adverise with khmeread 1a675a1f 7e38 44cd a170 38cce28ccc33

ចេញពី​ផឹក​ស៊ី​ក្នុង​ខារ៉ាអូខេ​សល់​លុយ​១​ម៉ឺន​រៀល​ចង់យក​ស្រី​សួន​ដេក​ត្រូវ​នាង​លួង​ឲ្យ​ឌុប​ទៅ​កន្លែង​ស្ងាត់​បំណង​កៀប​ស៊ីម៉ូតូ​អស់​តែ​ទូរស័ព្ទ​និង​កាបូប​លុយ​

     ភ្នំពេញ ៖ យុវជន​ម្នាក់​រួមជាមួយ​នឹង​មិត្ត​ភក្ត្រ​ជាច្រើន​នាក់​បាននាំគ្នា​ចេញពី​ផឹក​ស៊ីក្នុង​ខារ៉ាអូខេ​មួយ ពេលចេញ​មកវិញ​សល់​លុយ​១ម៉ឺន​ រៀល ចង់យក​ស្រី​បោយ​ដៃ​តាម​សួន​ទៅ​ដេក តែ​ត្រូវ​នាង​លួងលោម​ឲ្យ​ដឹក​ទៅ​និយាយ​គ្នា​កន្លែង​ស្ងាត់ រួច​ចង់​កៀប​ស៊ី​ម៉ូតូ​តែ​មិនបាន​សម្រេច យក​បានតែ​ទូរស័ព្ទ​និង​កាបូប​ប៉ុណ្ណោះ​។​

      ហេតុការណ៍​នេះ​បាន​បង្ក​ការភ្ញាក់ផ្អើល​ឡើង​កាលពី​វេលា​ម៉ោង​១២​និង​១០​នាទី​រំលង​អា​ធ្រា​ត្រ​ឈានចូល​ថ្ងៃទី​២២ ខែមីនា ឆ្នាំ​២០១៦ នៅ​ចំណុច​មុខ​ហាង​មយូ​រ៉ា​ម៉ាស្សា តាម​បណ្តោយ​ផ្លូវ​លេខ​៤៧ ស្ថិតក្នុង​សង្កាត់​ស្រះចក ខណ្ឌដូនពេញ​។​

      តាម​សម្តី​រៀបរាប់​ពី​ជនរងគ្រោះ​បាន​ឲ្យ​ដឹងថា នៅ​មុនពេល​កើតហេតុ​រូបគេ​រួម​ជាមួយនឹង​ជាច្រើន​នាក់​បាននាំគ្នា​ចូល​ផឹក​ស៊ី​និង​ច្រៀង​លេង​នៅ​ខារ៉ាអូខេ​LASVEGAS តាម​បណ្តោយ​ផ្លូវ​លេខ​២៧១ សង្កាត់​ផ្សារ​ដើមថ្កូវ​។ ពេលចេញ​មកវិញ​ក៏បាន​បបួលគ្នា​ទៅ​ម៉ាស្សា​នៅ​ហាង​មយូ​រ៉ា​ម៉ាស្សា ។​

    ​   តែ​ពេលមកដល់​មិត្ត​ភក្ត្រ​បាន​ចូល​មុន​អស់ ហើយ​ខ្លួន​នៅសល់​លុយ​តែ​១ម៉ឺន​​រៀល​មាន​អារម្មណ៍​ចង់ស្រី​បាន​ទៅ​សួន​ដើម្បី​យក​ស្រី​ដេក តែ​ត្រូវ​នាង​លួង​ឲ្យ​ឌុប​ទៅ​តថ្លៃ​គ្នា​នៅ​កន្លែង​ស្ងាត់ ក៏ត្រូវ​បក្សពួក​នាង​ជិះ​មក​បំណង​កៀប​ស៊ីម៉ូតូ​តែ​មិនបាន​សម្រេច គឺ​លូក​យក​ហោប៉ៅ​យក​បានតែ​ទូរស័ព្ទ​អាយ​ហ្វូ​ន​៥​មួយគ្រឿង និង​កាបូប​លុយ​ដែលមាន​លុយ​១ម៉ឺន​រៀល​តែប៉ុណ្ណោះ​។​

       ក្រោយ​កើតហេតុ​ជនរងគ្រោះ​បាន​ជិះ​ម៉ូតូ​ទៅ​កន្លែង​មិត្ត​ភក្ត្រ​នៅ​កន្លែង​ម៉ាស្សា​ឲ្យ​ជួយ​ទាំង​ស្ថានភាព​ភិតភ័យ រួច​ក៏​ត្រឡប់ទៅផ្ទះ​វិញ​ដោយ​មិន​ដាក់ពាក្យ​ប​ណ្តឹ​នោះទេ​ទើប​ពុំមាន​ឈ្មោះ​៕

adverise with khmeread

អ្នកនឹងចូលចិត្ត

មតិយោបល់