2

​បន្ទាប់ពី​ខកខាន​ពី​ក្រុម​ជម្រើសជាតិ​អ៊ុយ​រូ​ហ្គា​យ​អស់​រយៈពេល ៦៤០ ថ្ងៃ​ដោយសារ​ខាំ​គេ​ខាំ​ឯង ឥឡូវ Suarez មកវិញហើយ​!

​    ​គាត់​ត្រូវបាន​រង​ការរិះគន់​ពី​សង្គម និង​បណ្តេញ​ចេញពី​ព្រឹត្តិការណ៍ World Cup ដោយសារតែ​អត្ត​ច​រិ​ក​មិន​គប្បី​របស់គាត់ ប៉ុន្តែ​ឥឡូវ Suarez នឹង​បញ្ចប់​សុបិន​អាក្រក់​រយៈពេល ៦៤០ ថ្ងៃ​របស់ខ្លួន ហើយ​វិលត្រឡប់​ទៅ​ប្រទេស​ប្រេ​ស៊ី​ល​វិញ​ដើម្បី​ត្រៀម​ធ្វើការ​ប្រកួត​ជម្រុះ​បាល់ទាត់​ពិភពលោក​ឆ្នាំ ២០១៨ ឱ្យ​ក្រុម​ជ្រើស​ជាតិ​អ៊ុយ​រូ​ហ្គា​យ​។​

​    ​បើទោះជា​បណ្តាញ​ផ្សព្វផ្សាយ​ក្នុងប្រទេស​ប្រេ​ស៊ី​ល​ព្យាយាម​ចាក់ផ្សាយ​ឈុត Suarez ខាំ​ខ្សែការពារ​អ៊ីតាលី Giorgio Chiellini ម្តង​ហើយ​ម្តងទៀត​ក្នុង​សប្តាហ៍​នេះ​ដើម្បី​រំលឹក​អនុស្សាវរីយ៍​របស់គាត់​កាលពី​ពីរ​ឆ្នាំមុន​ក៏ដោយ ក៏ប៉ុន្តែ​ផ្ទុយ​មកវិញ​បណ្តាញ​ផ្សព្វផ្សាយ​ជាតិ​អ៊ុយ​រូ​ហ្គា​យ​បាន​ចាក់ផ្សាយ​វីដេអូ​ខ្លី​អំពី​ការ​ស៊ី​ប្រឡោះ​ជើង​ខ្សែការពារ​ប្រេ​ស៊ី​ល David Luiz ដោយ​ខ្សែប្រយុទ្ធ​រូ​ហ្គា​យ​រូបនេះ​នៅក្នុង​ក្របខ័ណ្ឌ Champions League កាលពី​រដូវ​កាល​មុន​ទៅវិញ​។​

​    ​គាត់​បាន​និយាយ​ក្នុង​សប្តាហ៍​នេះ​ថា "​ខ្ញុំ​បាន​បង្កើត​កំហុស​ប៉ុន្តែ​វា​ធ្វើបាប​ខ្ញុំ​ខ្លាំង​ជាង​ការ​លួច​ប្រើ​ថ្នាំ​ហាមឃាត់​ទៀត​។ អ្នក​រាល់គ្នា​ទទួលបាន​អ្វីដែល​ពួកគេ​សម​នឹង​ទទួលបាន​នៅ​ចុងបញ្ចប់​។ អ្នក​ត្រូវតែ​ក្រឡេកមើល FIFA ឥឡូវ​វា​យ៉ាងម៉េច​"​។​

​    ​ការ​ខាំ​កីឡាករ Chiellini បាន​កើតឡើង​បន្ទាប់​ខ្សែប្រយុទ្ធ​រូបនេះ​ខកខាន​ឱកាស​មាស​ក្នុង​ការរក​គ្រាប់​បាល់​ដែល​អាចធ្វើឱ្យ​ក្រុម​ជម្រើសជាតិ​អ៊ុយ​រូ​ហ្គា​យ​មិនបាន​ឡើងទៅ​វគ្គ​បន្ទាប់​។​

​    ​គាត់​ក៏ត្រូវ​បាន​ពិន័យ​ពី​បាល់ទាត់​ក្លឹប​រយៈពេល ៤ ខែ​និង​បាល់ទាត់​ប្រទេស​ចំនួន ៩ ប្រកួត ដោយសារ​កាយវិការ​មិន​គប្បី​របស់គាត់​ក្នុងនាម​ជា​កីឡាករ​អាជីព​ម្នាក់​៕

ប្រភព៖ Daily Mail

មតិយោបល់