1

តារា​សម្តែង​អង់គ្លេស​នាង Talulah Riley លែងលះ​មហាសេដ្ឋី​អវកាស​អាមេរិក​ក្រោយ​រៀបការ​បាន ១៥ ខែ​

​តារា​សម្តែង​ស្រី​សញ្ជាតិ​អង់គ្លេស​នាង Talulah Riley បានដាក់​ពាក្យបណ្តឹង​ដើម្បី​បញ្ចប់​ចំណង​អា​ពា​ពិពាហ៍​របស់​នាង​ជាមួយនឹង​មហាសេដ្ឋី​សហគ្រិន​លោក Elon Musk ដែលជា​ម្ចាស់​ក្រុមហ៊ុន The SpaceX និង ក្រុមហ៊ុន Tesla និង​មានទ្រព្យ​សម្បត្តិ​សរុប ១០ ពាន់​លាន​ដុល្លារ បន្ទាប់ពី​មាន​ភាព​រកាំរកូស និង​សោះ​ក្រោះ​ចំពោះ​គ្នា​តាំង​ពីថ្ងៃ​រៀបការ​ដំបូង​មក​។​

​ការដាក់​លិខិត​ស្នើសុំ​របស់ Riley នៅឯ​តុលាការ​រដ្ឋ Los Angeles កាល​ថ្ងៃ​ចន្ទ​ម្សិលមិញ​ក៏​ជាការ​ប៉ុនប៉ង​លើក​ទី​ពីរ​ដើម្បី​បញ្ចប់​ចំណង​អា​ពា​ពិពាហ៍​របស់​ពួកគេ​ទាំង​ពីររូប​ផងដែរ​។​

​មហាសេដ្ឋី​បី​សញ្ជាតិ​វ័យ ៤៤ ឆ្នាំ​រូបនេះ​ក៏​ធ្លាប់​ទទួលបាន​ការដាក់​ពាក្យបណ្តឹង​លែងលះ​កាលពី​អំឡុង​ខែធ្នូ ឆ្នាំ ២០១៤ កន្លងទៅ​ផងដែរ ប៉ុន្តែ​ពួកគេ​បាន​ដក​ការ​ពាក្យបណ្តឹង​នេះ​នៅ​ប្រាំពីរ​ខែក្រោយ​មក​។​

​សេចក្តីថ្លែងការណ៍​មួយ​បាន​បញ្ជាក់ថា Musk និង តារា​សម្តែង​ស្រី​សញ្ជាតិ​អង់គ្លេស​វ័យ ៣០ ឆ្នាំ​រូបនេះ​បាន​និយាយថា​ពួកគេ​ទាំងពីរ​សម្រេចចិត្ត​បញ្ចប់​អាពាហ៍ពិពាហ៍​របស់​ពួកគេ ហើយ​ពួកគេ​នឹង​នៅតែ​រាប់រក​គ្នា​ជា​មិត្តភក្តិ​ធម្មតា​ផងដែរ​៕

ប្រភព៖ ដេលីមែល

មតិយោបល់