adverise with khmeread 0

​តារា​ម៉ូ​ដែល​ពរ​ពោះ​ជិត​គ្រប់​ខែ​ម្នាក់​ធ្វើ​លំ​ហាត់ប្រាណ​ជាប្រចាំ​រង​ការរិះគន់​ថា​នាង​កំពុង​ធ្វើបាប​កូន​ក្នុង​ផ្ទៃ​

​តារា​ម៉ូ​ដែល​កំពុង​ពរ​ពោះ​ទារក​ក្នុង​ផ្ទៃ​សញ្ជាតិ​អូស្ត្រាលី​មួយរូប​បាន​ហាត់ប្រាណ​ជាប្រចាំ ខណៈដែល​នាង​មិន​ខ្វល់​ពាក្យពេជន៍​របស់​មហាជន​រិះគន់​នោះឡើយ ដោយបាន​វាយបក​ចំពោះ​អ្នក​ដែល​បាន​រិះគន់​មកលើ​នាង​វិញ​ទៀតផង​។​

​នាង Chontel Duncan គឺជា​គ្រូបង្រៀន​ហ្វឹកហាត់​កាយសម្បទា​ម្នាក់ និង​បាន​បន្ត​អាជីព​ជា​អ្នកដើរ​ម៉ូត​របស់​នាង​ផងដែរ​ក្នុង​ស្របពេល​ដែល​នាង​កំពុង​ពរ​ពោះ​ទារក​ម្នាក់​ក្នុង​ផ្ទៃ​។​

​នាង​ហាក់ដូចជា​ទទួល​បានកា​រ​ហ្វឹកហាត់​ថែទាំ​រាយ​កាយ​ជ្រុល​ហួសហេតុ​ពេក​ហើយ ដែល​ទន្ទឹមនឹង​ពេលបច្ចុប្បន្ន​នេះ​នាង​កំពុង​នឹង​ផ្តល់​ការលូតលាស់​ឱ្យ​ជីវិត​មនុស្ស​ម្នាក់​ដែល​ស្ថិតនៅក្នុង​ផ្ទៃ​របស់​នាង ហើយ​នាង​ក៏​មិនបាន​ធ្វើការ​សុំទោស​អ្វីមួយ​នោះឡើយ​ចំពោះ​កា​រិះគន់​របស់​មហាជន​ដែល​បាន​បាញ់​មកលើ​នាង​។​

Duncan បានបញ្ជាក់​នៅលើ​បណ្តាញ​សង្គម Instagram ផ្ទាល់ខ្លួន​របស់​នាង​ថា "​មនុស្ស​គិតថា​ខ្ញុំ​កំពុង​ធ្វើបាប​កូន​ខ្ញុំ … និង​គិតថា​ខ្ញុំ​ធ្វើ​វា​ទាំងនោះ​ដើម្បី​រក្សា​រូបរាង​ស្គម​របស់ខ្ញុំ និង​មិនបាន​ផ្តល់​ជីវជាតិ​ដល់​ទារក​របស់ខ្ញុំ​ទេ​។ ខ្ញុំ​ដឹង វា​ពិតជា​ពិបាក​នឹង​ជឿ​ណាស់​ដែល​នរណាម្នាក់​ថែទាំ​ទារក​ដូចជា​នាង​ខ្ញុំ ប៉ុន្តែ​ជាការ​ពិត ស្ត្រី​ជាច្រើនរូប​ទៀត​ក៏បាន​អនុវត្ត​វិធី​បែបនេះ​ដូច​ខ្ញុំ​ដែរ​"​។​

"​ខ្ញុំ​នឹង​នៅតែ​បន្ត​ការហ្វឹកហាត់​បែបនេះ​រហូតដល់​កូន​ក្នុង​ផ្ទៃ​របស់ខ្ញុំ​ប្រសូត្រ​ចេញមក​។ ខ្ញុំ​នឹង​ត្រឡប់មក​ធ្វើ​វា​ជា​រៀងរាល់ថ្ងៃ​ម្តងទៀត​ពេល​កូន​បាន​ប្រសូត្រ​រួច​"​។

​រឿង​មួយ​នេះ​បាន​ផ្តើម​លេចឮ​ឡើង បន្ទាប់ពី​តារា​ម៉ូ​ដែល​រូបនេះ​បាន​ប្រៀបធៀប​ទារក​ក្នុង​ផ្ទៃ​របស់​នាង​ជាមួយនឹង​ស្ត្រី​ដែលមាន​ផ្ទៃពោះ​ដទៃទៀត​កាលពី​ពីរ​បី​សប្តាហ៍​កន្លងទៅ​។​

​នាង Duncan និង​ប្តី​របស់​នាង​លោក Sam ក៏​នឹងមាន​គម្រោង​ត្រៀម​ទទួល​ស្វាគមន៍​ទារក​ជា​លើកដំបូង​របស់​ពួកគេ ដែលជា​កូនប្រុស​នៅ​ថ្ងៃទី ៣០ មិនា​ខាងមុខនេះ​ផងដែរ​៕​

adverise with khmeread
ប្រភព៖ Lollipop

មតិយោបល់