adverise with khmeread 0

តើ​ត្រូវធ្វើ​ដូចម្តេច​ដើម្បីឱ្យ​បុរស​ម្នាក់​ចូលចិត្ត​អ្នក​?

​    ​ការចូល​ចិត្ត និង​ការស្រឡាញ់​គឺជា​កិច្ចការ​ពីរ​ខុសគ្នា​។ ហេតុនេះហើយ អ្នក​ចាំបាច់​ត្រូវតែ​ប្រយ័ត្ន​ជាមួយនឹង​អ្វីដែល​អ្នក​កំពុងតែ​ផ្តោតលើ ថា​តើ​ចង់ឱ្យ​គាត់​ស្រឡាញ់​អ្នក​ឬ​ចូលចិត្ត​អ្នក​។ ដំបូង​ត្រូវ​សម្រេចចិត្តថា​តើ​អ្នក​ចូលចិត្ត​បុរស​នោះ​កម្រិតណា មុននឹង​ចង់ឱ្យ​គាត់​ចូលចិត្ត​អ្នក​វិញ​។ ការ​ឆែក​មើល​ប្រវត្តិ​របស់​បុរស​ម្នាក់​នោះ​គឺជា​រឿង​ដំបូង​គេ​ដែល​អ្នក​គួរ​ធ្វើ​ដើម្បី​ទាញ​ការចាប់អារម្មណ៍​របស់​គាត់​ឱ្យ​ងាក​មករក​អ្នក​។ ការស្វែងយល់​ពី​ចំណង់​ចំណូលចិត្ត​របស់​អ្នក​ជាមួយ​គាត់​ក៏​អាចជា​វិធី​ចាប់ផ្តើម​ដ៏​ល្អ​ដែរ​។ ប្រការនេះ​នឹង​ជួយ​អ្នក​ស្វែងយល់​ពី​គាត់​បានល្អ​ប្រសើរ និង​ចៀសវាង​បាន​នូវ​ការជួប​លទ្ធផល​អវិជ្ជមាន​ពេល​ជួបគ្នា​ដំបូង​។

​    ​* គន្លឹះ​ដើម្បី​ធ្វើឱ្យ​បុរស​ចូលចិត្ត​អ្នក​៖
​    ​១. ការ​សម្លឹង​ដោយ​កែវភ្នែក​
​    ​ការ​សម្លឹង​ដោយ​កែវភ្នែក​គឺជា​វិធី​លឿន​បំផុត​ដើម្បី​ធ្វើឱ្យ​គាត់​ចាប់អារម្មណ៍​លើ​អ្នក​។ ប្រសិនបើ​គាត់​ឆ្លាត គាត់​នឹង​ដឹង​ភ្លាម​ថា​អ្នក​កំពុង​ចាប់អារម្មណ៍​គាត់​។ ការ​សម្លឹង​ចំ​ភ្នែក​របស់គាត់​នឹង​ជួយ​ឱ្យ​គាត់​មាន​អារម្មណ៍​ស្រួល​ចិត្ត​និង​ចង់​និយាយ​ជាមួយ​អ្នក ហើយ​ការសន្ទនា​នឹង​ចាប់ផ្តើម​ចៀស​មិន​ផុត​នោះទេ​។ លោកអ្នក​អាច​និយាយ​លេងសើច​ពី​រឿង​អ្វីមួយ តែ​កុំ​ភ្លេច​បង្ហាញ​កែវភ្នែក​ស្រទន់​គួរឱ្យ​ស្រឡាញ់​ដាក់​គាត់​ផង​។

​    ​២. ញញឹម​និង​សើច​
​    ​ស្នាមញញឹម និង​ការ​សើច​គឺជា​ឱសថ​ស័ក្តិ​សិទ្ធ​ដើម្បី​ធ្វើឱ្យ​បុរសៗ​មានចិត្ត​ទន់​ចំពោះ​អ្នក​។ វា​ជា​អាវុធ​មុត​ស្រួច​បំផុត​នៅពេល​និយាយ​អំពី​ការចាប់ផ្តើម​ទំនាក់ទំនង​។ ត្រូវ​ចាំ កុំ​ញញឹម​យូរពេក គ្រាន់តែ​ញញឹម​ដាក់​គាត់​ដើម្បីឱ្យ​គាត់​ញញឹម​ដាក់​អ្នក​វិញ​។ កុំ​យក​រឿង​រសើប​មក​និយាយ​ដើម្បី​សំណើច​ឱ្យសោះ តែ​គួរ​យក​កំប្លែង​ទូទៅ​ណាមួយ​មក​និយាយ​ជំនួស​។ បើ​មិនចេះ​កំប្លែង​ទេ សូវ​កុំ​និយាយ​អ្វី​ល្អ​ជាង​។

​    ​៣. ទុក​អតីតកាល​ចោល​មួយ​ឡែក​
​    ​ចៀសវាង​និយាយ​អំពី​ទំនាក់ទំនង​ជាមួយ​សង្សា​រ​ចាស់​ទោះ​ស្ថិតក្រោម​កាលៈទេសៈ​ណាក៏ដោយ ព្រោះ​វា​បង្ហាញថា អ្នក​នៅតែ​នឹកនារ​មនុស្ស​ដែល​ធ្លាប់​ស្រឡាញ់គ្នា​។ ត្រូវ​ចាំ​ថា វេ​ប​សាយ​បណ្តាញ​សង្គម​គឺជា​កន្លែង​ដែល​គាត់​នឹង​ចូលមក​ឆែក​មើល​មុនគេ ដូច្នេះ​មុននឹង​ចាប់ផ្តើម​ទំនាក់ទំនង​នេះ ត្រូវ​លុបចោល​អនុស្សាវរីយ៍​ចាស់​លើ​នោះ​ចេញ​ឱ្យអស់​។

​    ​៤. ប៉ះពាល់​រាងកាយ​របស់គាត់​
​    ​ការ​ប៉ះ​ដៃ​ឬ​ស្មា​របស់គាត់​បង្ហាញថា​លោកអ្នក​រួសរាយ​រាក់ទាក់​ដាក់​គាត់ និង​ធ្វើឱ្យ​គាត់​មាន​អារម្មណ៍ល្អ​ជាមួយ​អ្នក​។

​    ​នៅពេលណា​ដែល​អ្នក​ធ្វើបាន​តាម​ដំណាក់កាល​ទាំង ៤ នេះហើយ មិនយូរ​មិនឆាប់​បុរស​ម្នាក់​នោះ​នឹង​ចាប់ផ្តើម​ចូលចិត្ត​អ្នក​។ ហើយ​ជំហាន​បន្ទាប់​ទៀត​គឺថា ទំនាក់ទំនង​ស្នេហា​នឹង​កើតឡើង​ដោយ​ស្វ័យប្រវត្តិ​៕

adverise with khmeread
ប្រភព៖ ស្ទីល​ក្រេស​

អ្នកនឹងចូលចិត្ត

មតិយោបល់