1

Zayn Malik បង្ហើប​ពី​ច្បាប់​ដ៏​តឹងរ៉ឹង​នៅក្នុង​ក្រុម One Direction ដែល​បានដាក់​មកលើ​សេរីភាព​ផ្ទាល់ខ្លួន​របស់គាត់​

Zayn Malik ត្រូវបាន​ហាមឃាត់​មិនឱ្យ​បណ្តុះ​ពុកចង្ការ ឬក៏​លេង​ស្ទីល​សក់​តាម​សេរីភាព​ដែល​ខ្លួន​ចង់បាន​នោះឡើយ​ពេលដែល​គាត់​ស្ថិតនៅក្នុង​ក្រុម One Direction ។​

​តារាចម្រៀង​វ័យ ២៣ ឆ្នាំ​ដែល​បានសម្រេច​ចិត្ត​ចាកចេញ​ក្នុងអំឡុង​ខែមីនា ឆ្នាំ​២០១៤ បន្ទាប់ពី​ទទួលបាន​ភាពជោគជ័យ​យ៉ាង​សម្បើម​អស់​រយៈពេល​ជាង​បួន​ឆ្នាំ​ជាមួយ​ក្រុម​រូបនេះ បាន​ទទួលស្គាល់ថា​គាត់​បានធ្វើការ "​បះបោរ​" ប្រឆាំងនឹង​ការ​រឹតបន្តឹង​ដ៏​តឹងរ៉ឹង​នេះ​ដែល​បានដាក់​សម្ពាធ​ទៅលើ​រូបគាត់ និង​អតីត​មិត្ត​រួម​ក្រុម Liam Payne, Louis Tomlinson, Harry Styles និង Niall Horan ចំពោះ​សិទ្ធ​សេរីភាព​ដែល​ពួកគេ​ចង់បាន​។​

​តារាចម្រៀង​រូបនេះ​បាន​និយាយថា "​មានការ​រឹតបន្តឹង​មួយចំនួន​បាន​ស្ថិតនៅក្នុង​លក្ខខណ្ឌ​នៃ​ផ្លូវ​ដែល​ពួកគេ​កំណត់ឱ្យ​ពួកយើង​លេង​ស្ទីល​មើលទៅ​ឱ្យ​ដូចជា​ក្មេងប្រុស​វ័យ​ជំទង់​អ៊ីចឹង​"​។​

"​ជា​ចម្បង​ពុកចង្ការ​របស់ខ្ញុំ និយាយ​ដោយស្មោះ​ត្រង់ ខ្ញុំ​មិន​ត្រូវបាន​អនុញ្ញាតឱ្យរ​ក្សា​វា​ឡើយ​។ នៅ​ទីបំផុត ពេលដែល​ខ្ញុំ​ធំ​ពេញវ័យ ខ្ញុំ​បាន​បះបោរ​ប្រឆាំងនឹង​វា និង​បាន​សម្រេចចិត្ត​ដើម្បី​រក្សា​វា​តាមចិត្ត​ដែល​ខ្ញុំ​ចង់បាន​។ នោះ​គឺ​គ្រាន់តែ​ដោយសារតែ​ខ្ញុំ​មើលទៅ​អាច​ចាស់ទុំ​ជាង​នេះ ជាង​អ្វីដែល​ពួកគេ​បាន​កំណត់ទុក​"​។​

​ម្ចាស់​បទ "Pillow Talk" រូបនេះ​បាន​ទទួលស្គាល់ថា​មូលហេតុ​ចម្បង​ដែល​បង្ខំ​ឱ្យ​គាត់​សម្រេចចិត្ត​ចាក​ចេញពី​ក្រុម One Direction គឺ​ការខ្វះ "​ភាពយុត្តិធម៌​" ដែល​គាត់​សក្តិសម​ទទួលបាន​៕

 

ប្រភព៖ Lollipop

មតិយោបល់