adverise with khmeread Ghost marriage

ទិញ​ទេ គ្រោងឆ្អឹង​ខ្មោច​! បុរស​ចិន​ម្នាក់​បែក​ស្លុយ​កើត​គំនិត​ពពាយនាយ​លក់​ឆ្អឹង​ខ្មោច​តាម​អន​ឡាញ​

    ​បុរស​ម្នាក់​មក​ខេត្ត Gansu ប្រទេស​ចិន​តាម​ដឹងបាន​ព្យាយាម​លក់​គ្រោងឆ្អឹង​នារី​ម្នាក់​លើ​អន​ឡាញ​សម្រាប់​អ្នក​ដែល​ចង់​ធ្វើ​ពិធី​អាពាហ៍ពិពាហ៍​ជាមួយ​ខ្មោច​តាម​ជំនឿ​សាសនា នេះ​បើតាម​របាយការណ៍​ចេញផ្សាយ​នៅ​វេ​ប​សាយ​កាសែត Sin Chew Daily កាលពី​ថ្ងៃទី​២១​ខែមីនា​។​

​    ​បុរស​ឈ្មោះ Liu បាន​ទារ​ថ្លៃ​៣១.៦០០​ដុល្លារ​សម្រាប់​គ្រោងឆ្អឹង​មួយ​នេះ​។​

​    ​គាត់​បាន​និយាយថា​គ្រោងឆ្អឹង​នេះ​ជា​ឆ្អឹង​របស់​ស្ត្រី​អាយុ​២៣​ឆ្នាំ​ដែល​បាន​ស្លាប់​ដោយសារ​ជំងឺមហារីក​ឈាម​បី​ឆ្នាំ​មកហើយ​។ នៅពេល​អ្នកកាសែត​ម្នាក់​បាន​ទាក់ទង​មក​គាត់ គាត់​បាន​អះអាងថា​ស្ត្រី​នោះ​គឺជា​សាច់​ញា​ត្តិ​របស់គាត់​។​

​    ​គាត់​បន្ដទៀតថា​ឪពុក​របស់​គ្រោងឆ្អឹង​ស្ត្រី​នេះ​ត្រូវការ​ប្រាក់​ខ្លាំងណាស់​សម្រាប់​ផ្គត់ផ្គង់​គ្រួសារ ដូច្នេះហើយ​ទើប​បង្ខំចិត្ត​លក់​ទៅ​។​

​    ​អ្នកកាសែត​ម្នាក់​នោះបាន​ប្ដឹងទៅ​ប៉ូលិស ព្រោះ​ការលក់​គ្រោងឆ្អឹង​ត្រូវបាន​ហាមឃាត់​ក្នុងប្រទេស​ចិន​។​

​    ​គ្រួសារ​ខ្លះ​ក្នុងប្រទេស​ចិន​នៅតែ​ជឿថា ការ​រៀបការ​ជាមួយ​ខ្មោច​ត្រូវតែ​ធ្វើឡើង​ដាច់ខាត​សម្រាប់​អ្នក​ដែល​ស្លាប់​ទាំង​នៅ​លីវ ដូចនេះ​ទើប​ព្រលឹង​របស់​ពួកគេ​ទៅ​ឋាន​ថ្មី​ដោយ​ពុំមាន​ភាព​ឯកោ​៕

adverise with khmeread

អ្នកនឹងចូលចិត្ត

មតិយោបល់