adverise with khmeread F6b45400 1cf7 4bc7 bb34 b44559e56b90

គ្រូ​វិទ្យាល័យ​នាំ​សិស្សសាលា​អាយុ​១៧​ឆ្នាំ​រំលោភ​បាន​៣​ដង​ជាប់​ខ្នោះ

     ក្រចេះ ៖  គ្រូបង្រៀន​នៅ​វិទ្យាល័យ​ម្នាក់​ត្រូវបាន​ប៉ូលិស​ស្រុក​សំបូរ​ខេត្តក្រចេះ​ចាប់ខ្លួន​កាលពី​វេលា​ម៉ោង​២​រសៀល​ថ្ងៃទី​២២​មីនា​នេះ បន្ទាប់ពី បាន​នាំ​សិស្សសាលា​វ័យ​១៧​ឆ្នាំ​រំលោភ​សេពសន្ថវៈ បានសម្រេច​នៅ​ចំណុច​សណ្ឋាគា​ហ៊រ ប៊ុ​ន្នី ភូមិ​អូរ​ឬ​ស្សី​1 សង្កាត់​អូរ​ឬ​ស្សី ក្រុង​ក្រចេះ  ខេត្តក្រចេះ កាលពី​យប់​ថ្ងៃទី​២១​មីនា​រួចមក​។

     ប៉ូលិស​និយាយថា ជនរងគ្រោះ​ឈ្មោះ ហ​.​ល​.​ត​. អាយុ​១៧​ឆ្នាំ ជា​សិស្ស​ថ្នាក់​ទី​10​សាលា​ភូមិ​សន្តាន់ មាន​ទីលំនៅ​ភូមិ​ព្រែក​គ្រៀង ឃុំ​វ​ឌ្ឍ​នះ ស្រុក​សំបូរ ខេត្តក្រចេះ។​

     ចំណែក​ជនសង្ស័យ​ឈ្មោះ ជីវ ចាន់ថា អាយុ​២៦​ឆ្នាំ​ជា​គ្រូបង្រៀន​វិទ្យាល័យ ឃុំ​សន្តាន់​​មាន​ទីលំនៅ​ភូមិ​សាលាឃុំ ឃុំ​ទ្រាល​ស្រុក​បារាយ ខេត្តកំពង់ធំ។​

     ប៉ូលិស​បន្តថា  អ្នក​ទាំងពីរ​នាក់​បាន​នាំគ្នា​ជិះ​ម៉ូតូ​ដើ​លេង។ លុះដល់​ក្រុង​ក្រចេះ ក៍បាន​ចូលដេក​នៅ​សណ្ឋាគា​ហ៊រ ប៊ុ​ន្នី មួយ​យប់​។ ក្នុងពេលនោះ​ជនសង្ស័យ​បាន​ចាប់រំលោភ​​ជនរងគ្រោះ​រហូត​៣​ដង។ លុះ​ព្រឹក​ឡើង​ថ្ងៃទី​២២​មីនាឆ្នាំ​២០១៦ ឪពុក​ជនរងគ្រោះ​បានមក​ដាក់ពាក្យ​បណ្តឹង​រាយការណ៍​មក​សមត្ថកិច្ច។​

     ក្រោយ​ទទួលបាន​ពាក្យបណ្តឹង ប៉ូលិស​បាន​ស្រាវជ្រាវ​ស្វែងរក​ឃាត់ខ្លួន​ជនសង្ស័យ រហូតដល់​ម៉ោង​២​រសៀល​ថ្ងៃទី​២២​មីនា​នេះ​ទើប​ឃាត់​បាន​ជនសង្ស័យ។​

     បច្ចុប្បន្ន​ជនសង្ស័យ​ត្រូវបាន​សមត្ថកិច្ច ឃាត់ខ្លួន​បណ្តោះអាសន្ន​នៅ​អធិការដ្ឋាន​ប៉ូលិស ស្រុក​សំបូរ ដើម្បី​កសាង​សំណុំរឿង​តាម​នីតិវិធី៕​

adverise with khmeread

អ្នកនឹងចូលចិត្ត

មតិយោបល់