adverise with khmeread 327a3e8300000578 0 image a 34 1458706363460

លោក​អូ​បា​ម៉ា​សម្រេចចិត្ត​ខុស​ធ្ងន់​ដែល​អង្គុយ​មើល​បាល់បោះ​ជាមួយ​មេដឹកនាំ​គុយបា​បន្ទាប់ពី​ផ្ទុះ​គ្រាប់​អត្តឃាត​នៅ​បែលហ្ស៊ិក​

​    ​ប្រជាជន​អាមេរិក​ជាច្រើន​បាន​ពណ៌នា​ការសម្រេចចិត្ត​របស់លោក​ប្រធានាធិបតី​បា​រ៉ា​ក់ អូ​បា​ម៉ា​ថា "​ខុស​រឿង​" និង "​ខុស​ធ្ងន់​" ដែល​ទៅ​អង្គុយ​មើល​បាល់បោះ​ជាមួយ​មេដឹកនាំ​ផ្តាច់ការ​គុយបា​តាម​ការគ្រោងទុក​របស់​លោក​កាលពី​ថ្ងៃ​អង្គារ បើទោះបីជា​ពួក​ភេរវជន​បាន​វាយប្រហារ​ទីក្រុង​របស់​បែលហ្ស៊ិក​នៅ​ប៉ុន្មាន​ម៉ោង​មុន​នោះ​ក៏ដោយ​។ 

​     លោក​អូ​បា​ម៉ា​បាន​ព្យាយាម​និយាយ​ដោះ​ទាល់​ជាមុន​ដើម្បី​ទប់​ការ​រិះ​គន​នៅក្នុង​កិច្ចសម្ភាសន៍​មួយ​អំឡុង​ការប្រកួត​បាល់បោះ​រវាង​ក្រុម Tampa Bay Rays និង​ក្រុម​ជម្រើសជាតិ​គុយបា ក្នុង​ទីក្រុង​ឡា​ហា​វ៉ា​នៅ​ល្ងាច​ថ្ងៃ​អង្គា​រ៍​នោះ ប៉ុន្តែ​ពុំមាន​ប្រសិទ្ធភាព​ទប់​ការរិះគន់​នោះទេ​។ 

​    ​ពួក​អភិរក្សនិយម​បាន​ព្រលះ​មួយ​ទំហឹងៗ​ដាក់​លោក​អូ​បា​ម៉ា​ចំពោះ​ការសម្រេចចិត្ត​ខុស​ដ៏​ធ្ងន់ធ្ងរ​នេះ ដោយ​ពួក​បេក្ខភាព​ប្រធានាធិបតី​មកពី​បក្ស​សាធារណរដ្ឋ​ព្រួត​គ្នា​រិះគន់ ហើយ​ពួក​អ្នក​អភិរក្សនិយម​ក៏​ជាន់​មួយ​ទំហឹងៗ​ផងដែរ​កាលពី​ព្រឹក​ថ្ងៃ​ពុធ​។ 

​    ​លោក រូ​ឌី ជូ​លី​យ៉ា​នី (Rudy Giuliani) អ្នក​រិះគន់​លោក​អូ​បា​ម៉ា​ផ្កាប់មុខ និង​ជា​អតីត​អភិបាលក្រុង​ញូវយ៉ក​បាន​និយាយប្រាប់​ទូរទស្សន៍ MSNBC ថា "​ការងារ​របស់​បុរស​ម្នាក់នេះ​គឺត្រូវធ្វើ​ជា​មេដឹកនាំ​ពិភពលោក​សេរី ដែល​មានន័យថា​មេដឹកនាំ​អង្គការ​ណា​តូ​។ នៅទីនេះ​យើង​មានការ​វាយប្រហារ​មួយ ដែល​សូម្បី​នាយករដ្ឋមន្ត្រី​បារាំង​ក៏មាន​ឆន្ទៈ​ចេញមក​និយាយថា នេះ​ជា​សង្គ្រាម​របស់​រដ្ឋ​អ៊ីស្លាម​ប្រឆាំងនឹង​ពួកយើង​ដែរ​...​សង្គ្រាម​ប្រឆាំងនឹង​សម្ព័ន្ធមិត្ត​ណា​តូ​ជា​សង្គ្រាម​ប្រឆាំងនឹង​ពួកយើង ហើយ​បុរស​ម្នាក់នេះ​វិញ​បែរជា​ទៅធ្វើ​ទំនាក់ទំនង​ជាមួយ​ប្រទេស​កុម្មុយនីស្ត​។ ដូចជា​ខុស​រឿង​ពេក​ហើយ​មែន​ទេ​?"​។ 

​    ​ក្នុង​កម្មវិធី Fox News Tuesday night លោក​ជូ​លី​យ៉ា​នី​បាន​និយាយ​ហួស​ឆ្ងាយ​ថែម​មួយកម្រិត​ទៀត​ដោយ​ប្រដូច​ការវាយប្រហារ​នៅ​ទីក្រុង​ព្រុ​ច​សែ​ល​ទៅនឹង​ការវាយប្រហារ​របស់​ជ​ប៉ុន​មកលើ​ទឹកដី​អាមេរិក ដែល​បាន​ផ្លាស់ប្តូរ​របត់​សង្គ្រាមលោកលើកទីពីរ​។ 

​    ​លោក​បាន​និយាយថា "​វា​មិន​ខុស​អី​ពីលើ ហ្វ្រែ​ង​គ្លី​ន រូស​សេ​វែ​ល​ទេ ដែល​សម្ងំ​នៅ​ស្ងៀម​មិន​អើពើ​អ្វី​សោះ នៅពេល​ជប៉ុន​ទម្លាក់​គ្រាប់បែក​នៅ​កំពង់ផែ​ភៀ​ល​ហា​បឺ​"​។ លោក​បាន​លើកឡើងថា អាមេរិក​មាន​កាតព្វកិច្ច​ការពារ​សមាជិក​ណា​តូ​។ "​វា​ប្រៀប​បីដូច​ជាការ​វាយប្រហារ​មកលើ​យើង​ដូច្នោះ​ដែរ​"​។ 

​    ​មន្ត្រី​សេត​វិមាន​បាន​និយាយ​កាលពីពេល​កន្លងទៅ​ថា គ្មានអ្វី​ចំណេញ​ពី​ការផ្លាស់ប្តូរ​កាលវិភាគ​របស់លោក​ប្រធានាធិបតី​ទេ នៅពេលណា​ដែលមាន​ការរិះគន់​កើតឡើង ហើយ​លោក​អូ​បា​ម៉ា​បាន​ការពារ​ការសម្រេច​ចិត្ត​របស់គាត់​កាលពី​ថ្ងៃ​អង្គារ ដោយ​លើកឡើងថា "​គោលការណ៍​ជារួម​នៃ​អំពើ​ភេរវកម្ម​គឺ​ដើម្បី​ឆាឆៅ​ការរស់នៅ​របស់​ប្រជាជន​។ នោះ​ហើយ​ជា​ភាព​អត់ធន់ និង​កម្លាំង ដែល​យើង​ត្រូវការ​ដើម្បី​បង្ហាញ​នៅ​ចំពោះមុខ​ពួក​ភេរវ​ករ​ទាំងនោះ​។ ពួកវា​មិនអាច​បំបាក់​អាមេរិក​បានឡើយ​"​។ លោក​និយាយ​នេះ​គឺ​ចង់​សំដៅថា​លោក​មិន​បង្ហាញ​សកម្មភាព​ស្លន់ស្លោ ដែល​ធ្វើឱ្យ​ពួក​ភេរវជន​កាន់តែ​បានចិត្ត​នោះឡើយ​៕  

 

adverise with khmeread
ប្រភព៖ washingtonpost

មតិយោបល់