adverise with khmeread 1

ប្រិយមិត្ត Leicester កើត​ជំងឺមហារីក​ដំណាក់កាល​ចុងក្រោយ​និយាយថា​ក្រុម​ក​ញ្ជ្រោ​ញ​កំពុង​រក្សា​ជីវិត​របស់គាត់​

​    ​អ្នកគាំទ្រ​ក្រុម​កញ្ជ្រោង​ម្នាក់​ដែល​កើត​ជំងឺមហារីក​ដំណាក់កាល​ចុងក្រោយ​បាន​អះអាងថា អព្ភូតហេតុ​នៃ​ការ​ប្រជែង​ពានរ​បស់ Leicester កំពុងតែ​រក្សា​ជីវិត​របស់គាត់​។​

​    ​លោក Tony Skeffington ជនជាតិ​អូស្ត្រាលី​មាន​ពេល​រស់​នៅតែ​បួន​សប្តាហ៍​ប៉ុណ្ណោះ បន្ទាប់ពី​ត្រូវបានធ្វើ​រោគវិនិច្ឆ័យ​ឃើញ​ជំងឺមហារីក​កាលពី​ខែមីនា​ឆ្នាំមុន​។ នៅពេលនោះ ក្រុម Leicester កំពុងតែធ្វើការ​ប្រយុទ្ធ​ដើម្បី​ជិវិត​នៅ​ក្របខ័ណ្ឌ Premier League​។ ប៉ុន្តែ​ឥឡូវ ជាមួយ​គ្រូ​ថ្មី​គឺ​លោក Claudio Ranieri កំពុងតែ​ដឹកនាំ​ក្រុម​ទៅរក​ជើងឯក​ក្នុងឆ្នាំនេះ​។​

​    ​លោក Tony វ័យ ៥១ ឆ្នាំ បាន​លាតត្រដាង​ថា "​មើល Leicester ប្រយុទ្ធ​ដើម្បី​ជីវិត​នៅ Premier League កាលពី​រដូវ​កាល​មុន និង​មើល​ពួកគេ​ធ្វើបាន​យ៉ាង​ល្អ​ក្នុង​រដូវ​កាល​នេះ កំពុងតែ​ជួយ​ខ្ញុំ​ប្រយុទ្ធ​នឹង​ជំងឺ​នេះ​។ នៅពេលដែល​ខ្ញុំ​ត្រូវបាន​ទេវា​ទុកពេល​បួន​សប្តាហ៍​ដើម្បី​រស់​កាលពី​ឆ្នាំមុន ពួកគេ (Leicester) បាន​ជួយ​ខ្លួនឯង ហើយ​ខ្ញុំ​ក៏បាន​ជួយ​ខ្លួនឯង​ដូច​ពួកគេ​ដែរ​។ មានរឿង​អ្វីមួយ​ដែល​វិជ្ជមាន​ដើម្បី​ផ្តោតលើ ធ្វើឱ្យ​អ្នកមាន​អារម្មណ៍ល្អ ។ ខ្ញុំ​នៅតែ​ជឿជាក់ថា នឹង​បាន​ទស្សនា​ដល់​រដូវ​កាល​បញ្ចប់​"​។​

​    ​ប្រព​ន្ទ​របស់គាត់​គឺ​លោកស្រី Donna បាន​បន្ថែមថា "Leicester City កំពុងតែ​រក្សា​ជិវិត​របស់គាត់​"​។​

​    ​លោក Tony បាន​សង្ឃឹមថា នឹង​អាចធ្វើ​ដំណើរ​ទៅ​ចក្រភព​អង់គ្លេស​ដើម្បី​ឃើញ​វីរៈបុរស​របស់គាត់​ជា​លើកចុងក្រោយ​មុននឹង​គាត់​លាចាក​លោក​នេះ​។ ប៉ុន្តែ​ខណៈ​ជំងឺ​នេះ​វា​បាន​វាយលុក​រាងកាយ​របស់​គាត់​ស្ទើរ​ទាំងអស់ ប្រិយមិត្ត​ដែល​រស់នៅក្នុង​ទីក្រុង Adelaide នៃ​ប្រទេស​អូស្ត្រាលី​រូបនេះ ត្រូវបាន​បង្ខំ​ឱ្យ​បោះបង់ចោល​គម្រោង​របស់​គាត់​។​

​    ​គាត់​បាន​បន្តទៀតថា "​ស្ថានភាព​របស់ខ្ញុំ​នាពេលនេះ​កាន់តែ​ធ្ងន់ធ្ងរ ហើយ​ប្រសិនបើ​ថ្នាំញៀន​សម្រាប់​សម្លាប់​កោសិកា​មហារីក​ដែល​ពួកគេ​នឹង​សាក​ចំពោះ​ខ្ញុំ​មិនបានការ ខ្ញុំ​ប្រហែលជា​រស់​បានតែ​ប៉ុន្មាន​សប្តាហ៍​ទៀត​ប៉ុណ្ណោះ​"​។​

​    ​ទោះជា​យ៉ាងនេះ​ក្តី ក្រុម​ក​ញ្ជ្រោ​ញ​បានបង្ហាញ​កាយវិការ​ដ៏​គួរឱ្យ​គោរព​ដោយបាន​ផ្ញើ​គាត់​នូវ​ទង់​របស់​ក្លឹប​ជាមួយ​ហ​ត្ថេ​ល​ខា​ដោយ​តារា​ជម្រើស​ដំបូង​របស់​ក្រុម និង​អម​ជាមួយ​រូបភាព​របស់​កីឡាករ​សំណព្វចិត្ត​របស់គាត់​គឺ​ខ្សែបម្រើ Andy King កាន់​ទង់​នោះ​ទៀតផង​៕

adverise with khmeread
ប្រភព៖ The Sun

មតិយោបល់