adverise with khmeread C660f60a c70d 4930 8079 3743de1b2560

មន្ត្រីប៉ូលិស​ប៉ុស្ដិ៍​វត្តភ្នំ​ស្រវឹងស្រា​ដក​កាំភ្លើង​ភ្ជង់​និង​វាយ​នារីរ​កស៊ីផ្លូវភេទ​ព្រោះតែ​នាង​មិន​ព្រមទៅ​ដេក​ជាមួយ​(​មាន​វីដេអូ​)

    ភ្នំពេញ ​៖ មន្ត្រីប៉ូលិស​ប៉ុស្ដិ៍​វត្តភ្នំ​មួយរូប​ និង​មិត្ត​ភ័​ក្រ​ម្នាក់ទៀត​ស្រវឹងស្រា​ដក​កាំភ្លើង​ភ្ជង់​ និង​វាយ​នារីរ​កស៊ីភ្លូវ​ភេទ​ម្នាក់​ព្រោះតែ​នាង​មិន​ព្រមទៅ​ដេក​ជាមួយត្រូវ​អាវុធហត្ថ​ចាប់ខ្លួន។​

     អំពើហិង្សា​នេះ​បង្ក​ឲ្យ​មានការ​ភ្ញាក់ផ្អើល​កាលពី​វេលា​ម៉ោង​១១​និង​២០​នាទី​យប់ ថ្ងៃទី​២២ ខែ​មិនា ឆ្នាំ​២០១៦ នៅ​ចំណុច​ខាងមុខ​ភោជនីយដ្ឋាន​ទន្លេសាប ស្ថិតក្នុង​សង្កាត់ វត្តភ្នំ ខណ្ឌដូនពេញ រាជធានី​ភ្នំពេញ​។​

     បើ​តាម​សំដី​របស់​នារី​ដែលជា​ជនរងគ្រោះ​បាន​ប្រាប់​ឲ្យ​ដឹងថា នៅ​មុនពេល​កើតហេតុ​រូបនាង​ និង​មិត្ត​ភ័​ក្រ​ម្នាក់ទៀត​បាន​ឈរ​នៅ​រង្វង់​មូល​ដើម​ពោធិ៍​ដើម្បី​ចាំ​រក​ភ្ញៀវ​។ ក្រោយមក​ក៏មាន​បុរស​ពីរ​នាក់​មាន​សភាព​ស្រវឹង ស្រា​ផង​នោះ​បានមក​និយាយ​បំណង​ចង់យក​នាង​ទៅ​ដេក​តែ​នាង​មិន​ព្រម​។​

     ប្រភព​ដដែល​បន្តថា​ពេលដែល​ប្រកែក​មិន​ព្រមទៅ​ស្រាប់តែ​បុរស​ម្នាក់​បាន​ទាត់​នាង​មួយ​ជើង​និង​ដក​កាំភ្លើង​ភ្ជង់​គំរាម​បាញ់​ទៀតផង​។ ក្រោយមក​បុរស​ទាំងពីរ​នាក់​បាន​ជិះ​ម៉ូតូ​ចេញ​បាត់ តែ​ដោយមាន​អ្នក​នៅ​ជិត​កន្លែងកើតហេតុ​បាន​រាយការណ៍​ប្រាប់​កម្លាំង​អាវុធហត្ថ​ខណ្ឌដូនពេញ​បាន​ដេញ​មកដល់​ខាងត្បូង​វត្តភ្នំ​ទើប​ឃាត់ខ្លួន​បុរស​ទាំងពីរ​នាក់​បានតែ​ម្ដង​។​

     បើតាម​សំដី​របស់​បុរស​ដែល​អះអាងថា​ខ្លួន​ជា​មន្ត្រីប៉ូលិស​ប៉ុស្ដិ៍​វត្តភ្នំ​បាន​និយាយថា​ខ្លួន​មិនបាន​ដក​កាំភ្លើង​ភ្ជង់​ទេ​គ្រាន់តែ​ប្រាប់​ឲ្យ​ពួកនាង​ចេញពី​កន្លែង​នោះ​ព្រោះ​សមត្ថកិច្ច​មិន​ឲ្យ​ពួក​អ្នករក​សី​ុ​ផ្លូវភេទ​ឈរ​នៅទីនេះ​ទេ​។​

     ក្រោយពី​ឃាត់ខ្លួន​បុរស​ទាំងពីរ​នាក់​នោះ​រួច​កម្លាំង​អាវុធហត្ថ​បានប្រគល់​បុរស​ទាំង​២​នាក់​ទៅ​អធិការដ្ឋាន​ប៉ូលិស​ខណ្ឌ ដើម្បី​សួរនាំ​បន្ត​។ ភ្លាមៗ​នោះ​សមត្ថកិច្ច​មិនទាន់​បញ្ជាក់​ពី​អត្តសញ្ញាណ​ពួកគេ​នៅឡើយ​៕

 

adverise with khmeread

អ្នកនឹងចូលចិត្ត

មតិយោបល់