adverise with khmeread 1

អាន​អត្ថបទ​នេះហើយ​លោកអ្នក​នឹងមិន​យក​កន្សែង​ត្រជាក់​ជូត​សម្អាត​គ្រឿង​តុបតែង​មុខ​តទៅ​ទៀតឡើយ​!

    ​ស្ត្រី​ភាគច្រើន​ប្រើ​កន្សែង​ត្រជាក់​ជូត​សម្អាត​គ្រឿង​តុបតែង​មុខ​ព្រោះ​វា​មាន​ភាពងាយស្រួល និង​មើលទៅ​ហាក់ជា​ជម្រើស​សម្អាត​ស្បែក​ដ៏​ល្អ​បំផុត ប៉ុន្តែ​អ្វី​ដែ​លោកអ្នក​ពុំ​ដឹង​គឺថា ការយក​កន្សែង​ត្រជាក់​ជូត​គឺ​មិនល្អ​ដល់​ស្បែក​មុខ​នោះឡើយ​។

​    ​មនុស្ស​ជាច្រើន​បាន​និយាយថា បន្ទាប់ពី​ប្រើ​កន្សែង​ត្រជាក់​ជូត​សម្អាត​គ្រឿងសម្អាង​រួច ពួកគេ​បាន​រលាក​ស្បែ​កមុខ និង​ឡើង​ក្រហម​លើ​មុខ​។

​    ​អ្វីដែល​លោកអ្នក​ត្រូវ​ចាប់អារម្មណ៍​យកចិត្តទុកដាក់​គឺ​ត្រូវ​ស្វែងរក​ដំណោះស្រាយ​ត្រឹមត្រូវ​សម្រាប់​ប្រភេទ​ស្បែក​។ រឿង​ដ៏​សំខាន់​មួយ​នេះ​ត្រូវបាន​គេ​មើលរំលង បន្ទាប់ពី​ផាត់មុខ​មាត់​ពួកគេ​រួច​។ ជាងនេះទៅទៀត ទឹកដោះគោឆៅ និង សំឡី​ជូត​លាង​ដំបៅ​ត្រូវគេ​បំភ្លេចចោល នៅពេល​ផលិតផល​កន្សែង​ត្រជាក់​ដាក់លក់​ពេញទី​ផ្សារ​។

​    ​ស្ត្រី​ភាគច្រើន​ចាប់ផ្តើម​ប្រើ​កន្សែង​ត្រជាក់​ដោយសារ​វា​សាមញ្ញ ងាយស្រួល និង​លឿន ហើយ​ពួកគេ​មិនបាន​ជ្រើសរើស​ការសម្អាត​ដោយ​ប្រើ​ទឹកដោះគោឆៅ និង​សំឡី​នោះទេ​។

​    ​* មូលហេតុ​អ្វី​បានជា​ថា​កន្សែង​ត្រជាក់​មិនល្អ​ចំពោះ​ស្បែ​កមុខ​?

​    ​អ្វីដែល​លោកអ្នក​មិនដឹង​គឺថា កន្សែង​ត្រជាក់​អាច​បង្ក​ឱ្យ​កើតមុន និង​ស្បែក​ជ្រីវជ្រួញ​។ តាម​ការបង្ហាញ​បែប​វិទ្យាសាស្ត្រ​គឺថា កន្សែង​ត្រជាក់​ពុំបាន​សម្អាត​គ្រឿង​តុបតែង​លើ​មុខ​អស់​នោះទេ ហើយ​ផ្ទុយ​កម​វិញ​វា​បានធ្វើឱ្យ​កង្វក់​ពេញមុខ​របស់លោក​អ្នក​ទាំ​ង​ស្រុង​តែម្តង​។ មួយវិញទៀត ជាតិ​ទឹក​ដាក់​លើ​កន្សែង​ត្រជាក់​ពុំមាន​ចំនួន​គ្រប់គ្រាន់​ដើម្បី​សម្អាត​ស្បែក​ឱ្យ​ស្អាត ១០០% នោះទេ​។

​    ​កន្សែង​ត្រជាក់​ងាយស្រួល​ប្រើ​ពិតមែន ប៉ុន្តែ​កន្សែង​ត្រជាក់​បាន​ផ្ទុក​នូវ​សារធាតុ​គីមី​ខ្លះៗ​ផងដែរ​។ ដោយសារ​គេ​ត្រូវ​រក្សាទុក​កន្សែង​ត្រជាក់​នៅតាម​ធ្នើរ​លក់​ក្នុង​ហាង​រយៈពេល​យូរ ដូច្នេះ​គេ​ត្រូវ​ប្រើ​សារធាតុ​រក្សា​គុណភាព​របស់​វា​។

​    ​ជាងនេះទៅទៀត បញ្ហា​មួយ​ផ្សេងទៀត​ក៏​កើតឡើង​ដែរ នៅពេល​សម្អាត​ម៉ា​ស្កា​រ៉ា និង​ម្សៅ​ផាត់​ភ្នែក​ចេញ​អស់​ភ្លាមៗ​។ ការធ្វើ​បែបនេះ​ប្រញាប់ប្រញាល់​ពេក​អាចធ្វើឱ្យ​ស្បែក​នៅ​រង្វង់​ភ្នែក​ឆាប់​ជ្រីវជ្រួញ​។ នៅពេល​តំបន់​ជុំវិញ​ភ្នែក​រលាក វា​នឹង​នាំទៅដល់​ការឡើង​ក្រហម​លើ​ស្បែក ហើម និង​កើតមុន​តែម្តង​៕

adverise with khmeread
ប្រភព៖ ម៉ា​យ​ឡាយ​ស្តាយ​

អ្នកនឹងចូលចិត្ត

មតិយោបល់