adverise with khmeread 3979da37 69ce 4edc b0bd f6bf4b6d2b52

រថយន្ត​កុងតឺន័រ​របស់​ក្រុមហ៊ុន​សូរ​ងួន​បុក​ម៉ូតូ​ពីក្រោយ​ស្លាប់​ម្នាក់​(​មាន​វីដេអូ​)

     ភ្នំពេញ ៖ រថយន្ត​កុងតឺន័រ​របស់​ក្រុមហ៊ុន​សូរ​ងួន​បាន​បើក​បុក​ម៉ូតូ​វ៉េវ​ពីក្រោយ​បណ្តាល​ឲ្យ​បុរស​ម្នាក់​ស្លាប់​ភ្លាមៗ​នៅ​កន្លែង​រួច​បាន​បើក​រត់​បាន​ជាង​៣​គីឡូ​ចត​ទុកចោល​ហើយ​អ្នកបើកបរ​បាន​រត់គេច​ខ្លួន​បាត់​។​

     គ្រោះថ្នាក់​ខាងលើនេះ កើតឡើង​កាលពី​វេលា​ម៉ោង​២​និង​៤០​នាទី​ថ្ងៃទី​២២​ខែ​មិនា ឆ្នាំ ២០១៦​ស្ថិ​នៅតាម​ផ្លូវជាតិ​លេខ​២ ភូមិ​ក្រាំងស្វាយ សង្កាត់​ព្រែកកំពឹស ខ​ណ្ខ​ដង្កោ​។​

     ប្រភពពី​កន្លែងកើតហេតុ​បា​ន្យ​ដឹងថា នៅពេល​កើតហេតុ​បានឃើញ​រថយន្ត​កុងតឺន័រ​​បានធ្វើ​ដំណើរ​ពី​កើតមក​លិច​ក្នុង​ល្បឿន​យ៉ាង​លឿន​។​

     ស្របពេលនោះ​ក៏មាន​ម៉ូតូ​មួយគ្រឿង​នៅ​ពី​ខាងមុខ​ធ្វើដំណើរ​ស្របគ្នា​បាន​បុក​ពីក្រោយ​បណ្តាល​ឲ្យ​បុរស​ម្នាក់​បាន​ខ្ទាត​ចូលទៅ​ក្រោម​រថយន្ត​ហើយ​បាន​កិន​ខ្ទេច​ជើង​និង​បែកក្បាល​ស្លាប់​ភ្លាមៗ​នៅ​កន្លែង​តែម្តង​។​

     បន្ទាប់មក​រថយន្ត​មិនបាន​ឈប់​នោះទេ​ដោយ​ធ្វើដំណើរ​ទៅមុខទៀត​ដោយបាន​អូស​ម៉ូតូ​ជាង​១០​មែត្រ​ខ្ទាត​ចេញ​ហើយ​រថយន្ត​បង្ក​បាន​ព្យាយាម​បើក​បន្តទៀត​រហូត​ទៅដល់​ផ្លូវ​២១៧​ភូមិ​ព្រែក​ជ្រៃ​សង្កាត់​ស្ពានថ្ម​ខ​ណ្ខ​ដង្កោ​ទើប​ឈប់​។​

     សមត្ថកិច្ច​បាន​ឲ្យ​ដឹងថា ជនរងគ្រោះ​ឈ្មោះ ថន ធី​ណា​អាយុ​២៧​ឆ្នាំ មុខរបរ​ធ្វើការ​រោងចក្រ​ស្នាក់នៅ​ភូមិ​ព្រែក​ហូរ​ខាងកើត សង្កាត់​ព្រែក​ហូរ ក្រុង​តាខ្មៅ​ដោយបាន​ជិះ​ម៉ូតូ​​ម៉ាកវ៉េវ​ពណ៍​ខ្មៅ​មាន​ផ្លាកលេខ​ភ្នំពេញ​1AC-8311​។​

     ចំណែក​រថយន្ត​បង្ក​ម៉ាក​STERLING​មាន​ផ្លាកលេខ​ភ្នំពេញ​3A-3370​ពណ៍​ស្លែ​ប្រភេទ​រថយន្ត​សណ្តោង​កុងតឺន័រ​ហើយ​អ្នកបើកបរ​មានឈ្មោះ ទេព ផល្លា បាន​រត់​គេចខ្លួនបាត់​។​

     ក្រោយ​កើតហេតុ​សម្ថ​ត​កិច្ច​ជំនាញ​បាន​ចុះទៅ​វាស់វែង​រួចហើយ​បាន​យក​ទាំង​រថយន្ត​និង​ម៉ូតូ​ទៅ​រក្សារ​ទុក​នៅ​ចរាចរណ៍​ក្រុងភ្នំពេញ​រង់ចាំ​ម្ចាស់​ចូលខ្លួន​មក​ដោះស្រាយ​។ ចំណែក​សព​ត្រូវ​បានប្រគល់​ឲ្យ​ក្រុមគ្រួសារ​យកទៅ​ធ្វើបុណ្យ​តាម​ប្រពៃណី​នៅ​ស្រុកកំណើត​៕

 

adverise with khmeread

អ្នកនឹងចូលចិត្ត

មតិយោបល់