955136f1 9a90 4d0f 9153 f8e4a7d99c7a

បង្ក្រាប​ទីតាំង​ប្រើប្រាស់​គ្រឿងញ្ញៀន​បាន​៣០​នាក់​ដកហូត​ម៉ូតូ​បាន​៤​គ្រឿង​(​មាន​វីដេអូ​)

     ភ្នំពេញ ៖ គណៈបញ្ជាការ​ឯកភាព​ខណ្ឌ​សែន​សុខ​បាន​បើក​ប្រ​តិ្ត​ការចុះ​បង្ក្រាប​ទីតាំង​ជួន​ដូរ​និង​ប្រើប្រាស់​គ្រឿងញ្ញៀន​បាន​ចំនួន​៣០​នាក់​(​ស្រី​ម្នាក់​)​រួម​នឹង​ម៉ូតូ​បាន​៤​គ្រឿង​កាលពី​វេលា​ម៉ោង​៩​យប់​ថ្ងៃទី​១​ខែមេសា​ឆ្នាំ​២០១៦​តាម​បណ្តោយ​ផ្លូវ​បេតុង​នៅ​ចំណុច​ភូមិ​ត្រពាំង​ឈូក សង្កាត់​ទឹកថ្លា ខណ្ឌ​សែន​សុខ​។​

    តាម​ប្រភពព័ត៌មាន​ពី​កន្លែងកើតហេតុ​បាន​ឲ្យ​ដឹងថា ដោយមាន​ប្រជាពលរដ្ឋ​បាន​នៅ​ម្តុំ​ភូមិ​ត្រពាំង​ឈូក​បាន​ប្រាប់​សមត្ថកិច្ច​ថា​ដោយ​មួយ​យប់ៗ​មាន​មនុស្ស​ប្រុស​ស្រី​បាននាំគ្នា​ចេញ​ទីតាំង​ខាងលើ​ដែលជា​ទីតាំង​ប្រើប្រាស់​និង​ជួញដូរ​គ្រឿងញ្ញៀន​ទើប​គណៈបញ្ជាការ​ឯកភាព​ខណ្ឌ​សែន​សុខ​បានធ្វើការ​ចុះបង្ក្រាប​ទីតាំង​ខាងលើ​និង​ឃាត់ខ្លួន​មនុស្ស​ចំនួន​៣០​នាក់​នៅក្នុង​នោះ​ដែល​ឃាត់ខ្លួន​បាន​ស្ត្រី​ម្នាក់​ដកហូត​បាន​ម៉ូតូ​ចំនួន​៤​គ្រឿង​រួមទាំង​សម្ភារៈប្រើប្រាស់​មួយចំនួនទៀត​ថែមទាំង​ទូ​ហ្គេម​បាញ់​ត្រី​ចំនួន​២​ទូ​។​

     ក្រោយ​ការបង្ក្រាប​ជនសង្ស័យ​ទាំងនោះ​ត្រូវបាន​គណៈបញ្ជាការ​ឯកភាព​ខណ្ឌ​សែន​សុខ​កា​សាង​សំណុំរឿង​បញ្ចូនទៅ​តុលាការ​ដើម្បី​ចាត់ការ​ទៅតាម​និតិ​វិធី​ផ្លូវច្បាប់ ៕​

 

អ្នកនឹងចូលចិត្ត

មតិយោបល់