adverise with khmeread Facebook

ថៅកែ Facebook ទៅដល់​ប៉េកាំង​ក្នុង​បំណង​ឡប់​ប៊ី​មន្ត្រី​ចិន​សុំ​ឱកាស​បើក​បណ្តាញ​សង្គម​ក្នុងប្រទេស​នេះ​

    ​ស្ថាបនិក​និង​ជា​នាយក​ប្រតិបត្តិ Facebook លោក Mark Zuckerberg បាន​ជួប​ទៅ​មន្ត្រី​ឃោសនា​ជាន់ខ្ពស់​របស់​ប្រទេស​ចិន​លោក Liu Yunshan ក្នុង​ទីក្រុង​ប៉េកាំង​កាលពី​ថ្ងៃ​សៅ​រិ៍ ជា​ផ្នែក​មួយ​នៃ​យុទ្ធសាស្ត្រ​ទាក់ទាញ​នៅក្នុង​ទីផ្សារ​មួយ​ក្នុងចំណោម​ទីផ្សារ​តិចតួច​បំផុត​ដែល​មិន​អនុញ្ញាត​មាន​បណ្ដាញ​សង្គម​ក្នុងប្រទេស​របស់ខ្លួន​។​

​    ​ការប្រជុំ​ដ៏​កម្រ​នេះ​តាម​របាយការណ៍រ​ព័ត៌មាន​របស់ Xinhua របស់​ប្រទេស​ចិន​បាន​ឲ្យ​ដឹងថា​គឺជា​ការបង្ហាញ​ពី​ទំនាក់ទំនង​ដ៏​កក់ក្តៅ​រវាង Facebook និង​រដ្ឋាភិបាល​ចិន បើទោះបីជា​រដ្ឋាភិបាល​ក្រុង​ប៉េកាំង​បាន​បង្កើន​ការត្រួតពិនិត្យ និង​ការគ្រប់គ្រង​លើ​អ៊ី​ន​ធឺ​ណេ​ត​ក្ដី​។​

​    ​លោក Liu ដែល​កាន់តំណែង​ខ្ពស់​ក្នុង​គណៈកម្មាធិការ​អចិន្ត្រៃយ៍​ការិយាល័យ​នយោបាយ​បក្ស​កុម្មុយនីស្ដ​ចិន បាន​កោតសរសើរ​អំពី​បច្ចេកវិជ្ជា​និង​វិធីសាស្ត្រ​គ្រប់គ្រង​របស់ Facebook នេះ​បើតាម​ឲ្យ​ដឹង​ពី​វេ​ប​សាយ Xinhua​។​

​    ​លោក Zuckerburg បាន​នៅក្នុង​ទីក្រុង​ប៉េកាំង​សម្រាប់​វេទិកា​អភិវឌ្ឍន៍​ប្រទេស​ចិន ជា​សន្និសីទ​ឧបត្ថម្ភ​ដោយ​រដ្ឋាភិបាល​ដើម្បី​នាំ​បណ្តា​នាយក​ប្រតិបត្តិ​អាជីវកម្ម​កំពូលៗ​និង​អ្នកកាន់អំណាច​ក្នុងប្រទេស​នេះ​ឱ្យ​រួមគ្នា​ជា​ធ្លុង​មួយ​។​

​    ​លោក Liu បាន​ប្រា​ប់លោក Zuckerberg ថា ប្រទេស​ចិន "​សង្ឃឹមថា Facebook អាច​ពង្រឹង​ការផ្លាស់ប្ដូរ ចែករំលែក​បទពិសោធ​ន៍ និង​លើកកម្ពស់​ការយល់ដឹង​ទៅវិញទៅមក​ជាមួយ​ក្រុម​ហ៊ុន​អ៊ី​ន​ធឺ​ណេ​តរបស់​ប្រទេស​ចិន​"​។​

​    ​ក្នុងឆ្នាំនេះ​ទីក្រុង​ប៉េកាំង​បានចេញ​នូវ​ច្បាប់​សម្រាប់​គ្រប់គ្រង​អន​ឡាញ ដែល​ក្រុម​វិភាគ​បាន​និយាយថា​អាច​នឹងដាក់​របាំង​បន្ថែមទៀត​ដើម្បី​ទប់ស្កាត់​ការបើក​ជំនួញ​អ៊ី​ន​ធឺ​ណេ​តប​រទេស​នៅក្នុង​ប្រទេស​ចិន​។​

​    ​ហើយ​ចំពោះ​អ្នក​ដែល​ផ្សព្វផ្សាយ​មាតិកា​នៅលើ​អន​ឡាញ​គួរតែ "​លើកកម្ពស់​ស្នូល​នៃ​តម្លៃសង្គម​" និង​ចែកចាយ​គំនិត សីលធម៌ និង​ចំណេះដឹង​ដែល​លើ​កត​ម្កើ​ន​នូវ​គុណភាព​ប្រទេសជាតិ​និង​ផ្សព្វផ្សាយ​ការអភិវឌ្ឍន៍​សេដ្ឋកិច្ច​។​

​    ​កាលពី​ថ្ងៃ​សុក្រ​លោក Zuckerburg បាន​ផុស​នូវ​រូប​មួយ​នៃ​ខ្លួន​គាត់​ដែល​កំពុង​រត់​ហាត់ប្រាណ​នៅ​ទីលាន​ធាន​អាន​មេន​ក្នុង​ទីក្រុង​ប៉េកាំង កាត់​រូប​បញ្ឈរ​របស់​ប្រធាន​ម៉ៅ សេទុង ដែល​ព្យួរ​ទីលាន​ធៀន​អាន​មេន​ក្នុង​ក្រុង​ប៉េកាំង​។​

​    ​ស្ថាបនិក​អាយុ​៣១​ឆ្នាំ​រូបនេះ​បាន​មានឈ្មោះ​ល្បីល្បាញ​ក្នុងប្រទេស​ចិន ជាទី​ផ្សារ​មួយ​ដែល Facebook និង​ក្រុមហ៊ុន​អ៊ី​ន​ណេ​តប​រទេស​ផ្សេងទៀត​ដូចជា Google និង Twitter ពុំមាន​វត្តមាន​ក្នុងប្រទេស​គ្រប់គ្រង​ដ៏​តឹងរ៉ឹង​នេះ​ទេ​។​

​    ​ហើយ​គាត់​បាន​ស្វះស្វែង​ធ្វើ​ឲ្យ​ប្រសើរឡើង​នូវ​ទំនាក់ទំនង​ជាមួយនឹង​អាជ្ញាធរ​ចិន​ជា​យូរ​មកហើយៗ​ឥឡូវ​គាត់​កំពុងកាន់​តំណែង​ក្នុង​ក្រុមប្រឹក្សា​ផ្ដល់យោបល់​នៃ​សាលា​គ្រប់គ្រង និង​សេដ្ឋកិច្ច​នៅ​សាកលវិទ្យាល័យ Tsinghua University ប្រទេស​ចិន​ផងដែរ​៕

adverise with khmeread

អ្នកនឹងចូលចិត្ត

មតិយោបល់