adverise with khmeread 1

​តើ Agüero អាច​នឹងចូលរួម​ជាមួយ Real Madrid ដោយសារ​ហេតុផល​ទាំងនេះ​ទេ​?

​    ​វេ​ប​សាយ Football Leaks បាន​បន្ត​ទម្លាយ​អា​ថ៍កំ​បាំង​កុងត្រា​របស់​កីឡាករ​ល្បីៗ​ក្នុង​លោក ហើយ​លើក​មុន​វេ​ប​សាយ​នេះ​បាន​ទម្លាយ​អំពី​កុងត្រា​រវាង Atlético Madrid និង Manchester City នៅពេលដែល​កីឡាករ Sergio Agüero បាន​ផ្ទេរ​ទៅ​ប្រទេស​អង់គ្លេស​ក្នុង​ឆ្នាំ ២០១១​។ កិច្ចព្រមព្រៀង​នោះ​មានតម្លៃ ៣៦ លាន​យូរ៉ូ ប៉ុន្តែ​ការពិត​នោះ​គឺ គ្មាន​លក្ខខណ្ឌ​ដែល​បាន​បញ្ចូល​ក្នុង​កុងត្រា​នោះ​ដើម្បី​ចៀសវាង​ក្រុម Man City លក់​ខ្សែប្រយុទ្ធ​រូបនេះ​ទៅកាន់​ក្លឹប Real Madrid ឬក៏​ពិន័យ​ជា​ប្រាក់​ប្រសិនបើ​រឿងនេះ​កើតឡើង​មែន​នោះ​។​

​    ​កាលពីមុន វេ​ប​សាយ​នេះ​ក៏​ធ្លាប់​ទម្លាយ​កុងត្រា​ដែលមាន​លក្ខខណ្ឌ​ហាម​មិនឱ្យ​កីឡាករ Ángel Di María និង Mesut Özil ចូលរួម​ជាមួយ Barcelona នៅពេលដែល​អ្នក​ទាំងពី​រ​បាន​ចាក​ចេញពី​ក្លឹប​ដើម្បី​ចូលរួម​ជាមួយ​ក្រុម​បិសាច​ក្រហម Manchester United និង Arsenal​។​

​    ​ក្រៅពី​តម្លៃ​ខ្លួន​បឋម ៣៦ លាន​យូរ៉ូ កិច្ចសន្យា​របស់ Agüero នៅ​រួមបញ្ចូល​ទាំង​ប្រាក់ឧបត្ថម្ភ​សម្រាប់​ការប្រកួត​ជាច្រើន​ទៀត (​សរុប​ប្រមូលបាន ៤ លាន​យូរ៉ូ​និង​មាន​សុពលភាព​រហូតដល់រ​ដូ​វ​កាល​បច្ចុប្បន្ន​) ដែល​ធ្វើឱ្យ​ក្លឹប Atlético នៅតែ​ទទួលបាន​សាច់ប្រាក់​បន្ថែម​សម្រាប់​កីឡាករ​អា​ហ្ស​ង់​ទីន​រូបនេះ​។

​    ​Atlético នឹង​ត្រូវបាន​បង់លុយ​ចំនួន ២៥០.០០០ យូរ៉ូ​រាល់​ការ​ស៊ុត​បញ្ចូល​ទី ១៥ គ្រាប់​ដោយ​កីឡាករ​អន្តរជាតិ​អា​ហ្ស​ង់​ទីន​រូបនេះ​នៅក្នុង​ការប្រកួតប្រជែង​ផ្លូវការ និង​រាល់​ការចាប់ផ្តើម ២៥ ប្រកួត​ដំបូង (​ដោយ​គិត​ទាំង​ការប្តូរ​ចេញ​មុន​នាទី​ទី ៧០) ពួកគេ​ក៏​នឹង​ទទួលបាន​ដល់​ទៅ ២ លាន​យូរ៉ូ​ផងដែរ​។​

​    ​Man City ក៏បាន​យល់ព្រម​បង់លុយ​ឱ្យ Atlético ចំនួន ១ លាន​យូរ៉ូ​គ្រប់ពេល​នៅពេលដែល​ពួកគេ​ឈ្នះ​ពាន Premier League ជាមួយ Agüero នៅ​ក្លឹប ហើយ​ប្រសិនបើ​ពួកគេ​ឡើងទៅ​វគ្គ​ផ្តាច់ព្រ័ត្រ Champions League លើក​នេះ Atlético នឹង​បាន ២ លាន​ទៀត​។​

​    ​ដោយយោង​លើ​កុងត្រា​របស់ Agüero ជិត​ផុត​នោះ តើ Real Madrid នឹង​ឆក់​ឱកាស​នេះ​ទិញយក​រូបគេ​ដែរ​ឬក៏​អត់​? គេ​នៅ​រង់​ចាំមើល​លទ្ធផល​នៅ​រដូវ​ទិញដូរ​កីឡាករ​ដែល​នឹង​មកដល់​ខាងមុខនេះ​៕

adverise with khmeread
ប្រភព៖ Marca

មតិយោបល់