Man City ជួយ​លើក​មុខមាត់​ក្រុម​អង់គ្លេស​ទាំងអស់​បន្ទាប់​ពី​តាម​បាន ២-២ នៅ​ទីក្រុង​ប៉ារីស​

    ​បើទោះជា​កីឡាករ Fernandinho បាន​ជួយសង្គ្រោះ Man City បន្ទាប់ពី PSG ធ្វើ​ព្យុះ​ធ្វើ​ភ្លៀង​ក្នុង​តង់​ទីមួយ​រួចមក ក្រុម​អ្នកមាន​មួយ​នេះ​នៅតែមាន​កាតព្វកិច្ច​ជើង​ទី​ពីរ បន្ទាប់ពី​ធ្វើបាន​លទ្ធផល ២-២ យ៉ាង​ល្អ​ក្នុងការ​ប្រកួត​ជើង​ទីមួយ​នៃ​ក្របខ័ណ្ឌ Champions League ក្នុង​ទឹកដី Parc des Princes​។​

​    ​នៅក្នុង​តង់​ទីមួយ PSG បាន​ផ្តើម​សញ្ញា​សយ​ទៅហើយ បន្ទាប់ពី​កីឡាករ Ibrahimovic ទាត់​បាល់​ពិន័យ​ប៉េ​ណា​ល់​ទី​មិន​ចូលក្នុង​នាទី​ទី ១៤​។​

​    ​Man City ក៏បាន​បង្កើត​ក្តីសង្ឃឹម ដោយ​នាំមុខ​ក្រុម​ម្ចាស់ផ្ទះ​ក្នុង​តង់​ទីមួយ​ក្នុង​នាទី​ទី ៣៨ ដែល​ធ្វើបាន​ដោយ​ខ្សែបម្រើ​ឆ្នើម De Bruyne ប៉ុន្តែ​ត្រូវបាន​ច្រានចោល​ដោយ Ibrahimovic ក្នុង​នាទី​ទី ៤១​។​

​    ​PSG បាន​នាំមុខ Man City ម្តងទៀត​បន្ទាប់ពី​កីឡាករ Adrien Rabiot ស៊ុត​បាល់​លង​ក្រោយ​ខ្សែប្រយុទ្ធ Edinson Cavani ព្រលះ​មួយ​ជើង​យ៉ាងខ្លាំង​។​

​    ​ទោះជា​យ៉ាងនេះ​ក្តី Fernandinho បាន​ជួយ Man City ឱ្យ​ចាក​ផុតពី​បរាជ័យ​និង​គេង​ចំណេញ​គ្រាប់​បាល់​ក្រៅ​ផ្ទះ​ដល់​ទៅ​ពីរ​គ្រាប់​នៅក្នុង​នាទី ៧២​។​

​    ​កាលពី​យប់មិញ​នេះ ក្រុម​ទាំងពីរ​មាន​ទម្រង់​លេង​ប្រហាក់ប្រហែលគ្នា ខុស​តែ​ភាគរយ​គ្រប់គ្រង​បាល់​ប៉ុណ្ណោះ ដូច្នេះ គេ​សង្កេតឃើញថា Man City មាន​ភាគរយ​ឡើងទៅ​វគ្គ​ពាក់កណ្តាល​ផ្តាច់ព្រ័ត្រ ៥០% ទៅហើយ និង​ប្រសិនបើ​ពួកគេ​អាច​ទប់ ០-0 ឬក៏ ១-១ ឬក៏​យកឈ្នះ Paris តែម្តង​ក្នុង​ជើង​ទី​ពីរ ពួកគេ​អាច​នឹង​មានឱកាស​ឡើងទៅ​វគ្គ​ផ្តាច់ព្រ័ត្រ​ក៏​អាច​ថា​បាន​៕

 
PSG vs Manchester City Extended Highlights

PSG vs Manchester City Extended Highlights (English Commentary) Super Highlights Pinnacle Highlights

Posted by Super Highlights on Wednesday, April 6, 2016

 

1
adverise with khmeread
Loading ad ...