samsung-banner
adverise with khmeread

ចូលក្នុង​ផ្ទះ​សង់​ថ្មី​លួច​ទ្រព្យសម្បត្តិ​ត្រូវបាន​ចាប់ខ្លួន

Bd5a8d5a 5451 44e2 b2dd 6caef9a549a6

     ភ្នំពេញ ៖ បុរស​ម្នាក់​ត្រូវបាន​ប៉ូលិស​បឹងទំពុន ខណ្ឌមានជ័យ​ឃាត់ខ្លួន​ក្នុងករណី លួច​យក​ទ្រព្យសម្បត្តិ​កាលពី​ថ្ងៃទី​០៧ ​មេសា​ ឆ្នាំ២០១៦ ​វេលា​ម៉ោង​០១​រំលង​ធ្រា​ត្រ នៅ​ចំណុច​ក្នុងផ្ទះ​គ្មាន​លេខ​កំពុង​សាងសង់​ផ្លូវ​លេខ​៥១​បេ​តេ ក្រុមទី​០៤ ភូមិ​សន្សំ​កុសល​៣ សង្កាត់ បឹងទំពុន ខណ្ឌមានជ័យ រាជធានី​ភ្នំពេញ។​

     ប៉ូលិស​និយាយថា ជនសង្ស័យ​ឈ្មោះ ផាន់ សុ​ផេ​ត ហៅ ធី ភេទប្រុស អាយុ២៧ឆ្នាំ មុខ របរមិន​ប្រាកដ​ស្នាក់នៅ​ផ្ទះជួល ផ្លូវលំ សង្កាត់ ផ្សារកណ្តាល​១ ខណ្ឌដូនពេញ(​ឃាត់ខ្លួន​)។​

     ចំណែក​ជ​រងគ្រោះ​ឈ្មោះ ពៅ រដ្ឋា ភេទប្រុស អាយុ៣២ឆ្នាំ មុខរបរ ជាងសំណង់ ស្នាក់​នៅផ្ទះ​លេខ ៤១ ផ្លូវ​៣៦៧  ភូមិកណ្តាល សង្កាត់ ច្បារអំពៅ​២ ខណ្ឌច្បារអំពៅ រាជធានី​ភ្នំពេញ។​

     វត្ថុតាង​ចាប់យក​៖ កាបូបដៃ​ពណ៍​ក្រហម​លាយ​ខ្មៅ​០១,​ ពិល​០១,​ ទុ​ល្វី​ស​០១​ និងដែក​លួច​សរសៃ ០២ កំណាត់។​

     ប៉ូលិស​បន្តថា  មុនពេល​កើតហេតុ​ជនរងគ្រោះ​ឈ្មោះ ពៅ រដ្ឋា និង កម្មករសំណង់​ដទៃទៀត បានមក ធ្វើការ (​សាងសង់​ផ្ទះ​) នៅ​ភូមិ សន្សំ​កុសល​៣ សង្កាត់ បឹងទំពុន ខណ្ឌ មានជ័យ (​ចំណុច​កើត​ហ​តុ​) ហើយក៏​បាននាំគ្នា​សម្រាក​នៅក្នុង​ផ្ទះ ដោយ​ជនរងគ្រោះ​ទុក​កាបូបស្ពាយ​០១​ខាង​(​ក្នុង​មាន​ឯកសារ​មួយចំនួន​) នៅលើ​ក្បាល​ដំណេក។​

     ពេលនោះ​ជនសង្ស័យ​ឈ្មោះ ផាន់ សុ​ផេ​ត ហៅ ធី បាន​ដើរ​មកដល់​ឃើញ ក៏​ចូលធ្វើ​សកម្មភាព​លួច​យក​កាបូបស្ពាយ​ជនរងគ្រោះ​មក​រើកកាយ  ។​

     ខណៈនោះ​ជនរងគ្រោះ​បាន​ភ្ញាក់​ឃើញ​ទាន់​ក៏​ស្រែក​ឆោឡោ ហៅ​កម្មករ​ដែល​ស្នាក់នៅ​ជាមួយគ្នា​មកឃាត់​ខ្លួន​ជនសង្ស័យ យកមក​ប្រគល់ ឲ្យ​ប៉ូលិស​ប៉ុស្តិ៍​បឹងទំពុន​ចាត់ការ​តាមច្បាប់​តែម្តង។ បច្ចុប្បន្ន​ជនសង្ស័យ​ឃាត់ខ្លួន​នៅ​អធិការដ្ឋាន ដើម្បី​កសាង​សំណុំរឿង៕

adverise with khmeread

មតិយោបល់