (​ដែល​បាន​ស្លាប់​ក្នុង​ហេតុការណ៍​នោះ​)​បាន​យក​រថយន្ត​ប្រភេទ​យី​ឌុប ពាក់​ស្លាក លេខ ភ្នំពេញ​3B-5820​មក​ផ្សា​យ៉ាន់​កង់​រថយន្ត​ក្នុង​ឃ្លាំង​នេះ។​

     បន្ទាប់មក​តៃកុង​រថយន្ត រួម​និង​មន្ត្រី​យោធា​ទាំង​២​នាក់​បាន​ដោះកង់​រថយន្ត​យកមក​ផ្សា​យ៉ាន់​ព្រោះ​យ៉ាន់​បែក។ នៅ ពេលដែល​ផ្សា​យ៉ាន​នោះ គឺ​គេ​ពុំបាន​បន្ធូរ​ខ្យល់​ឬ​ដោះ​សំបក​កង់​ចេញពី​យ៉ាន​នោះទេ គឺ ផ្សា​ផ្ទាល់​តែម្តង ទើប​ធ្វើ​ឲ្យ​សម្ពាធ​ខ្យល់​រីក​មាឌ ផ្ទុះ​បំ​ប៉ើង​មនុស្ស​ទាំង​៣​នាក់​នោះ បណ្តាល​ឲ្យ​ស្លាប់​ម្នាក់​និង​របួស​ធ្ងន់ធ្ងរ​២​នាក់ រួម​និង​បំ​ប៉ើង​ជញ្ជាំង​និង​ដំបូល​ស័ង្កសី​ផងដែរ​។​

     ក្រោយពី​កើតហេតុ អ្នករងរបួស​ធ្ងន់​ទាំង​២​ត្រូវបាន​គេ​ចាត់​បញ្ជូន​ទៅកាន់​មន្ទីរពេទ្យ​ដើម្បី សង្គ្រោះ រីឯ​អ្នកស្លាប់​ត្រូវបាន​សមត្ថកិច្ច​ធ្វើ​កោសល្យ​វិ​ច្ច័​យ និង​ត្រួតពិនិត្យ​នៅ​កន្លែងកើតហេតុ​ផងដែរ ៕

 

adverise with khmeread

អ្នកនឹងចូលចិត្ត

មតិយោបល់