adverise with khmeread 28b5621c 9373 49c4 ad97 d5f7be88fd44

ស្រវឹង​ពេលណា​វ៉ៃ​ប្រពន្ធ​ខៀវ​ភ្នែ​​ក ប្តឹង​ឲ្យ​ប៉ូលិស​ឲ្យ​វ៉ៃខ្នោះ​

    កណ្តាល ៖ បុរស​ម្នាក់​ត្រូវ​ប៉ូលិស​ស្រុក​កៀនស្វាយ​ឃាត់ខ្លួន​ក្នុងករណី​ប្រើ​ហិង្សា​ក្នុង​គ្រួសារ​កាលពី​វេលា​ម៉ោង​៨​កន្លះ​យប់​ថ្ងៃទី​២១​ មីនា ឆ្នាំ​២០១៦ នៅ​ចំណុចកើតហេតុ ភូមិ​ចិន​កោះ ឃុំ​គគីរ ស្រុក​កៀនស្វាយ ខេត្តកណ្ដាល​។​

     ប៉ូលិស​និយាយថា ជនរងគ្រោះ​ឈ្មោះ​យស់ យ៉ា​ត​ភេទ​ស្រី​អាយុ​៣៤​ឆ្នាំ ជនជាតិខ្មែរ មុខរបរ​កម្មករ​រោងចក្រ មាន​ទីលំនៅ​ភូមិ​ចិន​កោះ ឃុំ​គគីរ ស្រុក​កៀនស្វាយ ខេត្តកណ្ដាល (​ប្រពន្ធ​)​។ ចំណែក​ជនសង្ស័យ ឈ្មោះ​អ៊ូច សៅ​ភេទ​ប្រុស​អាយុ​៤២​ឆ្នាំ ជនជាតិខ្មែរ​មុខរបរ​សន្តិសុខ មាន​ទីលំនៅ​ភូមិ​ចិន​កោះ ឃុំ​គគីរ ស្រុក​កៀនស្វាយ ខេត្តកណ្ដាល​(​ត្រូវជា​ប្ដី​)។

     ប៉ូលិស​បន្តថា នៅ​ថ្ងៃខែ​ឆ្នាំ​វេលា​ម៉ោង​ដូចខាងលើ​ជនសង្ស័យ​ត្រូវជា​ប្ដី​បាន​ផឹកស្រា​ស្រវឹង​មកដល់​ផ្ទះ​រករឿង​ប្រពន្ធ​កូន​និង​ដេញ​វាយ​ប្រពន្ធ​ព្រមទាំង​វាយ​បំផ្លិចបំផ្លាញ​ផ្ទះសម្បែង​បណ្ដាល​ឲ្យ​ខូចខាត​និង​ដេញ ប្រពន្ធ​កូន​មិន​ឲ្យ​ដេក​ផ្ទះ​(​បញ្ជាក់​ជនសង្ស័យ​ធ្លាប់ប្រើ​អំពើហិង្សា​លើ​ប្រពន្ធ​កូន​និង​លើ​ឪពុកក្មេក​ជាច្រើនលើក​ច្រើនសារ)​។​

      ក្រោយពី​ទទួល​បណ្ដឹង​ពី​ជនរងគ្រោះ កម្លាំង​ប៉ូលិស​ប៉ុស្តិ៍​គគីរ​បាន​ចុះ​ទៅដល់​កន្លែងកើតហេតុ​ឃាត់ខ្លួន​ជនសង្ស័យ​បញ្ជូន​មកកាន់​អធិការដ្ឋាន​ស្រុក​កៀនស្វាយ​ដើម្បី​ចាត់ការ​តាម​នីតិវិធី​ច្បាប់​៕

adverise with khmeread

អ្នកនឹងចូលចិត្ត

មតិយោបល់