ឃាត់ខ្លួនបុរស៣នាក់រាយខ្សែភ្លើងឆក់យកសត្វកណ្តុរ បណ្តាលឱ្យឆក់ក្មេងប្រុសម្នាក់ស្លាប់

តាកែវ ៖ មានករណីបុរស៣នាក់ រាយខ្សែភ្លើងឆក់យកសត្វកណ្តុរ បណ្តាលឱ្យឆក់ក្មេងប្រុសម្នាក់ស្លាប់កើតឡើង ត្រង់ចំណុចវាលស្រែប្រាំង ស្ថិតនៅក្នុងភូមិព្រៃល្វាកើត ឃុំព្រៃល្វា ស្រុកព្រៃកប្បាស ខេត្តតាកែវ កាលពីថ្ងៃទី១៤ ខែកញ្ញា ឆ្នាំ២០២០។

សមត្ថកិច្ចនិយាយថា សពជនរងគ្រោះឈ្មោះ សាន គឹមសៀន ភេទប្រុស អាយុ១២ឆ្នាំ។ ក្រោយកើតហេតុសមត្ថកិច្ចមូលដ្ឋានបានចុះធ្វើស្រាវជ្រាវ ករណីនេះរហូតឈានដល់ការឃាត់ខ្លួនជនសង្ស័យ៣នាក់រួមមាន ឈ្មោះ ហេង ណាក់​ ភេទប្រុស អាយុ៣២ឆ្នាំ,ឈ្មោះឈឹម​ ផល្លា​ ភេទប្រុស អាយុ៤៦ឆ្នាំ និងឈ្មោះ លី​ រឿន ភេទប្រុស​ អាយុ៣៧ឆ្នាំ ពួកគេទាំង៣នាក់ស្នាក់នៅ ភូមិព្រៃល្វាកើត ឃុំព្រៃល្វា ស្រុកព្រៃកប្បាស ខេត្តតាកែវ។

បន្ទាប់មកប៉ូលិសបាននាំមកកាន់អធិការដ្ឋានប៉ូលិសស្រុកព្រៃកប្បាស ដើម្បីធ្វើការសាកសួរ និងចាត់ការតាមនីតិវិធីច្បាប់៕

adverise with khmeread