រថយន្តចតលើផ្លូវគ្មានភ្លើងសញ្ញាសម្គាល់,បុរសម្នាក់បើកម៉ូតូបុកពីក្រោយស្លាប់ភ្លាម

កណ្តាល ៖ មានករណីគ្រោះថ្នាក់ចរាចរណ៍បុរសម្នាក់បើកម៉ូតូបុករថយន្តចតស្ងៀមពីក្រោយបណ្តាលឱ្យស្លាប់ កើតឡើងនាថ្ងៃសៅរ៍ទី០៨ ខែសីហា ឆ្នាំ២០២០ វេលាម៉ោង៨យប់នៅត្រង់ចំណុចលើផ្លូវថ្មីក្រាលកៅស៊ូ ភូមិកោះ​គរ សង្កាត់រកាខ្ពស់ ​ក្រុងតាខ្មៅ​​ ខេត្តកណ្តាល។ 

ប៉ូលិសនិយាយថា ជនរងគ្រោះឈ្មោះ ហ៊ា រិទ្ធី ភេទប្រុស អាយុ ២២ឆ្នាំ មានទីលំនៅភូមិកណ្តាលស្ទឹង ស្រុកកណ្តាលស្ទឹង ខេត្តកណ្តាល (ស្លាប់នៅកន្លែងកើតហេតុ)។ ចំណែកជនសង្ស័យមិនទាន់ស្គាល់អត្តសញ្ញាណ (គេចខ្លួន)។

ប៉ូលិាបន្តថា ដំបូងមានរថយន្តមួយគ្រឿងម៉ាក SCANIA ពណ៌​ស ពាក់ស្លាកលេខ​  ភ្នំពេញ​ 3F-1377 ​មានសណ្តោងកន្ទុយរ៉ឺម៉កពណ៌ស្លាទុំ​ ពាក់ស្លាកលេខ​ ក្រ​.ព្រះ​សីហនុ​ 4A-2342 អ្នកបើករថយន្ត (មិនស្គាល់អត្តសញ្ញាណរត់បាត់) ចតរថយន្តនៅលើផ្លូវថ្មីក្រាលកៅស៊ូភូមិកោះគរក្នុងទិសដៅពីកើតទៅលិច​។

លុះមកដល់ចំណុចខាងលើក៏ត្រូវបានម៉ូតូមួយគ្រឿងម៉ាក HONDA C125 ពណ៌​ខ្មៅ​ ពាក់ស្លាកលេខ​ កណ្តាល1AH-7421​ អ្នកបើកម៉ូតូមានឈ្មោះ​ ហា​ រិទ្ធី​  ភេទ​ប្រុស​អាយុ​២២ឆ្នាំ​មានទីលំនៅ​ភូមិ​ កណ្តាល​ស្ទឹង​ ឃុំ​កណ្ដាល​ស្ទឹង​ ខេត្ត​កណ្ដាល​ បើកម៉ូតូក្នុងទិសដៅ​ ពីកើតទៅលិចបុកពីក្រោយរថយន្តបណ្តាលឱ្យអ្នកបើក​ម៉ូតូស្លាប់នៅកន្លែងកើតហេតុភ្លាមៗ​ ហើយបន្ទាប់មកត្រូវបានសាច់​មកទទួល​យកទៅធ្វើបុណ្យតាមប្រពៃណី​នៅឯស្រុកកំណើត។ 

បច្ចុប្បន្នមធ្យោបាយដែលពាក់ព័ន្ធបានយកមករក្សាទុកនៅអធិការដ្ឋានប៉ូលិសក្រុងតាខ្មៅបណ្តោះអាសន្ន។មូលហេតុមកពីអ្នកបើករថយន្តចតនៅលេីផ្លូវ​ដោយមិនបានដាក់ស្លាកសញ្ញាសម្គាល់​នៅពីក្រោយរថយន្តឱ្យបានគ្រប់គ្រាន់​ និងចតនៅលើផ្លូវងងឹត​៕

adverise with khmeread