រឿង«គ្រូ ប៊ីអាយជី» អ្នកគាំទ្រភាគច្រើននៅថ្ងៃដំបូង ជាយុវវ័យ

    ភ្នំពេញ៖ រឿង «គ្រូBIG» គ្រាន់តែចាក់បញ្ចាំងថ្ងៃដំបូង មានអ្នកទស្សនាជាច្រើននាក់ ជាពិសេសយុវវ័យ មានការលើកឡើងថា រឿងនេះពិតជាមានឈុតឆាកបែបអប់រំ លាយឡំឈុតកំប្លែង ធ្វើអោយអ្នកបានទស្សនាហើយ លាន់មាត់សរសើរថា ពិតជាល្អមើលមែន កាន់តែល្អទៀតនោះ គឺការទស្សនា រឿង «គ្រូBIG» ក៏ជាការចូលរួមចែករំលែកវិភាគទាន ដល់មូនិធិគន្ធបុប្ផា២០ភាគរយផងដែរ។ 
      យុវតី ព្រំ កេសី ដែលមកទស្សនារឿងខាងលើ បានបង្ហាញនូវចំណាប់ អារម្មណ៍ថា « ខ្ញុំពេញចិត្តនៅពេល ដឹងថារឿងទី១ របស់ផលិតកម្ម ធូប្រាឌ័រ យក២០% ជួយជនចាស់ជរា និងមន្ទីរពេទ្យគន្ឋបុប្ឋា។ សាច់រឿង ឃើញថាមិនចាញ់ រឿងខ្មែរមួយចំនួន ឡើយ មានពញ្ញាក់ អារម្មណ៍ សើចកំប្លែង ពិសេស ជីវិតជាគ្រូ ដែលសម្តែងដោយ ប៊ី អាយ ជី។ » តាមរយៈស្នាដៃរឿងដំបូង ក៏សូមអំពាវនាវដល់សិស្ស និស្សិតយុវវ័យ ទាំងឡាយ ទំនេរពីការសិក្សា អាចមកយកសំណើចពីរឿង«គ្រូប៊ី អាយ ជី» ដើម្បីប្លែកអារម្មណ៏។
     ចំណែកយុវជន សុជាតិ និស្សិតមកពីសាកលវិទ្យាល័យមួយ បានថ្លែងដែរថា ពិតជាមានភាពកំប្លុកកំប្លែងច្រើន ពេលបានចូលទស្សនា។ អ្វីដែលសំខាន់ ការទិញសំបុត្រមួយពិតជាបានជួយ ដល់ការងារមនុស្សធម៌។ ប្អូនរំពឹងថា ស្នាដៃថ្មីរបស់ផលិតកម្មខាងលើ ពិតជាសម្រិតសម្រាំងបាននូវរឿងមានគុណភាព បន្តទៀតដើម្បីបំបែកទីផ្សារអោយកាន់ តែមានគេស្គាល់ច្រើនឡើង។
    បើតាមការអោយដឹង ពីលោកវង្ស ពិសិដ្ឋ អ្នកផលិតនិងដឹកនាំរឿង បានអោយដឹងថា រឿង«គ្រូ ប៊ី អាយ ជី» នឹងបន្តបញ្ចាំងតាមខេត្តក្រុង នានាដើម្បីបំពេញនូវការសំណូមពរពី អ្នកគាំទ្រ។ ហើយលោកនិងពេញចិត្តជាមួយនិងការចែករំលែក នូវទឹកប្រាក់ដែលបានមកពីការលក់សំបុត្រ ២០ភាគរយ ដល់មូនិធិចាស់ជរា និង មន្ទីរពេទ្យ គន្ធបុប្ផា៕ 

adverise with khmeread
Tiger underlay 0cc51ce78ea42075c828d110dce2083d23804c4c9a1bb917ebea151827aebf16