adverise with khmeread Bfdbf963 735a 4cdb b6f6 8c488e405cc1

ជិះ​ក្នុង​ល្បឿន​លឿន​មិន​ប្រយ័ត្ន​ឡើង​ពុំនូក​ទួល​ដួល​អូស​ជិត​១០​ម៉ែត្រ​បោក​ក្បាល​ស្លាប់​

      ភ្នំពេញ​៖ បុរស​ម្នាក់​ជិះ​ម៉ូតូ​ក្នុង​ល្បឿន​លឿន​មិន​ប្រយ័ត្ន​ឡើង​ពុំនូក​ទួល​ដែល​គេ​ចាត់​កាត់​ទទឹងផ្លូវ​បណ្ដាលឱ្យ​ដួល​អូស​ជិត​១០​ម៉ែត្រ​បោក​ក្បាល​ស្លាប់​ភ្លាមៗ​នៅ​កន្លែងកើតហេតុ​។​

      ហេតុការណ៍​គ្រោះថ្នាក់​ចរាចរណ៍​នេះ​បាន​កើតឡើង​នៅវេលា​ម៉ោង​១២​និង​៥០​នាទី​រំលង​អា​ធ្រា​ត ឈានចូល​ថ្ងៃទី​២៦ ខែ​មិនា ឆ្នាំ​២០១៦ នៅ​ផ្លូវ​បេតុង រោងចក្រ​ដំបូល​ខៀវ ស្ថិត​ក្នុងភូមិ​ត្រពាំង​ថ្លឹង សង្កាត់​ចោមចៅ ខណ្ឌ​ពោរ​ធិ៍​សែន​ជ័យ​។​

      ប្រភពព័ត៌មាន​ពី​កន្លែងកើតហេតុ​បានឱ្យដឹងថា នៅ​មុនពេល​កើតហេតុ​គឺ​គេ​ឃើញ​ជនរងគ្រោះ​ជិះ​ម៉ូតូ​ម៉ាក​ឌ្រី​ម​C125​ពណ៌​ខ្មៅ  សេរី​ឆ្នាំ​2016 ពាក់​ស្លាក​លេខ ភ្នំពេញ​1FO-7974 ធ្វើដំណើរ​ទិសដៅ​ពី​ត្បូង​ជើង​ទៅ​ត្បូង​ក្នុង​ល្បឿន​លឿន។​

      ពេលមកដល់​ចំណុចកើតហេតុ​ដែលជា​ក​ន្លែ​ង​គេ​ចាក់​ទួល​កាត់​ទទឹងផ្លូវ​មិន​ប្រយ័ត្ន​ឡើង​ទួល​ដួល​អូស​ជិត​១០​ម៉ែត្រ​បោក​ក្បាល​ទៅនឹង​ថ្នល់​ស្លាប់​ភ្លាមៗ​នៅ​កន្លែង ចំណែក​ម៉ូតូ​រង​ការខូចខាត​បន្តិច​ប​ន្ទួ​ច​។​

      សមត្ថកិច្ច​បានឱ្យដឹង​ថា​ជនរងគ្រោះ​គឺ​នៅ​មិនទាន់​ស្គាល់​អត្តសញ្ញាណ​នៅឡើយ​ទេ​។ ក្រោយពី​កើតហេតុ​កម្លាំង​ជំនាញ​ធ្វើការ​វាស់វែង​យក​ម៉ូតូ​ទៅ​រក្សាទុក​នៅ​អធិការដ្ឋាន​ប៉ូល​ស​ខណ្ឌ​ពោរ​ធិ៍​សែន​ជ័យ​ដើម្បី​រង់ចាំ​សាច់​ញា​ត្តិ​មក​យកទៅ​វិញ​។​

      ចំណែក​សព​ជនរងគ្រោះ​សមត្ថកិច្ច​បាន​ហៅ​រថយន្ដ​សង្គ្រោះ​ដឹក​ទៅ​ដំកល់ទុក​នៅ​វត្ត​សំបួរមាស ខណ្ឌដង្កោ​ដើម្បី​រងចាំ​ស្រាវជ្រាវ​រក​ក្រុមគ្រួសារ​មក​ទទួលយក​ទៅធ្វើ​បុណ្យ​តាម​ប្រពៃណី​៕​

adverise with khmeread

អ្នកនឹងចូលចិត្ត

មតិយោបល់