adverise with khmeread 1

កុំព្យូទ័រ​មិនយូរ​មិនឆាប់​អាច​ប្រាប់ថា​ថ្ងៃ​ណា​មនុ​ស្សនឹង​ស្លាប់​!

    ​ការ​ទៅ​ជួប​វេជ្ជបណ្ឌិត​អាច​ប្រាប់​រឿង​ជាច្រើន​ដល់​លោកអ្នក​អំពី​សុខភាព​ដូចជា ថា​តើ​លោក​អ្នកមាន​សម្ពាធ​ឈាម​ខ្ពស់​ពេក​ឬក៏​អត់ ឬ​តើ​លោកអ្នក​ត្រូវ​កាត់បន្ថយ​ការផឹក​គ្រឿង​ស្រវឹង​ឬក៏​អត់​ជាដើម​។

​    ​ប៉ុន្តែ​ក្នុងពេល​អនាគត ការដឹង​រឿងរ៉ាវ​អំពី​សុខភាព​អាច​ទៅ​ហួស​ពីនេះ​ទៀត ដោយ​គ្រាន់តែ​កុំព្យូទ័រ​សាមញ្ញ​មួយ​ក៏​អាច​ព្យាករ​ថា​លោក​អ្នកនឹង​ស្លាប់​ពេលណា​បានដែរ​។

​    ​ក្រុម​អ្នកស្រាវជ្រាវ​ក្នុង​ចក្រភព​អង់គ្លេស​បាន​កំពុង​ចាប់ផ្តើម​គម្រោង​ម៉ាំ​មុត (Mammoth) ដែលមាន​គោលបំណង​ប្រមូល​នូវ​ទិន្នន័យ​ដ៏​សម្បើម​រួមបញ្ចូល​គ្នា​ដើម្បី​ចង្អុលបង្ហាញ​ឱ្យ​ច្បាស់​ថា​តើ​ពេលណា​មនុស្ស​នឹងត្រូវ​ដល់​ថ្ងៃ​ស្លាប់​។

​    ​តាមរយៈ​ការ​រៀបរៀង​ទិន្នន័យ​សុខភាព​នានា ក្រុម​អ្នកវិទ្យាសាស្ត្រ​នៅ​សាកលវិទ្យាល័យ University of East Anglia សង្ឃឹមថានឹង​អភិវឌ្ឍ​វិធីសាស្ត្រ​សម្រាប់​ព្យាករ​ថា​តើ​មនុស្ស​នឹង​រស់​បានយូរ​ប៉ុនណា ដូច្នេះ​ហើយនឹង​ជួយ​ពួកគេ​ឱ្យចំ​ណាយ​ពេលវេលា និង​លុយកាក់​បាន​ឆ្លាត​វៃ​សម្រាប់​រក្សា​សុខភាព​ឱ្យបាន​ល្អ​។

​    ​កាលពីដើម​ឆ្នាំនេះ ក្រុម​អ្នកស្រាវជ្រាវ​នេះ​បានទទួល​លុយ​ចំនួន ១,១ លាន​ដុល្លារ​ពី​វិទ្យាស្ថាន Institute and Faculty of Actuaries ជា​ស្ថាប័ន​របស់​អង់គ្លេស ដែល​បណ្តុះបណ្តាល និង​ចេញ​បទបញ្ញត្តិ​គ្រប់គ្រង​អ្នកជំនាញ ដែល​ពាក់ព័ន្ធ​ក្នុងការ​គ្រប់គ្រង​ហានិភ័យ ដើម្បី​យកលុយ​ទាំងនេះ​មក​ប្រើ​ក្នុង​គម្រោង​ស្រាវជ្រាវ​រយៈពេល ៤ ឆ្នាំនេះ​៕

​ប្រភពៈ ដេលី​មែ​ល

adverise with khmeread

អ្នកនឹងចូលចិត្ត

មតិយោបល់