E011a7ac 8779 43f3 9f23 6d32df920034

មន្ត្រី​យោធា​ស័ក្តិ​៤​កន្លះ​ដេកស្លាប់​បែកពពុះមាត់​នៅក្នុង​រថយន្ត​

       ភ្នំពេញ ៖ ហេតុការណ៍​បង្កឱ្យមាន​ការភ្ញាក់ផ្អើល​មួយ គឺ​ដោយសារតែ​គេ​បាន​ប្រទះឃើញ​មន្ត្រី​យោធា​ស័​ក្ត​៤​កន្លះ​ម្នាក់ ដេកស្លាប់​បែកពពុះមាត់​នៅក្នុង​រថយន្ត​ដោយ​មិនដឹង​មូលហេតុ ហើយ​មិនមាន​នរណាម្នាក់​ដឹងថា​តាំងពី​ពេលណា​នោះទេ។​

       គេ​ប្រទះឃើញ​គាត់​ស្លាប់​កាលពី​វេលា​ម៉ោង​៧​យប់​ថ្ងៃទី​២១ ខែមីនា ឆ្នាំ​២០១៦ នៅក្នុង​បរិវេណ​អគ្គបញ្ជាការ​នៃ​ក្រសួងការពារជាតិ ស្ថិតក្នុង​សង្កាត់​មិត្តភាព ខណ្ឌ​៧​មករា។​

       ប្រភពព័ត៌មាន​បានឱ្យ​ដឹងថា នៅ​មុនពេល​កើតហេតុ​គឺ​ក្រុមគ្រួសារ​ជនរងគ្រោះ​ដោយ​ឃើញ​ល្ងាច ទៅហើយ​មិនឃើញ​គាត់​ត្រឡប់ទៅផ្ទះ​វិញ ហើយ​នៅពេល​ខ​ល​តាម​ទូរស័ព្ទ​ក៏​គ្មាន​អ្នក​លើក ទើប​ក៏បាន​នាំគ្នា​មក​សួរ​នាំនៅ​កន្លែងធ្វើការ។​

       ប្រភព​បន្តថា ពេលមកដល់​កន្លែងធ្វើកា​រ​អ្នក​រួម​ការងារ​ជាមួយ​បាន​ដើររក រួច​ក៏​ប្រទះឃើញ​មន្ត្រី​យោធា​ខាងលើ​ដេកស្លាប់​បែកពពុះមាត់​នៅក្នុង​រថយន្ត ដោយ​មិនមាន​នរណាម្នាក់​ដឹង​ពី​មូលហេតុ​នោះទេ។​

      បើតាម​ប្រភពព័ត៌មាន​ពី​ក្រុមគ្រួសារ​ជនរងគ្រោះ​បានឱ្យដឹងថា រូបគាត់​គឺ​កើតមាន​ជំងឺ​ទឹកនោមផ្អែម​រ៉ាំរ៉ៃ​អស់​រយៈពេល​ជាច្រើន​ឆ្នាំ តែ​ក៏​មិនគួរណា​ស្លាប់​នៅក្នុង​វ័យក្មេង​យ៉ាង​ដូច្នេះ​ដែរ។​

      បច្ចុប្បន្ន​សព​ជនរងគ្រោះ​ត្រូវបាន​ដឹកយក​ទៅ​តម្កល់ទុក និង​ក្រុមគ្រួសារ​ធ្វើបុណ្យ​តាម​ប្រពៃណី​ក្នុង​បរិវេណ​វត្ត​មង្គល៕

អ្នកនឹងចូលចិត្ត

មតិយោបល់