Frank Lampard ព្រមានកីឡាករ Ross Barkley ជាលើកទីពីរ

        អ្នកចាត់ការក្រុម Chelsea លោក Frank Lampard បាន​ចោទប្រកាន់​កីឡាករ Ross Barkley ថា បានបង្ហាញភាព​កង្វះវិជ្ជាជីវៈ បន្ទាប់ពី​ត្រូវ​បាន​ថតវីដេអូ​ឃើញខ្សែបម្រើរូបនេះរាំ​ដោះអាវ​នៅ​រង្គសាលមួយ​ក្នុងទីក្រុងឌូបៃ។

        ខ្សែបម្រើ​ ដែល​មាន​បញ្ហា​របួស​ច្រើនរូបនេះ​​បាន​ចូល​ហ្វឹកហាត់​កាល​ពីថ្ងៃអង្គារ៍​ ប៉ុន្តែ​មិន​ត្រូវ​បាន​ដាក់បញ្ចូល​ក្នុង​ក្រុម​ជម្រើស​ដំបូង​សម្រាប់​ការ​ប្រកួត​នៅ​ក្រុម​ខណ្ឌ​​ CL ជាមួយ​ក្រុម Valencia ទេ។

        ព័ត៌មាន​នេះកើត​មាន​ បន្ទាប់ពី​មាន​ការ​បង្ហាញសកម្មភាពបែប​ស្រើប​ស្រាល​នៅក្រៅទីលាន​ប្រកួត​ អំឡុង​ពេល​សម្រាក​ជា​លក្ខណៈអន្តរជាតិ។នេះគឺជា​លើកទី​២​ហើយ​នៅរដូវកាល​នេះ ដែល​កីឡាករ Barkleyបានបង្ហាញឥរិយាបថគ្មានវិន័យ​។ មុន​ពេល​ធ្វើដំណើរ​ប្រកួត​ជាមួយ​ក្រុម Lille កាល​ពី​ខែ​កញ្ញា​ Barkleyក៏មាន​ជម្លោះ​ជាមួយ​អ្នក​បើក​រថយន្តតាកស៊ី​ជុំវិញរឿង​កំពប់​ដំឡូង។

នៅពេលនោះ​ Lampard បាន​ហៅ​Barkley ថា ជា​មនុស្ស​អត់យល់ការ​ ហើយ​កាលពីថ្ងៃអង្គារ គ្រូបង្វឹក​រូបនេះ​បាន​ព្រមាន​ខ្សែបម្រើ​រូបនេះជា​លើកទី​២ផងដែរ៕

adverise with khmeread
tiger
Loading ad ...
Tiger underlay aa7d814b8ab2932c241f74f33a3821ad6b0abf8e6a38a16923f641ec017a13ab