adverise with khmeread 5bd74d01 c9f7 46bb 8d76 6d9d1f58890d

ប៉ូលិស​ខណ្ឌចំការមន​ឃាត់​ចោរឆក់​ទូរស័ព្ទ​ម្នាក់​ទាំងយប់​

     ភ្នំពេញ ៖ ជនសង្ស័យ​ប្រុសម្នាក់ ពាក់ព័ន្ធ​ករណី​ឆក់​ទូរស័ព្ទ​ត្រូវបាន​ប៉ូលិស​ខណ្ឌចំការមន​ឃាត់ខ្លួន នៅ​ថ្ងៃទី០២ ខែមេសា ឆ្នាំ២០១៦ ម៉ោង ១១និង​១០យប់​កើតឡើង​ត្រង់ចំណុច​មុខផ្ទះ​លេខ៧២៧ ផ្លូវ ព្រះមុនីវង្ស ភូមិ៩ ក្រុម១៦ សង្កាត់ បឹង​កេងកង៣ ខណ្ឌចំការមន ។​

     ប៉ូលិស​និយាយថា ជនរងគ្រោះ​ឈ្មោះ គង់ រដ្ឋា ភេទ ប្រុស អាយុ19ឆ្នាំ ខ្មែរ មុខរបរអ៊ុតសក់ ស្នាក់នៅ​ផ្ទះជួល​គ្មាន​លេខ ផ្លូវ១០៧ សង្កាត់​មនោ​រម្យ ខណ្ឌ៧ មករា។​

​ចំណែក​ជនសង្ស័យ​ឃាត់ខ្លួន​មានឈ្មោះ សេង ផល្លា ភេទ ប្រុស អាយុ ២៤ ឆ្នាំ ខ្មែរ មុខរបរ បុគ្គលិក​ក្រុមហ៊ុន​គ្រឿង​សង្ហា​រឹម ស្នាក់​នៅផ្ទះ​គ្មាន​លេខផ្លូវ ៣៩២ សង្កាត់​បឹង​កេងកង​១ ខណ្ឌចំការមន ។​

     វត្ថុតាង​ដកហូត ៖ ទូរស័ព្ទ០១ គ្រឿង ម៉ាក សាំង​សុង ( របស់​ជនរងគ្រោះ ប្រគល់អោយ ម្ចាស់​វិញ ) ,​ម៉ូតូ ០១ គ្រឿង ម៉ាក VaVe ពណ៌ ខ្មៅពាក់​ស្លាក​លេខ 1CA-2014 ភ្នំពេញ ( របស់​ជនសង្ស័យ ) ។​

     បច្ចុប្បន្ន​ជនសង្ស័យ​ឃាត់ខ្លួន​នៅ​ខណ្ឌ​ដើម្បី​កសាង​សំណុំរឿង​ចាត់ការ​តាម​នីតិវិធី​៕

adverise with khmeread

អ្នកនឹងចូលចិត្ត

មតិយោបល់