​មើលស្រាល​មិនបាន​មែន​! Wolfsburg ធាក់ Real ពីរ​ជើង​មិនឱ្យ​តដៃ​

​    ​ក្តីសង្ឃឹម​លើក​ពាន Champions League លើក​ទី ១១ របស់​ក្រុម​អធិរាជ​ស Real Madrid កំពុងស្ថិត​ក្នុង​ហានិភ័យ​ខ្ពស់​បន្ទាប់ពី​ចាញ់​ក្រុម Wolfsburg ២-០ កាលពី​យប់មិញ​នេះ នៅក្នុង​វគ្គ ១/៤ ក្នុង​ទឹកដី Volkswagen Arena​។​

​    ​នៅក្នុង​នាទី​ទី ១៨ កីឡាករ Ricardo Rodríguez របស់ Wolfsburg បា​នរក​គ្រាប់​បាល់​ជូន​ក្រុម​ដោយ​ការទា​ត់បាល់​ពិន័យ ១១ ម៉ែត្រ បន្ទាប់ពី​កីឡាករ Casemiro របស់ Real Madrid បាន​បង្កើត​កំហុស​ក្នុង​តំបន់​គ្រោះថ្នាក់​។​

​    ​បន្ទាប់មក នៅក្នុង​នាទី​ទី ២៥ កីឡាករ Maximilian Arnold បា​នរក​គ្រាប់​បាល់​ទី​ពីរ​ជូន​ក្រុម ដោយ​ការ​ប៉ះ​បញ្ចូល​ទី​ដ៏​ស្អាត ដែល​ប​ញ្ចូ​ន​ដោយ​មិត្ត​រួម​ក្រុម Bruno Henrique Pinto​។​

​    ​ស្ថិតិ​ក្នុងការ​ប្រកួត​នេះ ក្រុម​អធិរាជ​ស មានឱកាស​ស៊ុត​ច្រើន​ខណៈ​ពួកគេ​បាញ់​បាន ២១ ជើង ប៉ុន្តែ​ចំ​គោលដៅ​តែ ៣ ជើង​ប៉ុណ្ណោះ​ដែល​ផ្ទុយ​ពី​ក្រុម Wolfsburg ស៊ុត​បានតែ ១០ ជើង​ប៉ុណ្ណោះ ប៉ុន្តែ​គុណភាព​ចំ​គោលដៅ​គឺ​ច្រើនជាង Real Madrid ដល់​ទៅ ៤ ជើង​។​

​    ​ចប់​ការប្រកួត លោក Zidane បាន​និយាយថា ក្រុម​របស់លោក​នឹង​បង្កើត​អភិនីហារ​នៅ​ជើង​ទី​ពីរ ដើម្បី​បន្ត​ក្តីសង្ឃឹម​លើក​ពាន​របស់​ពួកគេ​តែមួយ​នេះ​៕

 
Wolfsburg vs Real Madrid Extended Highlights

Wolfsburg vs Real Madrid Extended Highlights (English Commentary) Super Highlights Pinnacle Highlights

Posted by Super Highlights on Wednesday, April 6, 2016

 

adverise with khmeread