ក្មេងប្រុសអាមេរិកម្នាក់ដេកនៅចម្ការពោត ត្រូវម៉ាស៊ីនច្រូតបើកកិនពីលើស្លាប់

ក្មេងប្រុសប្រមាញ់ក្ដាន់ម្នាក់បានស្លាប់ក្នុងឧបទ្ទវហេតុដ៏រន្ធត់មួយ បន្ទាប់ពីគាត់ត្រូវបានម៉ាស៊ីនច្រូតពោតមួយគ្រឿងកិនពីលើក្នុងចម្ការកាលពីព្រឹកថ្ងៃសៅរ៍។

អាជ្ញាធរនិយាយថា ក្មេងប្រុសនោះមកពីក្រុង Elkton រដ្ឋ Michigan បានស្លាប់អំឡុងពេលម៉ោង៩ព្រឹកថ្ងៃសៅរ៍នៅក្នុងចម្ការពោតជនបទមួយកន្លែងក្នុងទីប្រជុំជន Chandler Township នៃរដ្ឋ Michigan។

ប៉ូលិសសង្កាត់ Huron និយាយថា ក្មេងប្រុសនោះឈ្មោះ Jeffery Lewis Powell អាយុ១៣ឆ្នាំត្រូវបានទម្លាក់ចុះនៅចម្ការពោតនោះ ដូច្នេះគាត់អាចប្រមាញ់សត្វក្ដាន់នៅទីនោះ ហើយគាត់ក៏បានដេកលក់នៅចម្ការនោះ។

បុរសវ័យ២៥ឆ្នាំម្នាក់មកពីភូមិ Pigeon បានត្រឡប់ទៅចម្ការពោតនៅម៉ោងប្រហែល៩ព្រឹក ដើម្បីទៅបន្តច្រូតពោត ដោយមិនដឹងថាក្មេងប្រុសនោះដេកក្នុងចម្ការនោះទេ។

ខណៈដែលបើកម៉ាស៊ីនច្រូតពោតដ៏ធំមួយ បុរសនោះបានបើកកិនពីលើក្មេងប្រុសនោះ ហើយនៅពេលគាត់ដឹងថាកិនមនុស្ស វាយឺតពេលបាត់ទៅហើយ។

បុគ្គលិកសង្គ្រោះបន្ទាន់បានប្រកាសថា Powell បានស្លាប់នៅនឹងកន្លែងកើតហេតុ ហើយបានធ្វើកោសល្យវិច័យលើសាកសពរបស់គាត់៕

adverise with khmeread